Jerimaya 39:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Ọke ri Zedikaya vẹ otu ofovwi na ejobi vwọ mrẹ ayen, ayen da djẹ, nẹ orere na vwẹ ason wan idjerhe rẹ ogba rẹ ovie na rẹ unurhoro rọye hẹ uvwre rẹ igbẹhẹ na; ayen da yan hirhe aro ku obo Araba.

Jerimaya 39:4 Referans Kwoze

Emọs 2:14

Ogba re ọnẹ gbe cha sa dje-e, ihwo re ganre gbi che vwo oganga-an, yẹrẹ ọgba gbi che se sivwi oma rọye-e.

2 Ikun rẹ Ivie 32:5

O de mu iruo phihọ o de rhi fi igbẹhẹ ri kporo she ejobi gbe, ọ da bọn ehẹrhẹ phihọ enu rọye, ọ da rhoma bọn igbẹhẹ ọfa yariẹ ọ rẹsosuọ na, ọ de ru Millo rọ hẹ evun rẹ orere ri Devid na ga kokoroko. Ọ de duvwu ihwunu vẹ ekpọfia vẹ ekuakua rẹ ofovwi buebu.

Izikiẹl 12:12

Osun rọ hẹ ohri rẹ ayen ko che mu oghwa rọye kpahe igabọ rọye vwẹ ebri, kọ cha yan phia ra tọn igbẹhẹ na fiẹ, kẹ etiyin ọ wan ro otafe; ko rhurhu opharo rọye, rere ẹro rọye vwo jẹ otọ na ẹmrẹ.

Urhi Rivẹ 28:25

Ọrovwohwo kọ nẹrhẹ ivwighrẹ rẹ ovwan phi ovwan kparobọ; ovwan da vwọ so ayen vwẹ idjerhe ọvo, idjerhe ighwrẹ kọye ovwan djẹ wan kpo; ovwan ke dia utuoma kẹ ivie rẹ akpọ na ejobi.

Livitikọs 26:36

Ovwan otu ra kua chekọ vwe otọ na, oma ko che bruro ovwan vwẹ otọ rẹ ivwighrẹ re ovwan na, edo re ọbe rẹ odju djuẹ ghevweghe kọ nẹrhẹ ayen mu onẹ dje, ke ayen cha djẹ kere ihwo ra vwe ọlọkọ vwọ tua, ke ayen che muẹ she ghwiotọ yẹ ohwo ovuọvo vwọ tua aye-en.

Livitikọs 26:17

ki mi che hirhe opharo mẹ ku ovwan, ivwighrẹn rẹ ovwan ke vwẹ ovwan chiyi awọ; ihwo ri mu kpahe ovwan ki che sun ovwan, ke ovwan che muẹ dje ye ohwo ọvuọvo djẹ ovwa-an.

Aizaya 22:11

Wọ da tọn ọgọdọ phihọ uvwre re igbẹhẹ na rere ame rẹ ẹtẹrhe rẹ awanre na vwọ djẹ ruọ. Ẹkẹvuọvo wo gbi rhe ni ohwo ro ruro-o, eyẹ wo rhe se ohwo rọ jẹn iroro na phihọ otọ rhabae rhe gbe emu-u.

Jerimaya 32:4

Zedikaya rẹ ovie ri Juda sa djẹ nẹ obọ rẹ ihwo ri Kaldia na-a, e che ghine phio phihọ obọ rẹ ovie ri Babilọn, ayen ki hirhe aro kuaro ta ota ayen je vwẹ ẹro mrẹ ohwohwo.

Izikiẹl 12:4

Wo mu oghwa wẹn phia vwẹ uvo koko na vwẹ irharo rẹ ayen, kere oghwa re vwo kpo imu; ku wọ yan phia vwẹ ovwọnvwọn vwẹ irharo rayen, kirobo re ihwo ra gba kpe imu ruẹ.

Aizaya 22:3

Isun wẹn ejobi koko djẹ, ọ dia fiki rẹ umurhabọ-ọ e mu ayen. Ovwan ejobi ra mrẹre e muru, owene ayen dje re shesheri.

Aizaya 29:2

Dede na oma cha rhọ Ariẹl, e che beroma a cha viẹ vwọ, kọ cha họhọ Ariẹl kẹ vwẹ.

Jerimaya 32:5

Ke ghini mu Zedikaya kpo Babilọn, oboyi kọye ọ dia bẹsiẹye me rhe vwọ mrẹ, eriyin Ọrovwohwo tare; wo de nene ihwo ri Kaldia họnre dede, wọ sa kparobọ-ọ.