Jerimaya 43:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Azaraya ọmọ ri Hoshaya kugbe Johanan ọmọ ri Karia kugbe iduota na ejobi da ta kẹ Jerimaya nẹ, Wọ vwọrefian. Ọrovwohwo Ọghẹnẹ rẹ avwanre ji we ra vuẹ avwanre-e nẹ, Wa yanran kpo Ijipt re wa ra dia oboyi-i;

Jerimaya 43:2 Referans Kwoze

Aizaya 7:9

Uyovwi rẹ Ifrem ọye Sameria, uyovwi ri Sameria ọye ọmọ rẹ Remeliah Wọ rhe se segbuyota-a, uyota wo rhe se mudia ga-an.

2 Ikun rẹ Ivie 36:13

Ọ se mukpahe Ovie Nẹbukadreza, rọ nẹrhẹ vwẹ odẹ rẹ Ọghẹnẹ duvwu iyori; o de ohọre rọye ghaghagha o de ru udu kpohro kẹ Ọrovwohwo, Ọghẹnẹ rẹ Izrẹl.

1 Pita 5:5

Ọtiọye rhe ovwan imighene na wa vwẹ oma kpotọ kẹ ekpako na. Vwẹ omaevwokpotọ ru amwa vwo rhuo ohwohwo, ovwan ejobi, kidie Ọghẹnẹ muẹkpahe otu ri herẹ, ẹkẹvuọvo erhuvwu kẹ ohwo ro ruẹ dẹndẹn.

Jems 4:6

Ẹkẹvuọvo o siobọ nẹ ẹserọphẹ rọye na buebu, kọye ọbe ọfuanfon na vwo tanẹ, Ọgbẹnẹ hirhe opharo ku ohwo ro mu oma kpenu, ọ me rha vwẹ ẹroesiri ni otu re vwẹ oma kpotọ.

Jerimaya 43:1

Ọke ri Jerimaya vwọ ta eta nana ejobi rẹ Ọrovwohwo rẹ Ọghẹnẹ rayen jiro bru ayen ra na nu,

Jerimaya 42:1

Etiyin ijurhi rẹ ofovwi na ejobi, vẹ Johanan ọmọ ri Karia vẹ Azaraya ọmọ rẹ Hoshaya, kugbe ihwo na ejobi nẹ otete re te orọde rayen, ki rhi si kẹre

Jerimaya 40:8

ayen da yan kpo Mizpah bru Jerimaya ra–-Ishmaẹl ọmọ ri Netanaya, Jahanan ọmọ ri Karia, Siraya ọmọ ri Tanhumẹt, emọ rẹ Efai ohwo ri Makat, ayen vẹ ihwo rayen.

Jerimaya 13:15

Nyo wọ kerhọn, wo herẹ-ẹ, Kidie Ọrovwohwo ta nure.

Isẹ 16:5

Ohwo kohwo ro phuoma ejobi ẹgua kẹ Ọrovwohwo, jo mu we ẹro nẹ, ọ cha sa vabọ rẹ oja ẹriọ-ọ.

Jerimaya 41:16

Ọye ri Johanan ọmọ ri Karia vẹ isun re ofovwi na ejobi da reyọ ihwo ri chekọ na ejobi rẹ Ishmẹl ọmọ ri Netanaya muru ighuvwu nẹ Mizpa rhe ro hwe Gedalaya ọmọ rẹ Alukam nu na–otu rẹ ofovwi, eya, imitete, vẹ eghwara, Johanan da reyọ ayen nẹ Gibiọn rhe.

Isẹ 30:9

Ọ rha dia ọtiọye-e evun da vọn vwẹ nọ, ke me sen wẹn, ke me ta nẹ, Ono Ọrovwohwo na vwo? eyẹ me da rha dia ogbere koko, ki mi che chuji, ye me phọphọ odẹ rẹ Ọghẹnẹ mẹ.

