Jerimaya 43:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Eriyin na Johanan ọmọ ri Karia vẹ isun rẹ ofovwi na ejobi kugbe ihwo na ejobi rhe nyo urhuru rẹ Ọrovwohwo-o, vwọ dia otọ ri Juda na-a.

Jerimaya 43:4 Referans Kwoze

Jerimaya 44:5

Ẹkẹvuọvo ayen kerhọ-ọn, ayen vwẹ erhọn kpotọ-ọ, vwo kurhẹriẹ nẹ umwemwu rayen vwo je ugboduma ẹtorhẹ kẹ edjọ efa-a.

Une rẹ Ejiro 37:3

Vwẹ ẹro so Ọrovwohwo, ru wo ru ọ re esiri ko wọ dia otọ na, oma ko fu we.

2 Ikun rẹ Ivie 25:16

Ẹkẹvuọvo rọ ghwa vwọ ta ota na ovie na da ta kẹ, Avwanre vwẹ owẹ ru oboiroro rẹ ovie? Fotovwi! Die nẹrhẹ a teye owẹ hwe? Etiyin ọmraro na de fotovwi, ẹkẹvuọvo ọ da ta, Me riẹnre nẹ Ọghẹnẹ jẹ iroro rọ vwọ ghwọrọ owẹ, fikiridie wo ru ọnana wọ rha kerhọn rẹ uchebro mẹ-ẹ.

Aghwoghwo 9:16

Ẹkẹvuọvo me tare nẹ aghwanre yovwi nọ ẹgba owenẹ a jẹ aghwanre rẹ ogbere na fia, ra davwerhọn rẹ eta rọye-e.

Ivie rẹ Ivẹ 25:26

Kọye ihwo na ejobi, te itete tẹ iride kugbe inotu rẹ ofovwi na de vrẹn, ayen de kpo Ijipt; fikiridie ayen djẹ oshọ rẹ ihwo; ri Kaldia.

Jerimaya 41:16

Ọye ri Johanan ọmọ ri Karia vẹ isun re ofovwi na ejobi da reyọ ihwo ri chekọ na ejobi rẹ Ishmẹl ọmọ ri Netanaya muru ighuvwu nẹ Mizpa rhe ro hwe Gedalaya ọmọ rẹ Alukam nu na–otu rẹ ofovwi, eya, imitete, vẹ eghwara, Johanan da reyọ ayen nẹ Gibiọn rhe.

Jerimaya 42:8

Etiyin o dẹ se Johanan ọmọ ri Karia vẹ ijurhi rẹ ofovwi ejobi ri nene koko, vẹ ihwo na ejobi nẹ ọ rẹ otete re tẹ ọrode rayen.

Jerimaya 42:21

Mi ghwoghwiro kẹ ovwan nonẹ na, ẹkẹvuọvo emu ọvuọvo rẹ Ọrovwohwo Ọghẹnẹ rẹ ovwan na ju vwe nẹ me ta kẹ ovwan o ri we nyori herọ-ọ.