Jerimaya 34:20 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁰ ki mi che phi ayen phihọ obọ rẹ ivwighrẹ rayen kugbe obọ rẹ otu re guọnọ urhuarhọ rayen. Irivwi rayen ke cha dia emuọre kẹ emephran rẹ obenu vẹ eranvwe rẹ akpọ na.

Jerimaya 34:20 Referans Kwoze

Jerimaya 7:33

Irivwi rẹ ihwo nana ke cha dia emuọre kẹ emephran rẹ enu, ji kugbe eranvwe rẹ otọ na, ohwo ọvuọvo ro cha djẹ oshọ mu ayen gbe herọ-ọ.

Jerimaya 19:7

Vwẹ etinẹ na me da hra iroro ri Juda vẹ iroro ri Jerusalẹm, ki mi ru ihwo rayen re ọlọkọ hwe ayen vwẹ obaro rẹ ivwighrẹ rayen, vwẹ obọ rẹ otu re guọnọ arhọ rayen hwe. Me cha vwẹ irivwi rayen ru emuọre kẹ emephran rẹ obenu na kugbe eranvwe rẹ aghwa na.

Jerimaya 16:4

Emiavwe ọbrabra che hwe ayen. A cha viẹ aye-en, e ji che shi aye-en; ayen cha họhọ isọn vwẹ enu rẹ otọ na. Ọlọkọ vẹ owẹvwe che hwe ayen, irivwi rayen ke dia emuọre kẹ emephran rẹ enu kugbe eranvwe rẹ akpọ na.

Jerimaya 11:21

Ọtiọye na enẹ Ọrovwohwo tare, kpahe ihwo rẹ Anatọt, re guọnọ arhọ wẹn na, re ta, Wọ vwẹ odẹ rẹ Ọrovwohwo mraro-o, avwanre da vwẹ obọ rẹ avwanre hwe we–

1 Ivie 16:4

Kohwo kohwo ri Baasha ro ghwuru vwẹ orere eranko ke riọ; o re rhe ghwu vwẹ aghwa ephran rẹ obenu na ke riọ.

Jerimaya 22:25

Mi de phi we phihọ obọ rẹ ohwo rọ guọnọ arhọ wẹn, phihọ obọ rẹ ohwo rẹ oshọ rọye mu we, tobọ phihọ obọ ri Nẹbukadreza ovie ri Babilọn ji phihọ obọ rẹ ihwo ri Kaldia.

Jerimaya 21:7

Ukuko rọye, eriyin Ọrovwohwo tare, mi che phi Zẹdikaya ovie ri Juda tẹ idibo rọye, vẹ ihwo rẹ orere nana rẹ emiavwe vẹ ọlọkọ kugbe owẹvwe hwe chekọ phihọ obọ ri Nẹbukadreza ovie ri Babilọn ji phihọ obọ rẹ ivwighrẹ rayen, phihọ obọ rẹ ihwo re guọnọ arhọ rayen. Ọ cha vwẹ arọ rẹ ọlọkọ nyavwẹ ayen, o che mu ayen ẹro-o, o ji jẹn ayen vwo-o, ọ je rẹ ehrọre raye-en.

1 Ivie 14:11

Kohwo kohwo ro nẹ oma ri Jeroboam rhe ro ghwuru vwẹ evun rẹ orere, eranko ke riọ; Kohwo kohwo ro ghwu vwẹ evun rẹ aghwa, emephran ke rha riọ; kidie unu rẹ Ọrovwohwo tarọ nure.

1 Samuẹl 17:46

Nonẹ na Ọrovwohwo ko phi we phihọ obọ mẹ, ke me ghwiẹ wẹ she, ke me fian uyovwi nẹ uwe; ke me vwẹ irivwi rẹ urogho rẹ ihwo ri Filistia na vwọ kẹ emephran rẹ obenu na kugbe eranvwe rẹ aghwa na nonẹ; re akpọ na ejobi riẹn nẹ Ọghẹnẹ ghine hẹ Izrẹl na,

1 Samuẹl 17:44

Ohwo ri Filistia na da ta kẹ Devid, Yan bru vwe rhe, ke me vwẹ uvwo rẹ oma wẹn kẹ emephran rẹ obenu na kugbe eranvwe re hẹ obo aghwa na.

