Jerimaya 37:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Ọke rọ vwọ hẹ unurhoro ri Bẹnjamin, isodje ọvo rọ rhere re se Irija rẹ ọmọ ri Shelemaya, ọmọ ri Hananaya, de mu Jerimaya rẹ ọmraro na, ta nẹ, Wọ djẹ bru ihwo ri Kaldia ra.

Jerimaya 37:13 Referans Kwoze

Zekaraya 14:10

Otọ na ejobi ko che shaton nẹ Ọrha re te Rimmọn vwẹ obọrhe ọnre vwi Jerusalẹm. Ẹkẹvuọvo Jerusalẹm ko che kpenu vwẹ ẹdia rọye nẹ Unurhoro re Bẹnjamin re te asan rẹ unurhoro rẹ awanre na epha, re te Unurhoro rẹ Akako, nẹ ohẹrhẹ ri Hananel re te okọ re de mie wain rẹ ovie.

Jerimaya 38:7

Ọke re Ebẹdmẹlẹk ohwo rẹ Ẹtiopia, oghwanran na, ohwo rọ herọ vwẹ evun rẹ uwevwi rẹ ovie na, vwo nyo nẹ ayen mu Jerimaya phihọ evun rẹ orhare na. Yẹn ovie na tidia vwẹ Anurhoro ri Benjamin–

Iruo rẹ Iyinkọn na 24:13

Eyẹ se dje mu vwe obo rẹ ayen guẹ kpahe ovwẹ vwẹ etinẹ na-a.

Iruo rẹ Iyinkọn na 6:11

Etiyin ayen da bẹdẹ riẹriẹ ihwo evo kpahọ re ta nẹ, Avwanre nyoro rọ vwọ ta ota rẹ ophọphọvwe kpahe Mosis kugbe Ọghẹnẹ.

Iyẹnrẹ Esiri ri Luk 23:2

Ayen ke vwẹ urhi muo, tanẹ, Avwanre mrẹ ohwo nana ro kuẹ ẹgborho na rhẹriẹ, rọ djẹ avwanre nẹ a hwa osa rẹ uyovwi kẹ Siza-a, tanẹ ekpuyovwi rọye Kristi na ovie.

Jerimaya 38:1

Rẹ Shefataya ọmọ ri Matan, Gidalaya ọmọ ri Pasho, Jukal ọmọ ri Shelemaya kugbe Pashọ ọmo ri Malkaya vwo nyo eta ri Jẹrimaya ta kẹ ihwo na ejobi,

Jerimaya 21:9

Ohwo rọ da oma ji orere nana che ghwu ughwu rẹ ọlọkọ vẹ ọ rẹ owẹvwe, kugbe ọ rẹ emiavwe; ẹkẹvuọvo ohwo rọ yan nọ rọ da vwẹ oma rọye kẹ ihwo ri Kaldia re yariẹ ovwan phihọ na cha rhọ ye arhọ rọye kọ cha dia osa re ofovwi.

Jerimaya 20:10

Kidie mi nyo ophiọrọ buebu. Imuọshọ ọ hẹ asan ejobi! phọphọ! Jẹn avwanre phọphọ! emamọ rẹ igbeyan mẹ ejobi tarọ rẹ ayen vwọ rhẹrẹ eshe mẹ. Ọkeọvo ya cha phiẹ, avwanre ki che phiọ kparobọ rẹ avwanre de ruo keri.

Jerimaya 18:18

Etiyin ayen da ta, wa yanrhe, ra jẹn iroro rhurhu Jerimaya, kidie urhi se miovwi nẹ obọ rẹ orherẹn rhe-e, eyẹ iroro ẹjẹ sa phiẹn ọvweghwanre-e, ota ji se nẹ obọ rẹ ọmraro na rhe-e. Wa rhe, re a vwẹ ẹrẹnvwe hwe, e ja kerhọn rẹ eta rọye ọvuọvo-o.

2 Kọrẹnt 6:8

vwẹ ọghọ vẹ ijọghọ evwo, vwẹ odẹ omiomiovwi vẹ odẹ oyoyovwi. Kẹ ru avwanre kerẹ ihwo ri muẹ ọrho bare oma, yẹ ayen ihwo rẹ uyota;

Emọs 7:10

Etiyin Amazaya rẹ orherẹn ri Bẹtẹl de ji ohwo bru Jeroboam ovie rẹ Izrẹl nẹ, Emọs jẹ iroro ọbrabra kpahe owẹ vwẹ ohri rẹ uwevwi rẹ Izrẹl, otọ na sa gba ota rọ tare-e.

Jerimaya 38:4

Ọye isun na da ta kẹ ovie na, je hwe ohwo nana, kidie o re ruẹ abọ rẹ isodje ri chekọ vwẹ orere na lọhọ, vẹ abọ rẹ ihwo na ejobi, rọ vwọ ta eta nana kẹ ayen na. Kidie ohwo nana guọnọ ufuoma rẹ ihwo na-a, ẹkẹvuọvo umiovwo rayen.

Jerimaya 36:12

ọ da yanran kpo uwevwi rẹ ovie, ra ruẹ uvun rẹ osiẹbe na, isun na ejobi tidia vwẹ etiyin. Elishama osiẹbe na, Dalaya ọmọ ri Shemaya, Ẹlnatan ọmọ rẹ Akbọ, Gẹmaraya ọmo ri Shefan, Zedikaya ọmọ ri Hananaya, kugbe isun na ejobi.

Jerimaya 28:14

Kidie enẹ Ọrovwohwo rẹ otuofovwi, Ọghẹnẹ rẹ Izrẹl, tare: Mi phi ahwa rẹ utehru rẹ ọviẹn phihọ ohọre rẹ ẹgborho nana re ayen dia eviẹn ri Nebukadneza ovie ri Babilọn, ayen cha ga, kidie me je kẹ eranvwe rẹ aghwa dede.

Jerimaya 27:6

Asakiephana mi phi etọ nana ejobi phihọ obọ ri Nebukadreza, ovie ri Babilọn, re odibo mẹ na, me je vwẹ eranvwe re aghwa na kẹ re ega.

Jerimaya 20:2

Kọye Pashọ da teyọ Jẹrimaya re ọmraro na, ọ da vwẹ igoni rẹ unurhoro ro kpenu rẹ Bẹnjamin vwẹ uwevwi rẹ Ọrovwohwo na karọ

Uvwerhe 4:18

Ihwo kẹ tọn ẹro vi ichiyi rẹ avwanre o gbi jẹ avwanre sa yan vwẹ evun rẹ irhuvwu rẹ avwanre-e. Oba rẹ avwanre sikẹre re e kere ẹdẹ rẹ avwanre mu nure, kidie oba rẹ avwanre tere.