Jerimaya 35:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Me da reyọ ayen rhe uwevwi rẹ Ọrovwohwo na. Me davwẹ ayen kpo uvun rẹ emọ ri Hanan ọmọ rẹ Igdalaya, ohwo rẹ Ọghẹnẹ na, rọ kẹrẹ uvun rẹ isun na, vwẹ enu rẹ uvun ri Maeseya ọmọ ri Shalum, rọ rhẹrẹ unurhoro na.

Jerimaya 35:4 Referans Kwoze

Urhi Rivẹ 33:1

Ọnana ẹrhovwo ri Mosis rẹ ohwo rẹ Ọghẹnẹ nẹ kẹ emọ rẹ Izrẹl tavwe ro ki ghwu.

2 Ikun rẹ Ivie 8:14

Kirobo rẹ urhi ri Devid ọsẹ rọye epha, ọ da ghare irherẹn na phihọ ẹdẹdẹ rẹ ẹga rọye, ihwo ri Livae na phihọ ẹdẹdẹ re ine ẹsuọ vẹ ejiro vwọ kẹ irherẹn rẹ ẹga teri vwẹ ẹdẹ ọvuọvo kirobo ra guọnọre, erhẹrẹchẹ na vwẹ oghogharọ rayen vwọ kẹ ẹga rẹ anurhoro na; kidie ọtiọye Devid rẹ ohwo rẹ Ọghẹnẹ na ji urhi.

Ivie rẹ Ivẹ 12:9

Etiyin Jehoada rẹ orherẹn na de mu ekpeti, ọ da rharhe uphrophro phihọ urhurho rẹ ekpeti na, o de mu phihọ akakọ rẹ agbada na vwẹ obọrhe siẹn ra da ro uwevwi rẹ Ọrovwohwo na, irherẹn na re rhẹrẹ anurhoro na de phi igho ra ghwa rhe uwevwi rẹ Ọrovwohwo na phihọ evun rẹ ekpeti na.

Ivie rẹ Ivẹ 25:18

Olotu rẹ ohẹrhẹ na da reyọ Seraya olori rẹ irherẹn na, kugbe Zefanaya orherẹn rọ vwọ kpahọ, kugbe ihwo erha na re vwẹ ẹro te anurhoro na;

Ivie rẹ Ivẹ 1:9

Ovie na de ji onotu ro suẹn ituofovwi ujuvẹ gbẹ ihwe vẹ ituofovwi ujuvẹ gbẹ ihwe rọye bro ra. Onotu na de bru Ilaija ra vwẹ asan ro tidia vwẹ obenu rẹ ugbenu, ọ da ta kẹ, E ohwo rẹ Ọghẹnẹ, ovie tare nẹ, Wotọ rhe.

1 Ivie 12:22

Ẹkẹvuọvo ota rẹ ọfuanfon de bru Shemaya rẹ ohwo rẹ ọfuanfon rhe:

Joshua 14:6

Etiyin ihwo ri Juda de bru Joshua rhe vwi Gilgal, Kalẹb rẹ ọmọ ri Jefunneh ohwo ri Keniz da ta kẹ, Wọ riẹn obo rẹ Ọrovwohwo ta kẹ Mosis ohwo rẹ Ọghẹnẹ na vwi Kadesh-barnea kpahe owẹ vẹ ovwẹ.

2 Timoti 3:17

rere ohwo rẹ Ọghẹnẹ vwọ gba, ra vwọ rhuẹrẹ kpahe kẹ iruo esiri.

1 Timoti 6:11

Ẹkẹvuọvo wẹ, E ohwo rẹ Ọghẹnẹ, sioma nẹ emu nana ejobi; nene ọvwata, uruemu esiri, esegbuyota, ẹguọnọ, erhiori, dẹndẹn.

Izikiẹl 43:8

rẹ ayen vwọ vwẹ ibara rayen so ibara mẹ re ayen da vwẹ edovi rayen so edovi mẹ, igbẹhẹ ọvuọvo kọye hẹriẹ uvwre mẹ vẹ ọ rẹ ayen. Ayen vwẹ ẹgua rayen rẹ ayen ruru vwo gbe odẹ ọfuanfon mẹ ẹgua, ọtiọye na me da vwẹ ophu mẹ ghwọrọ ayen.

Jerimaya 52:24

Onotu rẹ ohẹrhẹ na da reyọ Seraya olori rẹ irherẹn na, vẹ Zefanaya orherẹn rivẹ na, kugbe erhẹrotọ erha rẹ anurhoro na;

Jerimaya 26:10

Ọke rẹ isun ri Juda vwo nyo imu nana, ayen de nẹ uwevwi rẹ ovie rhe obo uwevwi rẹ Ọrovwohwo ayen de tidia vwẹ unu rẹ Anurhoro Ọkpokpọ rẹ uwevwi rẹ Orovwohwo na,

Une rẹ Ejiro 84:10

Kidie ẹdẹ ọvo vwẹ eguan wẹn o yovwi nọ uriori vwẹ asan ọfa O fori re me dia ọrhẹrẹ ẹchẹ vwẹ uwevwi rẹ Ọghẹnẹ mẹ nọ re me da dia itughẹ rẹ ihwo imwemwu.

1 Ikun rẹ Ivie 9:27

Ayen de muerhọn riariẹ uwevwi rẹ Ọghẹnẹ phihọ; fikiridie ayen vwo owian rẹ ẹrhẹrẹ rẹr anurhoro na kugbe enuvie rayen kirhiọke kirhiọke.

