Jerimaya 34:22 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²² Nighe, mi che ji urhi, eriyin Ọrovwohwo tare, me cha rhoma reyọ ayen rhe orere nana; ayen cha họnrọ rẹ ayen da reyọ, ra da vwẹ erhanre torhẹ. Mi che ru irere ri Juda ifefe rẹ ihwo de jẹn ayen ẹdia.

Jerimaya 34:22 Referans Kwoze

Jerimaya 9:11

Mi che ru Jerusalẹm phihọ erhurhu, mi che ruo phihọ unu rẹ erha mi che ru irere ri Juda phihọ ofefe, ihwo gbe dia-a.

Jerimaya 39:8

Ihwo ri Kaldia na da torhẹ uwevwi rẹ ovie na vẹ uwevwi rẹ ihwo na, ayen da ghwọrọ igbẹhẹ ri Jerusalẹm totọ.

Jerimaya 52:13

O da torhẹ uwevwi rẹ Ọrovwohwo na, te uwevwi rẹ ovie vẹ iwevwi ri Jerusalẹm ejobi; uwevwi kuwevwi rẹ rhoro ejobi ọ torherọ te otọ.

Jerimaya 52:7

E de bru uphrophro phihọ ighẹhẹ rẹ orere na, eshare rẹ ofovwi na ejobi da djẹ nẹ orere na vwẹ ason ra wan anurhoro rọ hẹ uherevie rẹ igbẹhẹ ivẹ na, vwẹ oma rẹ ogba rẹ ovie na, ye ihwo ri Kaldia ke orere na phihọ. Ayen da ra wan obo Araba na.

Jerimaya 44:22

Ọrovwohwo gbi se chiri uruemu omiomiovwi rẹ ovwan kugbe ẹgua rẹ ovwan na ọfa-a, fiki rẹ ọtiọye na otọ rẹ ovwan rhi vwo hirhe phihọ ofefe vẹ ẹghwọrọ kugbe ekan, ihwo gbe herọ-ọ, kirobo rọ epha nonẹ na.

Jerimaya 33:10

Enẹ Ọrovwohwo tare. Etinẹ na re wa ta nẹ, o fefe ohwo herọ-ọ eyẹ kẹ eranvwe-e, vwe irere ri Juda vẹ irhuvwu ri Jerusalẹm ra kua fiotọ na, ri vwo ohwo-o eyẹ ohwo rọ dia-a eyẹ kẹ eranvwe-e,

Matiu 22:7

Ẹkẹvuọvo ivun de miovwi ovie na; o de ji usun rẹ ofovwi rọye nẹ i re hwe izighẹ na, rere ayen torhẹ orere rayen na.

Zekaraya 7:14

Me da vwẹ odju rẹ ovwre vwo hra ayen ro ohri rẹ ẹgborho rẹ ayen riẹnre-e kọye otọ rẹ ayen nuru da rhe dia ofefe, ọtiọye na ohwo rha yanrhe yankpo vwọ-ọ, otọ esiri na da rhe dia ofefe.

Zekaraya 1:12

Ọye amakashe re Ọrovwohwo da ta, E Ọrovwohwo rẹ otuofovwi mavọ okrite wo ki ni arodọvwẹ ri Jerusalem vẹ irere ri Juda ri wo mu ophu kpahe ikpe ujorha gbe ihwe re na?

Maika 7:13

Ẹkẹvuọvo ọto na kọ cha dia ofefe fiki re ihwo re dia, fiki rẹ emamọ rẹ uruemu rayen .

Emọs 3:6

E hworo owanre vwẹ orere re oshọ de jẹ ihwo emuọ? okpetu di she vwẹ orere, rẹ Ọrovwohwo de jẹ obọ evwo vwọ?

Uvwerhe 1:1

Mavọ orere rọ vọnre vẹ ihwo jovwo na di vwo tidia hoho! Mavọ ọ rhe vwọ dia kere ayeuku, ọ rọ rhoro vwẹ ohri rẹ ẹgborho na! ọ rọ dia ọmọte rẹ ovie vwẹ ohri rẹ irere na rhi hirhe phihọ ọviẹn.

Jerimaya 38:23

Eya wẹn kugbe emọ wẹn ejobi ke sun ayen rhe ihwo ri Kaldia, wẹ vẹ ekpuyovwi wẹn cha sa djẹ va ayen abọ-ọ, ẹkẹvuọvo ovie ri Babilọn che mu we; ra da vwẹ erhanre torhẹ orere na totọ.