Isẹ 8:13

Omaetuo rẹ umwemwu ọye oshọ ẹdjẹ kẹ Ọrovwohwo na. Eheri vẹ eyan kugbe idjerhe rẹ umiovwo vẹ eta gẹgẹrẹ tu vwe oma.

Isẹ 6:17

ero rọ jẹfia, ẹrẹnvwe rọ vwọrọn efian, vẹ abọ ri sun ọbara ekueku.

Une rẹ Ejiro 123:4

O krinọ erhi rẹ avwanre vọn mwavwihwẹ re vẹ ehwẹjẹ rẹ otu rẹ omafuru, ehwẹjẹ rẹ otu ri herẹ.

Une rẹ Ejiro 119:21

Wọwẹ re ghwọ ku ọ ro yivwaro, e ra harhere na, ri beghe jẹ irhi wẹn vwo,

Une rẹ Ejiro 12:3

E jẹn Ọrovwohwo bru unu ro bru avwavwe ejobi kufia, kugbe ẹrenvwe rọ yeyan rẹ okpemu ride,

Ẹyano 9:17

Wọ je kpare oma wẹn kpenu kpahe ihwo mẹ, wọ je rhọvwẹ nẹ ayen kpo-o.

Ẹyano 5:2

Ẹkẹvuọvo Fẹro da ta, Ono Ọrovwohwo na, re me kerhọ rọye ri mi vwo jẹn Izrẹl kpo? Me riẹn Ọrovwohwo naa, ọrọ marho mi che jẹn Izrẹl kpoo.

Jẹnẹsis 19:14

Etiyin Lọt da yan phia ra vuẹ egọ rọye nẹ, We vrẹn jọphẹre, ru we vrẹn nẹ etinẹ na, kidie Ọrovwohwo cha ghwọrọ orere na. Ẹkẹvuọvo egọ rọye da vwẹ ota na roro ehwẹjẹ.

Jerimaya 18:18

Etiyin ayen da ta, wa yanrhe, ra jẹn iroro rhurhu Jerimaya, kidie urhi se miovwi nẹ obọ rẹ orherẹn rhe-e, eyẹ iroro ẹjẹ sa phiẹn ọvweghwanre-e, ota ji se nẹ obọ rẹ ọmraro na rhe-e. Wa rhe, re a vwẹ ẹrẹnvwe hwe, e ja kerhọn rẹ eta rọye ọvuọvo-o.

Jerimaya 41:18

Fikirẹ ihwo ri Kaldia, kidie ayen djẹ oshọ rayen, fikiridie Ishmẹl ọmọ ri Netanaya hwe Gedalaya ọmọ rẹ Ahikam, ohwo rẹ ovie ri Babilọn vwo mu osun rẹ otọ na.

Jerimaya 42:5

Etiyin ayen da ta kẹ Jerimaya nẹ, Jẹn Ọrovwohwo dia omamọ rẹ oseri rẹ uyota ke avwanre ọ da dianẹ avwanre rha yọnrọn ota rẹ Ọrovwohwo Ọghẹnẹ wẹn na ro ju we bru avwanre rhe na-a.

Jerimaya 42:20

nẹ wa da yan ghwru arhọ rẹ ovwan ko nene. Kidie we ju vwe bru Ọrovwohwo Ọghẹnẹ rẹ ovwan, nẹ, Nẹ ẹrhovwo kẹ Ọrovwohwo Ọghẹnẹ rẹ avwanre na kẹ avwanre, re wo ghwoghwo kẹ avwanre emu kemu rẹ Ọrovwohwo Ọghẹnẹ rẹ avwanre djeri avwanre ruo.

Jerimaya 44:16

Vwọ kpahe ota ru wọ ta kẹ avwanre vwẹ odẹ rẹ Ọrovwohwo na, ma sa kerhọn wẹ-ẹ.

Aizaya 9:8

Ọrovwohwo vuẹ uwevwi kpahe Jekọp, ko pho mu Izrẹl,