Jerimaya 4:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Etiyin me da ta, E Ọrovwohwo Ọghẹnẹ, uyota wọ ghene phiẹn ihwo nana kugbe Jerusalẹm reghe, nẹ, O che yovwẹ kẹ ovwan, yẹ ọlọkọ te urhuarhọ rayen nure.

Jerimaya 4:10 Referans Kwoze

Jerimaya 5:12

Ayen vwọnrọn efian kpahe Ọrovwohwo, ayen da tanẹ, O se ru emuọvo-o, umiovwo se te avwanre oma-a eyẹn avwanre sa mrẹ ọlọkọ eyẹrẹ owẹvwe-e.

Aizaya 37:35

Kidie mẹvwẹ ọvo re cha chochọ rẹ orere na vwo sivwo, fiki rẹ odẹ mẹ kugbe fiki re odibo mẹ Devid.

Ọbe ri Pọl si rhe Ihwo ri Rom 1:28

Kirobo rẹ ayen rha rhọvwe reyọ phihọ Ọghẹnẹ na-a, Ọghẹnẹ de siobọ nẹ ayen kẹ udu ọbrabra rẹ ayen re ayen vwo ru obo ri je ayen.

Ọbe ri Pọl si rhe Ihwo ri Rom 1:26

Fiki rẹ ọnana Ọghẹnẹ vwo siobọ nẹ ayen kẹ ọmeme ọbrabra re o kpokpo ayen. Ọ dianẹ eya na ọvo re reyọ oma esiri ra ma kẹ ayen vwo gbe igberadja-a,

Ọbe ri Pọl si rhe Ihwo ri Rom 1:24

Fiki rẹ ọnana kugbe urhuru sivwe ofefe rẹ udu rẹ ayen Ọghẹnẹ de siobọ nẹ ayen kẹ iruo rẹ inuhu, rere ayen vwọ phọphọ oma rayen.

Izikiẹl 11:13

Rẹ ọke rhi vwo te, re me vwọ mraro na, ọye Pelatiah rẹ ọmọ rẹ Benayah de ghwu. Etiyin mi de she bọvwọn opharo rhuotọ, me da van kperi, Me da ta, E Ọrovwohwo Ọghẹnẹ! ku wo ghwe furhie umuku rẹ Izrẹl ri chekọ na te oba?

Uvwerhe 2:21

Vwẹ evun rẹ iwurhie rẹ irhuvwu na ighene vẹ emare de gbule; emetẹ mẹ kugbe emeshare mẹ de ghwu ughwu rẹ ọlọkọ, wo hwe ayen vwẹ ẹdẹ rẹ ophu wẹn, ihwehwe ro vwo arodọvwẹ-ẹ.

Jerimaya 32:17

E Ọrovwohwo Ọghẹnẹ! Wọwẹ vwẹ ogangan wẹn rode na vẹ ẹgba rẹ obọ wẹn ma odjuvwu vẹ akpọ na! Emu ọvuọvo bẹn kẹ wẹ-ẹ.

Jerimaya 23:17

Ayen dje eta efa kẹ otu re siẹn ota rẹ Ọrovwohwo na. O che yovwẹ kẹ ovwan ji te ayen ihwo ri nene udu ọgangan rẹ evun rẹ rayen nẹ, Umiovwo se te ovwa-an.

Jerimaya 8:11

Ayen vwẹ obọ pẹpẹ era rẹ ihwo mẹ tanẹ, Ufuoma, ufuoma, ye ufuoma herọ-ọ.

Jerimaya 6:14

Ayen sivwi era rẹ ihwo mẹ te-e, ta nẹ, Ufuoma, ufuoma, yẹ ufuoma herọ-ọ.

Jerimaya 4:18

Idjerhe wẹn kugbe uruemu wẹn re ghwa ọnana bru we rhe na. Ọnana ughwu wẹn, kọ yara, o te ubiudu wẹn nure.

Jerimaya 1:6

Ọye me da ta, E, Ọrovwohwo Ọghẹnẹ! Nighe me riẹn obo ra ta ota-a, kidie omotete mi ruẹ.

Aizaya 63:17

E Ọrovwohwo, die wọ vwọ nẹrhẹ avwanre ghwru nẹ idjerhe wẹn, wo vwo ru udu re avwanre gan, me vwo je oshọ wẹn edje? Rhoma fiki rẹ idibo wẹn, uvwiẹ rẹ uku wẹn.

Aizaya 30:10

re ta kẹ emrẹ na nẹ, Wa mrẹ-ẹ kugbe emraro na neẹ, Wa mraro rẹ uyota na kẹ avwanre-e, ta avwerhe kẹ avwanre, mraro ri ghevweghe,

Ẹyano 9:14

Kidie vwẹ ọke nana me cha vwẹ ọtiekọ mẹ ejobi teyọ udu wẹn, te idibo wẹn, vẹ ihwo wẹn, rere wọ vwọ riẹn nẹ ohwo ọvuọvo rọ họhọ ovwẹ vwẹ otọ rẹ akpọ na herọ-ọ.

Ẹyano 5:22

Etiyin Mosis de hirhe opharo ku Ọrovwohwo, ọ da ta, “E Ọrovwohwo, die wo vwo ru emu omiomiovwi nana kẹ ihwo na? Die nẹrhe wo ju vwe?