Jerimaya 43:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ ọ da ta kẹ ayen nẹ, Enẹ Ọrovwohwo rẹ otuofovwi, Ọghẹnẹ rẹ Izrẹl tare, Nighe, mi che ji ikọn ra reyọ Nebukadreza ovie ri Babilọn, odibo mẹ, rhe, o che phi ekete rẹ uvie rọye phihọ enu rẹ elalọ nana ri mi sinu na, kọ bẹrẹ eharha rẹ uvie rọye sa enu rọye.

Jerimaya 43:10 Referans Kwoze

Jerimaya 1:15

Kidie, nighe, Mi hiro se uvwie rẹ ivie rẹ obọhwẹre ọnre, Ọrovwohwo tare, ayen cha rhe ayen dohwo dekete rẹ uvie rọye cha bọn phihọ ughere ri Jerusalẹm, ayen cha bọn kpahe igbẹhẹ rọye ejobi riariẹ, je kpahe irere ri Juda ejobi.

Aizaya 44:28

rọ ta kpahe Sairọs, Ọye osuigegede mẹ, ko che ru iroro mẹ ejobi gba; kọ ta kpahe Jerusalẹm, nẹ, Ka cha bọn wẹ, vwọ kpahe uwevwi na nẹ, Ka cha tọn uchivwo wẹn phihọ otọ.

Une rẹ Ejiro 31:20

Vwẹ uhoho rẹ opharo wẹn, etiyin wo de si ayen nu nẹ ẹro rẹ ihwo, we re yọnrọn ayen vwẹ otọ rẹ urhurho wẹn ne oseghe rẹ ẹrenvwe buebu.

Une rẹ Ejiro 27:5

Kidie o se si vwe nu vwẹ odjahọ rọye vwẹ ẹdẹ re ukpokpogho; o che si vwe nu vwẹ otọ rẹ ibọkpọ rọye, kọ kpare ovwẹ mudia vwẹ enu rẹ oragha.

Une rẹ Ejiro 18:11

Ọ da ma ebri vwo phopho oma riariẹ, o de bru ẹgbẹ rẹ egho hwi vẹ ame riariẹ oma vwẹ obenu.

Matiu 22:7

Ẹkẹvuọvo ivun de miovwi ovie na; o de ji usun rẹ ofovwi rọye nẹ i re hwe izighẹ na, rere ayen torhẹ orere rayen na.

Daniẹl 2:21

Ọ rhẹriẹ ọke vẹ ẹghẹre; ọye ri siẹ ivie nẹ ẹdia ọ me rha vwẹ ivie mu, ọ vwẹ aghwanre kẹ ihwo re ghwanre, ọ me rha vwẹ erianriẹn kẹ ihwo ri vwo ẹruọ

1 Ivie 20:16

Uvo koko ayen vwo vrẹn, vwẹ ọke ri Bẹnhadad vwọ da idi rẹ idi vwo muo vwẹ ọgarivi na, te ọye te ivie ọgban gbe ivẹ ro rhe cha uko na.

1 Ivie 20:12

Ọke ri Bẹnhadad vwo nyo ovuẹ na rọ vẹ ivie na vwọ da udi vwẹ ọgarivi na, ọ da ta kẹ ihwo rọye, Wa ghare oma phihọ. Ayen da ghare oma phihọ riariẹ orere na.

Aizaya 45:1

Enẹ Ọrovwohwo tare kẹ ọmọ rọye rọ vwẹ evwri ghworo na Sairọs, re me yọnrọn obọrhe rọye na, re mi phi irere na kua kẹ na re Me ban ivie phihọ keẹ, re mi rhie ẹchẹ phihọ hẹrhẹ rere e je ẹchẹ yena ehuho,

Jerimaya 43:9

Vwẹ abọ wẹn reyọ elalọ ride, wo si ayen nu vwẹ evun rẹ urho vwẹ evun rẹ asan ra mare na rọ hẹ anurhoro rẹ ighẹn ri Fero vwi Tapanhes, vwẹ aro rẹ ihwo ri Juda na,

Jerimaya 46:13

Ota rẹ Ọrovwohwo ta kẹ Jerimaya rẹ omraro na kpahe echa ri Nebukadreza ovie ri Babilọn re ọ rhe kua otọ rẹ Ijipt na:

Izikiẹl 5:12

Ẹkẹn erha wẹn ki che ghwu ughwu rẹ emiavwe, owẹvwe kọ cha torhẹ vwẹ uherevie wẹn; ẹkẹn erha ọfa ko ghwu ughwu rẹ ọlọkọ riariẹ owẹ; ẹkẹn erha ro chekọ ke me hra nene odju ejobi ke yoro ọlọkọ nẹ ako rhe nene ayen.

Jerimaya 49:38

ke me cha vwẹ ekete mẹ viẹ vwẹ Elam, ke me guọghọ ivie vẹ isun rayen, eriyin Ọrovwohwo tare.