Izikiẹl 32:4

Ke me vwẹ owẹ phiotọ, vwẹ uphephẹ ghwrọrọ, me kpare owẹ phihọ, ke me ta kẹ emephran rẹ obenu na nẹ e bọn ẹho phihọ owẹ, ke me vuẹ eranvwe rẹ akpọ na ejobi nẹ e re o wẹ.

Izikiẹl 29:5

Ke me kpare owẹ phihọ evun rẹ aghwa te owẹ te iyeri re ivwori wẹn, ku we she phihọ uphephẹ ghwroro, a rha ghwẹ ovwan koko-o siẹvo kẹ esho-o. Me vwẹ ovwan ru emuọre kẹ eranvwe rẹ aghwa ta emephran rẹ enu.

Jerimaya 49:37

Me vwẹ oshọ mu Elam vwẹ obaro rẹ ivwighrẹ rayen, vẹ obaro rẹ otu re guọnọ ayen hwe, me reyọ umiovwo mẹ vwo rhe ayen, ophu mẹ rode na, eriyin Ọrovwohwo tare, Mi ji ọlọkọ nene ayen, bẹsiẹ me vwọ ghwọrọ ayen nu,

Jerimaya 44:30

Enẹ Ọrovwohwo tarẹ, Nighe me cha vwẹ Fero Hofra ovie rẹ Ijipt phihọ obọ rẹ ivwighrẹ rọye ji kugbe obọ rẹ ihwo re guọnọ arhọ rọye hwe, kirobo mi phi Zedikaya ovie ri Juda phihọ obọ ri Nebukadreza ovie ri Babilọn na rọ dia ọvweghrẹ rọye rọ je guọnọ arhọ rọye hwe na.

Jerimaya 38:16

Ọye Ovie Zedikaya da bẹbẹ ve kẹ Jerimaya, kirobo rẹ Ọrovwohwo herọ na, rọ ma ẹnwẹn ejobi, mi che hwe we-e, me je reyọ o wẹn kẹ ihwo nana re guọnọ arhọ wẹn na-a.

Jerimaya 4:30

E wọwẹ, ra kua jovwo na, Die wo rori ru wọ vwọ vwẹ isene rhuẹrẹ oma re wọ vwọ reyọ iro vwọ sẹ fia, ru wọ vwọ vwẹ itiro si ẹro wẹn? Wọ de rhuẹrẹ oma wẹn ghevweghe. Esen wẹn jẹ wẹ fia, ayen guọnọ owẹ hwe.

Urhi Rivẹ 28:26

Irivwi rẹ ovwan ke dia emuọre kẹ emephran rẹ irharheghe na, je kẹ eranvwe rẹ akpọ na; ohwo ro guegue ayen re da djẹ gbe dia-a.

Une rẹ Ejiro 79:2

Ayen vwe irivwi re idibo wẹn vwo ru emuọre kẹ emephran rẹ obenu, uvwo rẹ ihwo efuanfon wẹn vwọ ke eranvwe rẹ akpọ na.

Jerimaya 12:9

Ukuẹriọ mẹ kọ rhọma rhe họhọ ọso rọ kerẹ ovwẹ oma? Emephran re djoma na rhe rhan yariẹ phihọ? Yanra, re koko eranvwe rẹ djoma ejobi; Ghwẹ koko ra ghwọrọ ayen.

Izikiẹl 23:28

Kidie e nẹ Ọrovwohwo Ọghẹnẹ tare: Nighe, mi che phi we phihọ abọ rẹ ihwo ri tu we oma, phihọ abọ rẹ ihwo re wọ mrẹ ọhọre me kpare owẹ na.

Jerimaya 39:6

Ovie na de hwe emọ ri Zẹdikaya vwẹ irharo rọye, ovie ri Babilọn de ji hwe ikpihwo ri Juda ejobi rhe.