Jerimaya 38:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Ayen da vwẹ ifi na si Jerimaya kpo enu nẹ orhare na rhe. Jerimaya da dia ọguan rẹ ohẹrhẹ na.

Jerimaya 38:13 Referans Kwoze

Jerimaya 37:21

Eriyin na Ovie Zedikaya ki ji urhi ayen ki phi Jerimaya phihọ ọguan rẹ isodje rọ rhẹrẹ na, kẹdẹ kẹdẹ kọye a vwọ kẹ ọko rẹ ikara ọvo nẹ urhuvwu rẹ ọkakikara na cha, bẹsiẹye rẹ ikara rẹ orere na rhi vwo re. Ọtiọye Jerimaya da dia ọguan rẹ isodje rọ rhẹrẹ na.

Iruo rẹ Iyinkọn na 28:30

O dia etiyin ikpe ivẹ soso ọye ọvo re ghẹrẹ oma rọye, ọ de dede ayen otu ri bruro rhe ejobi.

Iruo rẹ Iyinkọn na 28:16

Ọke rẹ avwanre rhi vwo te Rom, a da rhovwe kẹ Pọl nẹ ọ dia asan obọ roye san, ọ vẹ isodje re rhẹrẹ.

Iruo rẹ Iyinkọn na 23:35

Ọ da ta, Mi che nyo we vwẹ ọke rẹ otu ri mu we da rhe, O de ji urhi nẹ muo phihọ uwodi rẹ Herọd.

Jerimaya 38:28

Jerimaya da dia ọguan rẹ ohẹrhe na bẹsiẹ ra rhe vwọ reyọ Jerusalẹm.

Jerimaya 38:6

Eriyin ayen de mu Jerimaya phihọ orhare ri Malkaya, ọmọ rẹ ovie, ro hẹ evun rẹ ọguan rẹ ohẹrhe na, a da vwẹ ifi lọrọ Jerimaya kpo obotọ. Ame herọ-ọ, ẹkẹvuọvo ibrehre ọvo, Jerimaya de sheruẹ ibrehre na.

1 Ivie 22:27

re wọ ta, E nẹ ovie tare, phi ohwo nana phihọ uwodi, re wọ vwẹ ikara phẹphẹghẹ vwọ kẹ kugbe ame, bẹsiẹ me vwọ rhe vwẹ ufuoma.

Iruo rẹ Iyinkọn na 24:27

Ẹkẹvuọvo ọke rẹ ikpe ivẹ vwọ wan nu, Pọkiọs Fẹstọs de rhi wene Fẹliks; re o vwo phoro aro kẹ ihwo ri Ju, ọ da yan jẹ Pọl vwo vwẹ uwodi.

Nehemaya 3:25

re te akakọ, Palal ọmọ rẹ Uzai da rhuẹrẹ Ubienyẹ rọ hirhe aro ku ohẹrhẹ na rọ riẹn abọ nẹ uwevwi rẹ enu rẹ ovie na vwẹ asan ọguan rẹ oherhẹ na. Ko vwo no nu ke Pedaya rẹ ọmọ ri Parosh

Jerimaya 26:16

Kẹsiẹye isun vẹ ihwo na ejobi ke ta kẹ irherẹn na vẹ emraro na nẹ, Ohwo nana fo abe rẹ ughwu-u, kidie ode rẹ Ọrovwohwo rẹ Ọghẹnẹ rẹ avwanre ọ vwọ ta ota kẹ avwanre na.

Jerimaya 32:2

Ọke yena otuo-fovwi rẹ ovie ri Babilọn yarie Jerusalẹm phihọ, ye e mu Jẹrimaya re ọmraro phihọ uwodi vwẹ ọguan rẹ ọhẹrhẹ rẹ ovie ri Juda.

Jerimaya 38:12

Etiyin Ebẹdmẹlẹk ohwo rẹ Ẹtiopia na, da ta kẹ Jerimaya, phi ebẹre emwa na kugbe ifi na phihọ aviavwe wẹn Jerimaya de ru ọtiọye.

Jẹnẹsis 37:28

Usun rẹ ihwo ri Midian ke wan vrẹn, ayen de si Josẹf nẹ ọgọdọ na rhe, ayen da she kẹ Ishmael ovwavwọn ri shẹkẹl rẹ idọnọ uje, ayen da reyọ kpo Ijipt.

Isẹ 29:10

Ihwo rẹ urhuru rẹ ọbara siẹ tuoma rẹ ihwo re reabe-e, ihwo umwemwu na guọnọ arhọ rọye hwe.

Uvwerhe 3:58

Wọ da chọ ochọ mẹ, E Ọrovwohwo, wọ da tan arhọ mẹ hirhe.