Jerimaya 36:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Ọye isun na ejobi de ji Jehudi ọmọ ri Netamaya, ọmọ ri Shelemaya, ọmọ ri Kushi, ra ta kẹ Barọk, Vwẹ obọ wẹn reyọ ọbe wo se kẹ ihwo na nyo na, wọ yanrhe. Ọtiọye Barọk rẹ ọmọ ri Nẹraya, da vwẹ obọ rọye reyọ obẹ na o de bru ayen ra.

Jerimaya 36:14 Referans Kwoze

Jerimaya 36:2

Reyọ ekpirhi rẹ ọbe wo si eta re me ta kẹ wẹ kpahe Izrẹl vẹ Juda vẹ irere na ejobi phihọ, nẹ ẹdẹ re me vwọ ta ota kẹ we na, nẹ ẹdẹ ri Josaya rhi te ẹdẹ ri none na.

Matiu 10:28

Ovwan djẹ oshọ rẹ ohwo ro se hwe ugboma-a, ẹkẹvuọvo wa djẹ oshọ rẹ ohwo rọ se hwe ẹnwẹn.

Matiu 10:16

Nighere mi ji ovwan kerẹ igegede re hẹ uherevie rẹ ikpohrokpo; wa gba ghwanre kerẹ ọrọdekọ, re we ru dẹndẹn kerẹ ilekuku.

Zẹfanaya 1:1

Ota rẹ Ọrovwohwo ro bru Zẹfanaya rhe ọmọ ri kushi, ọmọ ri Gẹdalaya, ọmọ rẹ Amaraya, rẹ ọmọ ri Hẹzikaya, vwẹ ọke ri Jọsaya ọmọ rẹ Amọn, ovie ri Juda.

Jerimaya 41:18

Fikirẹ ihwo ri Kaldia, kidie ayen djẹ oshọ rayen, fikiridie Ishmẹl ọmọ ri Netanaya hwe Gedalaya ọmọ rẹ Ahikam, ohwo rẹ ovie ri Babilọn vwo mu osun rẹ otọ na.

Jerimaya 41:16

Ọye ri Johanan ọmọ ri Karia vẹ isun re ofovwi na ejobi da reyọ ihwo ri chekọ na ejobi rẹ Ishmẹl ọmọ ri Netanaya muru ighuvwu nẹ Mizpa rhe ro hwe Gedalaya ọmọ rẹ Alukam nu na–otu rẹ ofovwi, eya, imitete, vẹ eghwara, Johanan da reyọ ayen nẹ Gibiọn rhe.

Jerimaya 40:8

ayen da yan kpo Mizpah bru Jerimaya ra–-Ishmaẹl ọmọ ri Netanaya, Jahanan ọmọ ri Karia, Siraya ọmọ ri Tanhumẹt, emọ rẹ Efai ohwo ri Makat, ayen vẹ ihwo rayen.

Jerimaya 36:21

Etiyin ovie de ji Jehudi ra reyọ ọbe na, ọ da reyọ nẹ uvun rẹ Elishama rẹ osiẹbe na rhe; Jehudi de se kẹ ovie vẹ isun na ejobi ri mudia yariẹ ovie phihọ na.

Ivie rẹ Ivẹ 25:23

Asakiephana ilotu rẹ ofovwi vẹ ihwo rayen vwo nyo nẹ ovie ri Babilọn vwi Gedalaya ma osun ayen vẹ ihwo rayen de bru Gedalaya rhe Mizipa, Ishmẹl ọmọ ri Netanaya, Johanan ọmọ ri Karia, kugbe Seraya ọmọ ri Tanhumet, ohwo ri Netorat, vi Jazanaya ọmọ rẹ Maakat.

Jerimaya 36:4

Jerimaya ki se Barọk ọmọ ri Neraya, Barọk de si eta rẹ Ọrovwohwo rọ ta kẹ Jerimaya na ejobi phihọ ekpirhi rẹ ọbe na vwẹ ọke ri Jerimaya vwo se ayen kẹ.