Jerimaya 42:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Jerimaya rẹ omraro na da ta kẹ ayen, Mi nyo ovwanvwan, nighe, kirobo rẹ wa nọre na me cha rẹ Ọrovwohwo Ọghẹnẹ rẹ ovwan na, emu kemu rẹ Ọrovwohwo kpahe kẹ ovwan me cha vuẹ ovwan, me sa djahe emu ọvuọvo kẹ ovwa-an.

Jerimaya 42:4 Referans Kwoze

Une rẹ Ejiro 40:10

Mi si ota rẹ esivwo rẹ ọchuko wẹn nu vwe evun re udu mẹ-ẹ. Me ta ota re esegbuyota wẹn kugbe esivwo wẹn, Mi ji si ẹguọnọ ro jẹ rhẹriẹ na kugbe esegbuyota wẹn na nu ke ukoko wẹn rode na-a

1 Samuẹl 12:23

Ọ rọ marho mi che ru umuemwu kpahe Ọrovwohwo re mi se jẹ ẹrhovwo ẹnẹ kẹ Ọrovwohwo fiki rẹ ovwa-an; ki mi yono ovwan phihọ idjerhe rẹ esiri vẹ ọsoso.

Ẹyano 8:29

Etiyin Mosis da ta, Nighe, me cha yan ju we vwo kẹ me cha rẹ Ọrovwohwo rere ekru iyẹn na vwo nẹ oma ri Fero, nẹ idibo rọye, vẹ ihwo rọye, odẹ; we rhe jẹn Fero phiẹn ohwo ọfa-a ro vwo jẹn obọ esionẹ ihwo na re ze izobo kẹ Ọrovwohwo.

Iruo rẹ Iyinkọn na 20:20

obo ri mi si emu ọvuọvo rọ vwẹ erere kẹ ovwan nu-u, mi yono ovwan vwẹ azagba ji nẹ uwevwi kpo uwevwi,

Jerimaya 23:28

E jẹ ọmraro rọ vwerhẹ evwerhẹ ta evwerhẹ rọye, ẹkẹvuọvo e jẹ ọ ro vwo ota mẹ vwẹ esegbuyota ta. Didi emu odi ve ọka gbe vwo kugbe? eriyin Ọrovwohwo tare.

Ọbe ri Pọl si rhe Ihwo ri Rom 10:1

Imoni mẹ, udu mẹ guọnọre nẹ me nẹ ẹrhovwo kẹ Ọghẹnẹ fiki rẹ esivwo rẹ ihwo mẹ.

Iruo rẹ Iyinkọn na 20:27

Kidie mi sioma reyọ vwo jẹ iroro rẹ Ọghẹnẹ e dje kẹ ovwa-an.

Izikiẹl 2:7

Ku wọ ta ota mẹ kẹ ayen, owenẹ ayen nyo owenẹ ayen je nyo, kidie uwevwi rẹ okpetu ayen ruẹ.

Jerimaya 23:35

Enẹ wọ ta, dohwo dọrivẹ rọye bru ra re dohwo doniọvo rọye ji bru ra, Die Ọrovwohwo kpahere vwo? eyẹ, Die Ọrovwohwo tare vwo?

Jerimaya 26:2

Enẹ Ọrovwohwo tare. Mudia vwẹ ọguan rẹ uwevwi rẹ Ọrovwohwo na, re wọ ta kẹ irere ri Juda ejobi re cha ẹga vwẹ uwevwi rẹ Ọrovwohwo na eta ejobi ri mi jiji kẹ wẹ nẹ wọ ta kẹ ayen na, wo si ota ọvuọvo no-o.