Jerimaya 4:31 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³¹ Mi nyo oviẹ kerẹ oviẹ rẹ aye rọ chuẹ uvwiẹ, vẹ odjadja kerẹ odjadja rẹ aye vwẹ o tu vwiẹ. Ọnana oviẹ rẹ ọmọtẹ ri Zayọn rẹ ofu dje, ọ riẹn abọ rọye gbagbaragba. Eghwo! mi ro sherua vwẹ obọ rẹ izighẹ ri hwe vwe.

Jerimaya 4:31 Referans Kwoze

Uvwerhe 1:17

Zayọn riẹn abọ rọye phia, ẹkẹvuọvo o gbi vwo ohwo ọvuọvo ro bruche-e, Ọrovwohwo ta ota kpahe Jekọp nẹ otu re dia kẹrẹ ke dia ivwighrẹ rọye, Jerusalẹm rhe dia emu ogbegbe vwẹ ohri rẹ ayen.

Aizaya 1:15

Ọke ri wọ da bẹre abọ wẹn, Ki mi si ẹro mẹ nu kẹ wẹ ọ da dianẹ wọ nẹ ẹrhovwo buebu dede, Me kerhọ-ọn; abọ wẹn vọnre vẹ ọbara.

Jerimaya 13:21

Kidie wo ta, siẹ ra da vwẹ ayen mu vwẹ enu wẹn ihwo ru wo rori nẹ igbeyan wẹn? wọ gbe rhovwo ako fia kerẹ aye rọ chuẹ uvwiẹ?

1 Tẹsalonaika 5:3

Ọke rẹ ihwo vwọ ta nẹ, Ufuoma kugbe ofuvwegbe he rọ, siẹvuọvo na ughwu mi rhi she teye ayen kpregede kerẹ aye rọ chuẹ uvwiẹ, o gbi rhe vwo ohwo rọ cha djẹ vabọ-ọ.

1 Kọrẹnt 9:16

Kidie mi de ghwoghwo iyẹnrẹ esiri na, ọyena dia obo re sorọ me vwọ yan eya-an. Kidie a gbarọ mu vwẹ. Ekan kẹ vwẹ ọ da dianẹ mi ghwoghwọ iyẹnrẹ esiri na-a!

Matiu 21:5

Ta kẹ ẹmẹtẹ ri Zayọn, Nighe, ovie rẹ ovwan bru ovwan cha, Fuefu, ọ rọ gua vwẹ enu rẹ ẹkẹtẹkẹtẹ, upene rọyẹ.

Maika 7:1

Ekan kẹ vwẹ! Kidie me rhe họhọ ọke ra da kọrọ emamọ rẹ ọkeuvo nu, kerẹ ọke ra da kọrọ ibi ri vain ejobi nu: rẹ erheghe ọvuọvo gbe herọ ra ria-a, o gbi vwo ubi ri fig rẹ ẹsosuọ rọ vware rẹ erhi mẹ guọnọre-e

Hosia 13:13

Obi rẹ uvwiẹ nuro oma rhe, ẹkẹvuọvo ọmọ ogheghẹ o ruẹ, asakiephana ọ gbe cha ohwarha-a vwẹ asan unu rẹ ọmọ wan cha.

Uvwerhe 2:21

Vwẹ evun rẹ iwurhie rẹ irhuvwu na ighene vẹ emare de gbule; emetẹ mẹ kugbe emeshare mẹ de ghwu ughwu rẹ ọlọkọ, wo hwe ayen vwẹ ẹdẹ rẹ ophu wẹn, ihwehwe ro vwo arodọvwẹ-ẹ.

Uvwerhe 1:20

Nighe, E Ọrovwohwo, kidie me hẹ evun rẹ uvwerhe, ẹnwẹn mẹ hẹ evun rẹ ukpokpogho, ẹnwẹn mẹ da chahe kidie mi mu kpahọ nọ. Ọlọkọ ghwe hwe vwẹ evun re urhuvwu, kọ họhọ ughwu vwẹ evun rẹ Uwevwi.

Jerimaya 50:43

Ovie ri Babilọn nyo usi rayen, abọ rọye de she ghwrọghọ, ophu de muo, odjadja kerẹ ọ rẹ aye rọ chuẹ uvwiẹ.

Jerimaya 49:24

Damaskọs hirhe phihọ ọvwiẹrẹ re, o kuoma rhẹriẹ kọ djẹ, uguegue de muo; uvwerhe vẹ oja gbarọ kokoroko, kerẹ aye rọ chuẹ uvwiẹ.

Jerimaya 49:22

Nighe, ọvo cha kparoma rọ da rhan pherephere kerẹ ugo, ko rhie ibekpe rọye phihọ kpahe Bọzra, udu rẹ egbofovwi rẹ Idọm vwẹ ẹdẹ yena ke họhọ ọ rẹ aye rọ chuẹ uvwiẹ,

Jerimaya 48:41

a cha reyọ irere na ogba ọgangan na ke che gborho. Udu rẹ ihwo rẹ ofovwi rẹ Moab cha dia vwẹ ẹdẹ yena kerẹ udu rẹ aye rọ chuẹ uvwiẹ,

Jerimaya 45:2

Enẹ Ọrovwohwo, Ọghẹnẹ rẹ Izrẹl, ta kẹ wẹ, E Baruk

Jerimaya 30:6

Gba nọ asakiephana, re wọ mrẹ, Die sorọ me vwọ mrẹ ọshare kọshare rọ vwẹ abọ rọye cha ehun rọye kere aye rọ chuẹ uvwiẹ die sorọ rẹ opharo kopharo vwo wene?

