Jerimaya 4:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Kidie enẹ Ọrovwohwo ta kẹ eshare ri Juda kugbe ihwo re dia Jerusalẹm: Voro otọ rẹ udju wẹn na, wọ kọn ekankọn phihọ ohri rẹ inwe-e.

Jerimaya 4:3 Referans Kwoze

Hosia 10:12

Kọn ọvwata kẹ oma wẹn, ru wo vun ẹguọnọ ro jẹ re, she otọ ọgangan wẹn na kidie o te ọke ra vwọ guọnọ Ọrovwohwo re, rere Ọ rhe rhọ esivwo phihọ enu rẹ ovwan.

Iyẹnrẹ Esiri ri Luk 8:14

Ena iri she phiyọ ohri rẹ iwen, ena ihwo ri nyori, ẹkẹvuọvo rẹ ayen vwọ yanran vwẹ idjerhe re, ẹnwan rẹ akpọ efe kugbe avwerhe rẹ akpọ de rhi keke ota na, o gbi jẹ ayen mọ ubi-i.

Iyẹnrẹ Esiri ri Luk 8:7

Ẹvo de she phiyọ ohri rẹ iwen; iwen na vẹ ayen da rho kugbe i de duvwu aye hwe.

Matiu 13:7

Ẹfa de she phihọ ohri rẹ inwe; inwe na dje rhe i de duvwu ayen hwe.

Iyẹnrẹ Esiri ri Mak 4:7

Ẹvo de she phihọ ohri rẹ inwe, rẹ inwe na vwọ rho i de keke ayen, e gbe mọ emamọ-ọ.

Matiu 13:22

Enana hẹ i ri she phihọ ohri rẹ inwe, ena hẹ edje ri nyo ota na; ẹnwan rẹ akpọ kugbe ophiẹvwe rẹ efe mi rhi keke ota na, ọ gbe sa mọ emamọ-ọ.

Jẹnẹsis 3:18

idjigbẹ vẹ ekpia ke djẹ nẹ otọ na rhe kẹ wẹ, ku wọ cha re ekankọn rẹ aghwa na.

Ẹyano 23:11

ẹkẹvuọvo ukpe righwrẹn ye wo mi gbe ukpe phihọ, rere ivwiogbere rẹ otọ na vwọ mrẹ re; obo rẹ ayen re chekọ eranvwe rẹ aghwa rha mrẹ re. Ọtiọye wo ji ru kẹ ogba ri vain wẹn, kugbe ogba rẹ oliv wẹn.