Jerimaya 32:29

Ihwo ri Kaldia re họnra orere nana na cha rhe rhi phi erhanre phihọ orere na, rọ da torhẹ, kugbe uwevwi ra diẹ enu rayen de torhẹ ugboduma kẹ Baal ra da je udi ku edjọ na, rẹ ophu vwo mu vwe na.

Jerimaya 4:7

Okpohrokpo nẹ evun rẹ etu rọye rhe, ọghwọrọ rẹ ẹgborho na yan phiare; ọ yan nẹ asan rọye re rere ọ ru otọ rẹ ovwan phihọ ofefe irere rẹ ovwan ke cha dia erhurhu ohwo gbe dia aye-en.

Aizaya 64:10

Irere efuanfon wẹn na rhe rhoma hirhe phihọ aghwa, Zayọn rhi hirhe phihọ aghwa, Jerusalẹm rhe kua fiotọ.

Aizaya 37:26

Wo ji nyo-o, obo ri mi rori rhabae rhe? Nẹ ọke rẹ awanre rhe me vwọ vwanvwọn phihọ otọ obo re cha phia vwẹ ọke nana, nẹ wa gba ogba riariẹ irere rẹ ovwan ri che kporo hirhe phihọ erhurhu,

Aizaya 24:12

Orere na ejobi kua fiotọ re kakare, A teyọ inurhoro na ejobi guọghọ phihọ irhurhu.

Aizaya 13:3

Ekpuyovwi mẹ ji urhi kẹ ihwo efuanfon mẹ nure, mi se egba mẹ nẹ e ra reihri rẹ ophu mẹ, ihwo mẹ ri herẹ mu oma kpenu na.

Aizaya 6:11

Etiyin me da ta, Mavọ O krite, E Ọrovwohwo? Ọ da ta: Bẹsiẹ rẹ irere na vwọ dia ofefe re kaka ohwo gbe dia-a ihwo gbe dia evun re iwevwi na-a otọ na ejobi vwọ dia ofefe,

2 Ikun rẹ Ivie 36:17

Fiki rẹ ọtiọye na ọ da reyọ ovie ri Kaldia rhe vwọ so ayen, rọ vwẹ oda nyavwe imighene rayen hwe vwẹ evun rẹ ẹshẹ rayen, o rhe nẹ arodọvwẹ kẹ imighene na-a emeshare eyẹ emetobẹ, ekpako eyẹ emare; o de phi ayen ejobi phihọ obọ rọye.

2 Samuẹl 16:11

Devid da ta kẹ Abishai kugbe idibo rọye ejobi, Ọmọ mẹ ro nẹ oma mẹ rhe, guọnọ erhi mẹ hwe, kemavọ ọmọ ri Bẹnjamin rhe ru te? Jovwo rọ harhe; kidie Ọrovwohwo re ta kẹ.

Ivie rẹ Ivẹ 25:6

Etiyin ayen de mu rhe ovie rẹ Babilọn vwẹ Ribla, o de bru orhiẹn hwe.

Jerimaya 34:2

Enẹ Ọrovwohwo Ọghẹnẹ rẹ Izrẹl, tare: Yanra wọ ra ta kẹ Zẹdikaya ovie ri Juda re wọ vuẹ nẹ, Enẹ Ọrovwọhwo tare: Nighe, mi che phi orere nana phihọ obọ rẹ ovie ri Babilọn, kọ vwẹ erhanre torhe.

Jerimaya 50:13

Fiki rẹ ophu rẹ Ọrovwohwo na a gbe sa dia-a, ẹkẹvuọvo ọ cha dia ofefe kakare, ohwo kohwo rọ wan Babilọn vrẹn ko gbunu ko fiunu fiki rẹ era rọye ejobi.

Izikiẹl 13:22

Fikiridie wọ nẹrhẹ udu bru evwata na ekueku, ye me vwẹ udu bro kẹ, wo de phi udu phihọ ohwo umwemwu awọ, rere o je rhivwi nẹ idjerhe umwemwu rọye ro sivwi arhọ rọye,

Ivie rẹ Ivẹ 25:9

Ọ da torhẹ uwevwi rẹ Ọrovwohwo na, kugbe ighẹn rẹ ovie na, kugbe iwevwi ejobi rẹ Jerusalẹm; ọ da torhẹ ikpi iwevwi na ejobi muotọ.

Jerimaya 2:15

Ikpohrokpo re kperẹ nene, ayen re kperẹ gangan, Ayen ru otọ rọye ofefe; irere rọye hẹ evun rẹ oghwọrọ ihwo gbe hẹ ayẹ-en.