Jerimaya 38:23 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²³ Eya wẹn kugbe emọ wẹn ejobi ke sun ayen rhe ihwo ri Kaldia, wẹ vẹ ekpuyovwi wẹn cha sa djẹ va ayen abọ-ọ, ẹkẹvuọvo ovie ri Babilọn che mu we; ra da vwẹ erhanre torhẹ orere na totọ.

Jerimaya 38:23 Referans Kwoze

Jerimaya 41:10

Kẹsiẹye Ishmẹl ki mu ihwo ri chekọ vwi Mizpa na ejobi ighuvwu, emetẹ rẹ ovie vẹ ihwo ri chekọ vwi Mizpa ejobi, ihwo ri Kehuzaradan, onotu rẹ ohẹrhẹ na, phihọ obọ ri Gedalaya ọmọ re Ahikam. Ishmẹl ọmọ ri Netanaya de mu ayen ighuvwu ọ da vwẹ ayen kpo otọ rẹ ihwo rẹ Ammọn.

Jerimaya 39:6

Ovie na de hwe emọ ri Zẹdikaya vwẹ irharo rọye, ovie ri Babilọn de ji hwe ikpihwo ri Juda ejobi rhe.

Jerimaya 38:18

Ẹkẹvuọvo wọ rha vwẹ oma wẹn kẹ isun rẹ ovie ri Babilọn na-a, ke che phi orere nana phihọ obọ rẹ ihwo ri Kaldia, ka cha vwẹ erhanre torhẹ, wọ gbe sa djẹ nẹ obọ raye-en.

Ivie rẹ Ivẹ 25:7

Ayen de hwe emeshare ri Zedikaya vwẹ irharo rọye, ayen de rhe yoghro ibiẹro ri Zẹdikaya no, ayen da vwẹ igoni karọ, ayen de muo kpo Babilọn.

Izikiẹl 43:3

Emramrẹ rẹ me mrẹre da họhọ emramrẹ ra mrẹre vwẹ ọke rọ vwọ rhe rhe ghwọghọ orere na, kerẹ emramrẹ re me mrẹre vwẹ oma rẹ urhie ri Kiba, mi de she họvwọn opharo rhuotọ.

Izikiẹl 14:9

Ọ da dianẹ a phiẹn ọmraro na rọ da ta ota, mẹvwẹ rẹ Ọrovwohwo na, re phiẹn ọmraro yena, ke me riẹn obọ mẹ kpahọ, ke me guọghọ nẹ uherevie rẹ ihwo mẹ Izrẹl.

Jerimaya 6:12

A cha vwẹ uwevwi rayen kẹ ihwo efa, te udju vẹ eya rayen ejobi, kidie me cha riẹn obọ mẹ kpahọ kpahe ihwo rẹ otọ na eriyin, Ọrovwohwo na tare.

Jerimaya 32:4

Zedikaya rẹ ovie ri Juda sa djẹ nẹ obọ rẹ ihwo ri Kaldia na-a, e che ghine phio phihọ obọ rẹ ovie ri Babilọn, ayen ki hirhe aro kuaro ta ota ayen je vwẹ ẹro mrẹ ohwohwo.

Jerimaya 37:8

Ihwo ri Kaldia che rhivwi cha rhe họnre orere nana, ayen cha reyọ, ayen da vwẹ erhanre vwọ torhẹ.

Jerimaya 38:24

Etiyin Zẹdikaya da ta kẹ Jerimaya, Wo jẹ ohwo ovuọvọ riẹn eta nana-a yu wo rhe ghwu-u.

Jerimaya 39:5

Ẹkẹvuọvo unuofovwi rẹ ihwo ri Kaldia da vwọ tua ayen, ayen da djẹ mu Zedikaya vwẹ uphephẹ ri Jeriko, re ayen vwo muo nu, ayen de vwo rhe Nebukadreza ovie ri Babilọn, vwẹ Ribla, vwẹ otọ ri Hamat, o de brorhie hwe.

Izikiẹl 17:15

Ẹkẹvuọvo o de mu kpahọ ro vwo je ikọn kpo Ijipt, rere ayen kẹ iyesi vẹ unuofovwi rode. Kọ sa kparobọ? Kẹ ohwo ro ru emu ọtiọye sa djẹ vabọ? Ko se miovwi ọphọ na rọ da djẹ vabọ?

Ukeri 4:18

E jẹn a ghwọrọ ekru vẹ orua rẹ ihwo ri Kohat nẹ ohri rẹ ihwo ri Livae-e;

Jerimaya 21:10

Kidie mi mu opharo mẹ kpahe orere na vwẹ ọ rẹ umiovwo ọ dia ọ rẹ erhuvwu-u eriyin Ọrovwonwo tare. A cha vwọ kẹ Ovie ri Babilọn, ọ cha vwẹ erhanre torhẹ.

Jerimaya 34:3

Wọ sa djẹ nẹ obọ rọye-e, ẹkẹvuọvo vwẹ ọruyota e che mu we re de phi we phihọ obọ rọye; ku wọ vẹ ovie ri Babilọn cha vwẹ ẹro mrẹ ohwohwo ji hirhe aro ku ohwohwo ta ota, ku wo kpo Babilọn.