Jerimaya 36:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Isun na da ta kẹ Barọk, Re sioma nu, we vi Jerimaya, wo jẹn ohwo ọvuọvo riẹn asan rẹ ovwan epha-a.

Jerimaya 36:19 Referans Kwoze

1 Ivie 17:3

Vrẹn nẹ etinẹ re wo hirhe oma ku obaro ọnre, re wo re sioma wẹn nu vwẹ uto ri Kẹrit, rọ hẹ obaro ọnre vwi Jọdan.

Jerimaya 36:26

Ovie na de ji iji kẹ Jeramil rẹ ọmọ rẹ ovie na vẹ Seraya ọmọ ri Azriẹl kugbe Shelemaya ọmọ rẹ Abdil ne mu Barọk osiẹbe na vẹ Jẹrimaya rẹ ọmraro na, ẹkẹvuọvo Ọrovwohwo de si ayen nu.

1 Ivie 18:10

Kerobo rẹ Ọrovwohwo Ọghẹnẹ wẹn herọ na, o vwo ẹgborho eyẹ uvie rẹ ọrovwovwe ja guọnọ owẹ ra-a; ọke rẹ ayen da ta, ọ hẹ etinẹ-ẹ, ọ me vwẹ ẹgborho na eyẹ uvie yena vwo duvwu iyori, nẹ ayen mrẹ wẹ-ẹ.

1 Ivie 18:4

ọke ri Jezibẹl vwo hwe emraro rẹ Ọrovwohwo na, Obadaya da reyọ emraro ujori o de si ayen nu ujuvẹ gbe ihwe ẹko vwẹ evun re emwa, ọ da vwẹ emu kẹ ayen re ọ da vwẹ ame kẹ ayen da.)

Iruo rẹ Iyinkọn na 5:40

Ayen da reyọ uchebro rọye, rẹ ayen vwo se otu rẹ iyinkọn na rhe uwevwi nu, ayen da fa ayen e de ji urhi kẹ ayen nẹ ayen gbi se odẹ ri Jesu-u, e de siobọ nẹ ayen kpo.

Iyẹnrẹ Esiri ri Luk 13:31

Vwẹ unọke yena dẹn na Farisi ẹvo da rhe, e da ta kẹ, Yanran nẹ etinẹ, kidie Herọd che hwe we.

Emọs 7:12

Amazaya da ta kẹ Emọs, E ọmraro, yanran, djẹ yanran kpo otọ ri Juda, rere wọ re emu re wo mraro vwẹ oboyi,

Isẹ 28:12

Siẹ rẹ ọvwata da kparobọ, oma kọ vwerha ihwo ejobi, ẹkẹvuọvo ohwo umwemwu de vrẹn, ihwo ki sioma rẹ ayen nẹ.

2 Ikun rẹ Ivie 25:15

Ọtiọye na ophu de mu Ọrovwohwo kpahe Amazaya o de ji ọmraro rọye bro ra, ọ da ta kẹ, Die wọ rha vwọ reyọ ẹdjọ rẹ ihwo efa, ri se sivwi ihwo ri vwo ayen nẹ obọ wẹ-ẹn?

Jerimaya 26:16

Kẹsiẹye isun vẹ ihwo na ejobi ke ta kẹ irherẹn na vẹ emraro na nẹ, Ohwo nana fo abe rẹ ughwu-u, kidie ode rẹ Ọrovwohwo rẹ Ọghẹnẹ rẹ avwanre ọ vwọ ta ota kẹ avwanre na.