Jerimaya 44:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Me cha reyọ umuku ri chekọ vwi Juda re ga ro vi re cha otọ rẹ Ijipt cha dia, ayen ejobi cha ghwọrọ; ayen che she vwẹ otọ rẹ Ijipt na; ọlọkọ vẹ owẹvwe che hwe ayen, ayen che hirhe phihọ isọn, vẹ oshẹdjẹ, ve ekan, kugbe ehwẹjẹ

Jerimaya 44:12 Referans Kwoze

Jerimaya 42:22

Asakiephana we jo mu ovwan ẹro nẹ obo rẹ ovwan ra ra dia na, ọlọkọ vẹ owẹvwe kugbe ọtiekọ che hwe ovwan vwẹ oboyi.

Aizaya 65:15

Wọ cha yan jẹ odẹ wẹn vwo kẹ ọ re Me jẹreyọ na vwọ harhe ekan, Ọrovwohwo rẹ Ọghẹnẹ ko ghwie we hwe, ẹkẹvuọvo idibo rọye ko mu odẹ ọfa kẹ ayen.

Hosia 4:6

A guọghọ ihwo mẹ fiki rẹ jẹriẹn fikiridie wọ sen erianriẹn, Me sen we nẹ wọ gbe dia orherẹn mẹ-ẹ. Ọtiobo rẹ urhi rẹ Ọghẹnẹ wẹn vwọ chọro owẹ ẹro na, emọ wẹn ke je chọro ovwẹ ẹro rhe.

Jerimaya 29:22

Fikiridie ayen ighuvwu re muru nẹ Juda kpo Babilọn na a cha vwẹ ekan nana harhe ayen, Ọrovwohwo ru ovwan kerẹ Zedikaya vẹ Ehab, e rẹ ovie ri Babilọn torhẹre vwẹ erhanre na,

Jerimaya 29:18

Ọlọkọ vẹ owẹvwe, kugbe ọtiekọ mi che vwo nene ayen, mi mi rhi ru ayen phiyọ imuoshọ kẹ ivie rẹ akpo na ejobi, re ayen vwọ dia ekan, osho, unuefiọn, vẹ ehwẹjẹ vwẹ uherevie rẹ irere ejobi re me djẹ ayen na.

Jerimaya 18:16

Ayen ru otọ rayen phihọ emu rẹ oshọ emu ra fiọn unu kẹ bẹdẹ. Oshọ mu ohwo kohwo rọ wan rọ vrẹn o mi kpogho uyovwi.

Aizaya 1:28

Ẹkẹvuọvo jihwo okpetu kugbe iruimwemwu ka guọghọ ayen kugbe, ihwo re sen Ọrovwohwo ka gbọrọ ayen.

Ukeri 5:27

Ọke rọ da vwẹ ame na kẹ da nure, etiyin, ọ da dianẹ o gbe oma rọye ẹgua rọ de gbe ọfanrhiẹn rhurhu ọshare rọye, ame rọ ghwẹ ekan cha na kọ ro evun rẹ oma rọye kọ miavwọ gangan, oma roye kọ vwọ ekpoghowọ rọye kọ kpare she kufia, aye na ko che hirhe phihọ isọn vwẹ uherevie rẹ ihwo rọye.

Jerimaya 16:4

Emiavwe ọbrabra che hwe ayen. A cha viẹ aye-en, e ji che shi aye-en; ayen cha họhọ isọn vwẹ enu rẹ otọ na. Ọlọkọ vẹ owẹvwe che hwe ayen, irivwi rayen ke dia emuọre kẹ emephran rẹ enu kugbe eranvwe rẹ akpọ na.

Jerimaya 24:9

Mi che ru ayen vwọ dia ometuo rode kẹ ivie re akpọ na, ayen ke dia ehwẹjẹ, ayen ke dia ọhare, ra mienuhọ vẹ ekan vwẹ asan kasan me cha djẹ ayen ra ejobi.

Jerimaya 26:6

ki mi che ru uwevwi nana kerẹ Shilo ki mi ji ru orere nana ekan vwọ ke irere re akpọ na ejobi.

Jerimaya 42:1

Etiyin ijurhi rẹ ofovwi na ejobi, vẹ Johanan ọmọ ri Karia vẹ Azaraya ọmọ rẹ Hoshaya, kugbe ihwo na ejobi nẹ otete re te orọde rayen, ki rhi si kẹre

Jerimaya 44:22

Ọrovwohwo gbi se chiri uruemu omiomiovwi rẹ ovwan kugbe ẹgua rẹ ovwan na ọfa-a, fiki rẹ ọtiọye na otọ rẹ ovwan rhi vwo hirhe phihọ ofefe vẹ ẹghwọrọ kugbe ekan, ihwo gbe herọ-ọ, kirobo rọ epha nonẹ na.

Zekaraya 8:13

Kirobo wọ vwọ dia ehwẹjẹ vwe ohri rẹ ẹgborho na, E uwevwi ri Juda vẹ uwevwi rẹ Izrẹl, eriyin mi che sivwi uwe ku wọ dia ebruba. Wọ djẹ oshọ-ọ, ẹkẹvuọvo jẹn abọ wẹn gan.

Jerimaya 43:11

Kọ cha rhe rhe teyọ otọ rẹ Ijipt, i re vwo ze kẹ ọtiekọ vwọ kẹ ọtiekọ, i re vwo ze kẹ imu ọ me vwe ayen kẹ imu, i re vwo ze kẹ ọlọkọ ọ me vwẹ ayen kẹ ọlọkọ.

Hosia 9:6

Kidie gbe nighe, ayen ra yanran kpo Asiria; Ijipt cha ghwẹ ayen koko, Mẹmfis kọye che shi ayen. Ekuakua esiri vẹ idọnọ rayen ejobi odi ko di rhurhu ayen inwe ke djẹ phihọ itughẹ rayen.