Jerimaya 34:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Ọtioye na, enẹ Ọrovwohwo tare ovwan mu ọghọ kẹ vwẹ vwẹ ofuvwegbe ri mi ghwoghwori kẹ dohwo doniọvo rọye kugbe dohwo dọrivẹ rọye-en, nighe, mi ghwoghwo kẹ ovwan ofuvwogbe rẹ ọlọkọ vẹ otiekọ kugbe owẹvwe, eriyin Ọrovwohwo tare. Mi che ru ovwan vwo dia imuoshọ kẹ ivie rẹ akpọ na ejobi.

Jerimaya 34:17 Referans Kwoze

Matiu 7:2

Kidie oghẹre rẹ orhiẹn ru we bru kẹ ihwo, ọye e ji bru kẹ ovwan. Uchunu wọ vwọ vwavwe kẹ ihwo, ọye a je vwọ vwavwe kẹ ovwan.

Galesha 6:7

Wo ja phiẹn wẹ-ẹ, a vwẹ Ọghẹnẹ jehwẹ-ẹ, kidie okankọn kẹ okankọn rẹ ohwo kọnre, ọye o ji che vun rhe.

Jerimaya 29:18

Ọlọkọ vẹ owẹvwe, kugbe ọtiekọ mi che vwo nene ayen, mi mi rhi ru ayen phiyọ imuoshọ kẹ ivie rẹ akpo na ejobi, re ayen vwọ dia ekan, osho, unuefiọn, vẹ ehwẹjẹ vwẹ uherevie rẹ irere ejobi re me djẹ ayen na.

Urhi Rivẹ 28:25

Ọrovwohwo kọ nẹrhẹ ivwighrẹ rẹ ovwan phi ovwan kparobọ; ovwan da vwọ so ayen vwẹ idjerhe ọvo, idjerhe ighwrẹ kọye ovwan djẹ wan kpo; ovwan ke dia utuoma kẹ ivie rẹ akpọ na ejobi.

Jems 2:13

Kidie ohwo ro ni arodọvwẹ-ẹ ọ je cha mrẹ arodọvwẹ vwe ọke re de brorhiẹ rọye-e.

Daniẹl 6:24

Etiyin ovie na de ji urhi nẹ, a reyọ esharẹ na ri gbeje Daniẹl na rhe e de mu ayen phihọ ẹmwa rẹ ikpohrokpo na–-te ayen te emọ rayen, te eya rayen; tavwe re ayen ki rhi she te otọ re ẹmwa na ikpokrokpọ na de fru ayen i de vwirhi ibeku rayen ibribro.

Jerimaya 32:24

Nighe otuofovwi rhe riariẹ orere na phihọ rere ayen vwọ reyọ. Fiki rẹ ọlọkọ, owẹvwe vẹ ọtiekọ ọye e vwo siobọ nẹ orere na kẹ ihwo ri Kaldia ri phio na. Obo re wọ tare na ọ phiare, gbe nighe, wọ mrẹrẹ re.

Jerimaya 15:4

Ke ayen dia oshọẹdjẹ kẹ ivie rẹ akpọ na ejobi vwi fiki rẹ obo ri Manasse ọmọ ri Hezekaya, rẹ ovie ri Juda, ruru vwi Jerusalẹm.

Ẹsta 7:10

Etiyin ovie na da ta, churo si vwẹ enu rọye. Etiyin e de churu Heman si vwẹ enu rẹ ẹtan rọ kpahe hẹrhẹ Modekai na Ivuemiovwo rẹ ovie na de kpotọ.

Urhi Rivẹ 28:64

Ọrovwohwo kọ hra ovwan ro uherevie rẹ ihwo na ejobi, nẹ oba rẹ akpọ na re te oba rẹ ivẹ; oboyi wọ da ga edjọ, edjọ rẹ irhe vẹ e rẹ elalọ e rẹ ovwan vẹ esẹ rẹ ovwan riẹnre-e.

Ẹvwọphia 16:6

Kidie ihwo sun ọbara rẹ ihwo efuanfon kugbe emraro na te otọ, wọ da vwẹ ọbara kẹ ayen da. Ọye hẹ ute rayen!

Uvwerhe 1:8

Jerusalẹm ru umwemwu gangan vwẹ ọtiọye na kọ pha gbegbe, otu ri mu ọghọ kẹ jovwo ke jẹ rẹ fia; kidie ayen mrẹ ẹban rọye re; e, ekpuyovwi rọye ra guan, o de ku opharo fia.

Jerimaya 32:36

Asakiephana enẹ Ọrovwohwo, Ọghẹnẹ rẹ Izrẹl na tare, kpahe orere nana rẹ ovwan ta na, E phio phihọ obọ rẹ ovie ri Babilọn rọ vwẹ ọlọkọ vẹ owẹvwe kugbe ọtiekọ hwe.

Jerimaya 21:7

Ukuko rọye, eriyin Ọrovwohwo tare, mi che phi Zẹdikaya ovie ri Juda tẹ idibo rọye, vẹ ihwo rẹ orere nana rẹ emiavwe vẹ ọlọkọ kugbe owẹvwe hwe chekọ phihọ obọ ri Nẹbukadreza ovie ri Babilọn ji phihọ obọ rẹ ivwighrẹ rayen, phihọ obọ rẹ ihwo re guọnọ arhọ rayen. Ọ cha vwẹ arọ rẹ ọlọkọ nyavwẹ ayen, o che mu ayen ẹro-o, o ji jẹn ayen vwo-o, ọ je rẹ ehrọre raye-en.

Jerimaya 15:2

Ọke rẹ ayen da nọ wẹ, Bovọ ma ra vwo? Wọ me vuẹ ayen nẹ, E nẹ Ọrovwohwo tare: Erẹ emiavwe vwọ kẹ emiavwe, erẹ ọlọkọ vwọ kẹ ọlọkọ erẹ owẹvwẹ vwọ kẹ owẹvwe erẹ a vwọ kẹ imu, vwọ kẹ imu.

Urhi Rivẹ 19:19

wo mi ruo kirobo ra guọnọre nẹ eru ọrivẹ rọye na; rere wọ vwọ sa hworhẹ umwemwu nẹ uherevie wẹn.

Jerimaya 34:8

Ota ro nẹ obọ rẹ Ọrovwohwo bru Jẹrimaya rhe, vwẹ ọke rẹ ovie Zẹdikaya vwo nene ihwo ri Jerusalẹm ejobi re ọphọ nu vwo ghwoghwo ufuoma kẹ ayen nu,

Jerimaya 38:2

nẹ, Enẹ Orovwonwo tare, Ohwo ro chekọ ọrho nana ọlọkọ vẹ owẹvwe kugbe emiavwe che hwe; ẹkẹvuọvo ohwo rọ yan bru ihwo ri Kaldia cha rhọ, arhọ rọye cha dia kerẹ osa rẹ ofovwi, ọ me rhọ.

Jerimaya 29:17

Enẹ Ọrovwohwo rẹ otuofovwi tare, Nighe, me cha vwẹ ọlọkọ vẹ owẹvwe kugbe ọtiekọ mu ayen, ji ru ayen kerẹ orharhe ri fig ro miovwiri rẹ ọ gbe ja re-e.

Jerimaya 32:25

Dede na we, E Ọrovwohwo Ọghẹnẹ, re ta kẹ vwẹ, vwẹ igho de udju na re wo vwo iseri–-owenẹ a vwẹ orere na ke ihwo ri Kaldia dede.