Jerimaya 41:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Ẹkẹvuọvo eshare ihwe vwẹ usun rayen na da ta kẹ Ishmẹl nẹ, Wo hwe avwanre-e, kidie avwanre vwo erhu rẹ eka, bali, evwri, vẹ ọnyọn re sinu vwẹ obo udju. Eriyin na o rhe hwe ayen kugbe otu raye-en.

Jerimaya 41:8 Referans Kwoze

Isẹ 13:8

Efe rẹ ohwo vwori ọye ọ vwọ tan arhọ rọye hirhe, ẹkẹvuọvo ovwiogbere vwo emuọvo rọ vwọ tan oma rọye-e.

ỌBE RẸ JOB 2:4

Etiyin Ẹdjọ da kpahe kẹ Ọrovwohwo, Ohọroma a vwọ hwa osa rẹ ohọroma! Obo rẹ ohwo vwori ejobi ọ vwọ hwa osa rẹ urhuarho rọye.

Matiu 16:26

Didi erere ri te ohwo, ro de vwo emu rẹ akpọ na ejobi, ro de ku arhọ rọye fia? eyẹ kidie ohwo se vwo wene arhọ rọye?

Matiu 6:25

Eriyin na me ta kẹ wẹ nẹ, wọ rua ẹnwan kẹ oma wẹ-ẹn, obo wọ cha re kugbe obọ wọ cha da-a, eyẹ amwa wo che vwo rhuo-o. Ẹnwẹn wẹ ghare nọ amwa-a?

Aizaya 45:3

Ki Mi vwẹ efe re ebri na kẹ wẹ kugbe obo ra ghwẹ koko vwẹ odjahọ ejobi rere wọ vwọ riẹn nẹ Mẹvwẹ ọye, Ọrovwohwo na, Ọghẹnẹ rẹ Izrẹl, ro mu odẹ wẹn se we.

Jerimaya 41:9

Orhare rẹ Ishmẹl mu irivwi rẹ ihwo ro hweri na phihọ da dia orhare rode na rẹ Asa rẹ Ovie na tọnre vwọ choma rọye fiki rẹ Basha ovie re Izrẹl ro kpare ofovwi bro cha; Ishmẹl ọmọ ri Netanaya da ghwẹ otu re hweri na vọn.