Jerimaya 34:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Ota ro nẹ obọ rẹ Ọrovwohwo bru Jẹrimaya rhe, vwẹ ọke rẹ ovie Zẹdikaya vwo nene ihwo ri Jerusalẹm ejobi re ọphọ nu vwo ghwoghwo ufuoma kẹ ayen nu,

Jerimaya 34:8 Referans Kwoze

Livitikọs 25:10

Ikpe ujuvẹ gbẹ ihwe na de te re ovwan mi mu ọghọ kẹ, we mi ghwoghwo obọesiono vwọ kẹ ihwo rẹ ikpe ujuvẹ gbe ihwe kẹ ovwan ri kohwo kohwo ejobi vwo rhivwi kpo ughwẹ rọye, ri kohwo kohwo ejobi de rhivwi kpo orua rọye.

Jerimaya 34:17

Ọtioye na, enẹ Ọrovwohwo tare ovwan mu ọghọ kẹ vwẹ vwẹ ofuvwegbe ri mi ghwoghwori kẹ dohwo doniọvo rọye kugbe dohwo dọrivẹ rọye-en, nighe, mi ghwoghwo kẹ ovwan ofuvwogbe rẹ ọlọkọ vẹ otiekọ kugbe owẹvwe, eriyin Ọrovwohwo tare. Mi che ru ovwan vwo dia imuoshọ kẹ ivie rẹ akpọ na ejobi.

Ivie rẹ Ivẹ 11:17

Jehoyada vẹ Ọrovwohwo da re ọphọ kugbe ovie vẹ ihwo na, nẹ ayen dia ihwo rẹ Ọrovwohwo; ọtiọye ọ je epha kẹ ovie vẹ ihwo na rhe.

Aizaya 61:1

Erhi rẹ Ọrovwohwo Ọghẹnẹ ọ he oma mẹ, fikiridie ọ vwẹ evwri ghworo uvwe Me vwọ ghwẹ ikun esiri na rhe ihwo re kpokpo, o ji vwe rhe gba udu ro vwirhiri koko, rhi ghwoghwo egbemọphẹ kẹ ighuvwu, esiobọno kẹ ihwo re hẹ uwodi;

Nehemaya 9:38

Fiki rẹ ọnana ejobi na avwanre vwọ nabọ re ọphọ me de sio phihọ otọ, isun rẹ avwanre, ihwo ri Livae, kugbe irherẹn rẹ avwanre da vwẹ obọ nye.

2 Ikun rẹ Ivie 29:10

Asakiephana me jẹ iroro phihọ evun rere me vẹ Ọrovwohwo vwọ re ọphọ, Ọghẹnẹ rẹ Izrẹl na, rere ophu ọtuatua rọye na vwo bi nẹ avwanre oma.

2 Ikun rẹ Ivie 23:16

Etiyin Jehoiada vẹ ihwo na ejobi kugbe ovie na da re ọphọ nẹ ayen dia ihwo rẹ Ọrovwohwo.

Urhi Rivẹ 15:12

Ọ da dianẹ a shẹ oniọvo rẹ ọshare eyẹ ọ rẹ aye ri Hibru kẹ wẹ, jọ ga wẹ ikpe esa, ẹgbukpe rẹ ighwrẹ re wo mi siobọ no kpo ọphẹ.

Aizaya 58:6

Ọ dia oghẹre rẹ ewẹvwe ọtiọna Me jẹreyọ ra vwọ rhan ifi rẹ umwemwu, re vwo vwrẹn ifi rẹ urhekpe, re siobọ nẹ ohwo re shenyẹ kpo ọphẹ, rere e vwirhi kurhekpe kurhekpe?