Jerimaya 34:21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²¹ Zẹdikaya ovie ri Juda vẹ isun rọye mi che phi ayen phihọ obọ rẹ ivwighrẹ rayen ji te obọ rẹ otu re guọnọ urhuarhọ rayen, phihọ obọ rẹ otuofovwi rẹ ovie ri Babilọn rọ yan jẹn ovwan vwo jovwo nu na.

Jerimaya 34:21 Referans Kwoze

Jerimaya 39:6

Ovie na de hwe emọ ri Zẹdikaya vwẹ irharo rọye, ovie ri Babilọn de ji hwe ikpihwo ri Juda ejobi rhe.

Izikiẹl 17:16

Kirobo re me herọ na, eriyin Ọrovwohwo Ọghẹnẹ tare, imuẹro herọ nẹ asan rẹ ovie na rọ reyerọ vwo mu ovie na, ohwo ro vwo ive rọ jẹfia na, ro vwo ọphọ ro miovwiri na, vwẹ evun rẹ Babilọn kẹ etiyin o de ghwu.

Jerimaya 52:10

Ovie ri Babilọn de hwe emeshare ri Zedikaya vwe irharo rọye, eriyin rhe o ji hwe isun ri Juda vwẹ obi Ribla.

Uvwerhe 4:20

Ẹnwẹn rẹ inwe rẹ avwanre ọ rẹ Ọrovwohwo vwẹ ọri ghworo na e de muo vwẹ ukpotọ rayen, ọ re avwanre ta kpahe nẹ, Otọ rẹ uhoho rọye avwanre cha dia vwẹ ohri rẹ ẹgborho na.

Jerimaya 32:4

Zedikaya rẹ ovie ri Juda sa djẹ nẹ obọ rẹ ihwo ri Kaldia na-a, e che ghine phio phihọ obọ rẹ ovie ri Babilọn, ayen ki hirhe aro kuaro ta ota ayen je vwẹ ẹro mrẹ ohwohwo.

Ivie rẹ Ivẹ 25:6

Etiyin ayen de mu rhe ovie rẹ Babilọn vwẹ Ribla, o de bru orhiẹn hwe.

Jerimaya 22:25

Mi de phi we phihọ obọ rẹ ohwo rọ guọnọ arhọ wẹn, phihọ obọ rẹ ohwo rẹ oshọ rọye mu we, tobọ phihọ obọ ri Nẹbukadreza ovie ri Babilọn ji phihọ obọ rẹ ihwo ri Kaldia.

Jerimaya 32:3

Kidie Zẹdikaya ovie ri Juda muro phihọ uwodi, ta nẹ, Die sorọ wo vwọ mraro tanẹ, Enẹ Ọrovwohwo tare. Nighe mi phi orho nana phihọ obọ rẹ ovie ri Babilọn, kọ cha reyọ;

Jerimaya 44:30

Enẹ Ọrovwohwo tarẹ, Nighe me cha vwẹ Fero Hofra ovie rẹ Ijipt phihọ obọ rẹ ivwighrẹ rọye ji kugbe obọ rẹ ihwo re guọnọ arhọ rọye hwe, kirobo mi phi Zedikaya ovie ri Juda phihọ obọ ri Nebukadreza ovie ri Babilọn na rọ dia ọvweghrẹ rọye rọ je guọnọ arhọ rọye hwe na.

Jerimaya 52:8

Ẹkẹvuọvo unofovwi ri Kaldia da vwọ tua ovie na, ayen da vwa Zẹdikaya vwẹ uphephẹ ri Jerikọ, unofovwi rọye ejobi da hra jovwo.

Izikiẹl 17:12

Ta kẹ uwevwi rẹ okpetu na, Wọ rha riẹn otọ rẹ imu nana? Ta kẹ ayen, Nighe, ovie ri Babilọn da rhe Jerusalẹm, o de mu ovie rọye vẹ isun rọye ọ da ghwẹ ayen rhi Babilọn.

Izikiẹl 17:20

Ki mi phi obriki mẹ rhurho, ufi mẹ ko muo, ke me reyọ rhe Babilọn rhi vwo guẹdjọ fikiridie ọ shẹ vwẹ.