Ivie rẹ Ivẹ 7:17

Asakiephana ovie na da vwẹ onotu rọ vwẹ oma rẹrẹ obọ rọye na mu olori rọ vwẹ ẹro te anurhoro; ihwo de chiyo muotọ vwẹ unu rẹ anurhoro na, o de ghwu kirobo rẹ ohwo rẹ Ọghẹnẹ na tare vwẹ ọke rẹ ovie na vwo bro rhe.

Ivie rẹ Ivẹ 7:2

Etiyin onotu rẹ ovie na vwẹ oma rẹrẹ da kpahe kẹ ohwo rẹ Ọghẹnẹ na, Ọ da dianẹ ekpuyovwi rẹ Ọrovwohwo de muobọ bru evakpo phihọ odjuvwu dede ọ ro wọ ta na phia? Ẹkẹvuọvo ọ da ta, Wọ cha vwẹ ẹro wẹn mrẹ, ẹkẹvuọvo wọ cha sa re vwọ-ọ.

Ivie rẹ Ivẹ 6:10

Ovie rẹ Izrẹl de ji ihwo kpo asan rẹ ohwo rẹ Ọghẹnẹ na ta kẹ na. Enẹ kọye ọ mraro kẹ rọ vwọ vabọ rẹ ivwighrẹ rọye vrẹn obọvo eyẹ abivẹ.

Ivie rẹ Ivẹ 5:20

Gehazi odibo rẹ Ilaesha ohwo rẹ Ọghẹnẹ na, da ta, No, ọrovwovwe siobọ nẹ Neman, ohwo ri Siria na kpo, yọ reyọ emu ọvuọvo mie vwe usun rẹ emu rọ ghwarhe na-a. Kirobo rẹ Ọrovwohwo herọ na, me cha djẹ bro ra, rere me reyọ eravwọn evo mie.

Ivie rẹ Ivẹ 5:14

Ọtiọye ọ da yanran re djoma phihọ ame asia ighwrẹ vwi Jọdan na, kirobo rẹ ọmraro rẹ Ọghẹnẹ na tare; oma rọye da varhe tẹntẹn kerẹ oma rẹ ọmọboban, ọ da fon.

1 Ivie 20:28

Ohwo rẹ ọfuanfon ọvo de rhi si kerẹ oviẹ rẹ Izrẹl ọ da ta kẹ, E nẹ Ọrovwohwo tare, Fikirobo rẹ ihwo ri Siria vwọ ta, Ọrovwohwo vwonẹ ẹdjọ rẹ igbenn ẹkẹvuọvo yọ dia ẹdjọ rẹ iyara-a na, fiki rẹ ọtiọye na ki mi che phi urogho rode nana phihọ owẹ obọ, ko wọ riẹn nẹ Mẹvwẹ hẹ Ọrovwohwo na.

1 Ivie 17:24

Aye na da ta kẹ Ilaija, Asakiephana ke Me riẹn vwobọ nẹ wẹ ohwo rẹ ọfuanfon, nẹ ota rẹ ọfuanfon ro nẹ unu wẹn rhe uyota.

1 Ivie 17:18

ọ da ta kẹ Ilaija, Die wọ mrẹ kpahe ovwẹ, E ohwo rẹ ọfuanfon na? Wọ rhere re a vwọ karophihọ umwemwu mẹ, re e si ughwu hwe ọmọ mẹ.

1 Ivie 13:26

Ọke rẹ ọmraro ro sere rhivwi na vwo nyo, ọ da ta, ọye ohwo rẹ ọfuanfon na, ro mu ọghọ kẹ ota rẹ Ọrovwohwo na-a; kọye Ọrovwohwo vwo siobọ no kẹ okpohrokpo, rọ chagherẹ hwe, kerẹ ota rẹ Ọrovwohwo ra ta kẹ.

1 Ivie 13:1

Nighere, ohwo rọ Ọghẹnẹ de nẹ Juda rhe ọ vẹ ota rẹ Ọrovwohwo rọ cha ta kẹ Bẹtẹl. Yi Jeroboam mudia vwẹ asan agbada ra da torhẹ insẹns.

1 Samuẹl 2:27

Ohwo rẹ Ọghẹnẹ de bru Eli rhe, ọ da ta kẹ, Ẹnẹ Ọrovwohwo na tare, Me vwẹ oma mẹ phia kẹ uwevwi rẹ ọsẹ wẹn vwẹ ọke rẹ ayen vwọ hẹ Ijipt vwẹ otọ rẹ uwevwi ri Fero.

Jerimaya 35:3

Eriyin na me da reyọ Jazanaya, ọmọ ri Jerimaya rẹ ọmọ ri Habazinaya, vẹ iniọvo rọye, kugbe emọ rọye ejobi vẹ uwevwi rẹ ihwo ri Rekab na ejobi.

Izikiẹl 40:38

Ighẹn ovọ herọ vẹ ẹchẹ rọye vwẹ evun rẹ ọmọguan rẹ anurhoro na, asan ra da hworhẹ izobo rẹ etorhẹ na.

Jerimaya 21:1

Ọnana ota ro nẹ obọ rẹ Ọrovwohwo bru Jerimaya rhe, vwẹ ọke rẹ Ovie Zẹdikaya vwo ji Pashọ rẹ ọmọ ri Malkaya kugbe Zẹfanaya rẹ orherẹn na, rẹ ọmọ ri Maaseai bro ra, nẹ,