Jerimaya 22:23

E ohwo rọ dia Lebanọn, rọ bọn ẹho phihọ ohri ri igedu. Mavọ wọ guan te re odjadja de bru we rhe, ọtie odjadja rẹ aye rọ chuẹ uvwiẹ!

Jerimaya 18:21

Ọtiọye na vwẹ owẹvwe hwe emọ rayen vwẹ ayen kẹ ogangan rẹ ọlọkọ, jẹn eya rayen dia egan vẹ eyauku. Jẹn emiavwe hwe eshare rayen, ra vwẹ ọlọkọ hwe ighene rayen vwẹ ofovwi.

Jerimaya 15:18

Die sorọ re odjadja mẹ gbi fue-e, rẹ era mẹ gbi kpo-o, ra gbe rhọvwe sivwo-o ku wọ họhọ ẹtẹrhe rẹ ophiẹvwe kẹ vwẹ, kerẹ ame rọ kpọ?

Jerimaya 14:18

Mi de kpo evun rẹ aghwa nighe, irivwi rẹ ihwo re hweri hẹ oboyi. Ọ da dianẹ me ro evun rẹ orere na nighe, emiavwe rẹ owẹvwe! Kidie te ọmraro vẹ orherẹn nenesi rẹ eki rayen wan otọ na duvwu, ayen gbi vwo iroro-o.

Jerimaya 10:19

Ekan kẹ vwẹ fiki rẹ omenwan mẹ! Ora mẹ na miovwiri gangan. Ẹkẹvuọvo me da tanẹ, Ọnana ghine ojaẹriọ mẹ, mi chiro.

Jerimaya 6:2

E ra pẹpẹre vẹ i ri siurhuru na ejobi me cha ghwọrọ, Ọmọte ri Zayọn na.

Aizaya 42:14

Kidie krekri re mi vwo rhurhu unu mẹ, Mi hwe oma mẹ mu me kpahe ota-a. Asakiephana ki mi kperi phia kerẹ aye rọ chuẹ uvwiẹ, Mi se ẹnwẹn reyọ re mi dje ofu.

Aizaya 21:3

Ọtiọye ehun mẹ vọnre vẹ uvwerhe; ọdjarhe mu vwe gba, kerẹ odjadja rẹ aye rọ chuẹ uvwiẹ, Mi si wurhu o gbi ju vwe nyo ẹme-e, ofu dje vwe hwe me gbe mrorẹ-ẹ.

Aizaya 13:8

ofu ko dje ayen. Obi vẹ odjadja ko fru ayen, ke mrẹ odjadja kerẹ aye rọ chuẹ uvwiẹ. Kẹ ayen rhienu phihọ ni ohwohwo, opharo rayen ki mu la.

Aizaya 6:5

Etiyin me da ta Ekan kẹ vwẹ! Fikiridie mi ghwruru, fikiridie mẹvwẹ ohwo rẹ ẹbẹrunu rọye jẹ ẹfuọn, me ke rha dia ohri rẹ ihwo rẹ ẹbẹrunu rayen jẹ ẹfuọn, fikiridie ẹro mẹ mrẹ Ovie na, Ọrovwohwo rẹ otuofovwi na!

Une rẹ Ejiro 120:5

Ekan kẹ vwẹ, mi vwo beghe vwi Mẹshẹk, re me vwọ dia ohri rẹ itughẹ ri Kedar!

ỌBE RẸ JOB 10:1

Arhọ mẹ nu vwe ọhọ; ki mi gu obo re me mrẹre phia, ke me ta ota vwẹ evun rẹ ophu ro mu vwe djọghọ-djọghọ na.

Jẹnẹsis 27:46

Rebeka da ta kẹ Aizik, Ofu rẹ akpọ mẹ dje vwe vwi fiki rẹ eya ri Hit. Ọ da dianẹ Jekọp rọvwọ aye ri Hit tiọnana, usun rẹ eya rẹ otọ na, ki didi akpọ mi yeri?

Aizaya 26:17

Kerẹ aye rọ chuẹ uvwiẹ ro phre ro ghunle bunu vwẹ odjadja rọye, vwẹ ọke rẹ uvwiẹ rọye de te, ọtiọye avwanre epha fiki wẹn. E Ọrovwohwo;

Maika 4:9

Asakiephana die wọ vwọ viẹ phia? Ovie gbe hẹ evun wẹ-ẹ? Ọbuiroro wẹn ghwuru, obi na mu we kerẹ aye rọ chuẹ uvwiẹ?

Maika 4:10

Gbune ye wọ guan, E ọmọtẹ ri Zayọn kerẹ aye rọ chuẹ uvwiẹ, kidie Asakiephana ku wo che vrẹn nẹ orere na evun rẹ ogo kọye wọ cha ra dia ku wo che kpo Babilọn. Kẹ oboyi e de che sivwi uwe reyọ, etiyin Ọrovwohwo da cha tan wẹ reyọ nẹ obọ rẹ ivwighrẹ wẹn.