Jerimaya 34:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Dede na gbe nyo ota rẹ Ọrovwohwo na, E Zẹdikaya ovie ri Juda! Enẹ Ọrovwohwo ta kpahe owẹ: A cha vwẹ ọlọkọ hwe we-e.

Jerimaya 34:4 Referans Kwoze

Jerimaya 34:3

Wọ sa djẹ nẹ obọ rọye-e, ẹkẹvuọvo vwẹ ọruyota e che mu we re de phi we phihọ obọ rọye; ku wọ vẹ ovie ri Babilọn cha vwẹ ẹro mrẹ ohwohwo ji hirhe aro ku ohwohwo ta ota, ku wo kpo Babilọn.

Jerimaya 34:5

Wo che ghwu vwẹ ufuoma. Kirobo ra torhẹ adjija kẹ esẹ wẹn ye, eriyin ihwo je cha torhẹ adjija kẹ wẹ ra da je viẹ kẹ wẹ, ta nẹ, Eghwo, orovwori! Kidie me ta ota na nure, eriyin Ọrovwohwo tare.

2 Ikun rẹ Ivie 18:18

Makaiya da ta, Fiki rẹ ọtiọye na gbe nyo ota rẹ Ọrovwohwo na; me mrẹ Ọrovwohwo na ro tidia vwẹ enu rẹ ekete rọye, otu rẹ obo odjuvwu na ejobi de mudia vwẹ obọrhe rọye vẹ obọhwẹre rọye;

Jerimaya 2:4

Nyo ota rẹ Ọrovwohwo E uwevwi ri Jekọp, kugbe erua rẹ uwevwi rẹ Izrẹl ejobi.

Jerimaya 7:2

Mudia vwe anurhoro rẹ uwevwi rẹ Ọrovwohwo, wo ghwoghwo ota nana, hlyo ota rẹ Ọrovwohwo na, ovwan ihwo ri Juda ejobi re ro inurhoro nana cha ga Ọrovwohwo na.

Jerimaya 32:5

Ke ghini mu Zedikaya kpo Babilọn, oboyi kọye ọ dia bẹsiẹye me rhe vwọ mrẹ, eriyin Ọrovwohwo tare; wo de nene ihwo ri Kaldia họnre dede, wọ sa kparobọ-ọ.

Hosia 4:1

Nyo ota rẹ Ọrovwohwo E ihwo rẹ Izrẹl, kidie Ọrovwohwo vẹ ihwo rẹ otọ na vwo aphro. O gbi vwo ọvwata yẹrẹ aruẹdọ-ọn, ọ rhe vwo erianriẹn rẹ Ọghẹnẹ vwẹ otọ na-a;