Jerimaya 34:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Oba rẹ ikpe esan ohwo kohwo mi siobọ nẹ ohwo ri Hibru rọ dẹre rọ garọ ikpe esan nure; sio nẹ iruo wẹn ro ruẹ kẹ wẹ Ẹkẹvuọvo esẹ rẹ ovwan kerhọ-ọn e je davwerhọn mẹ-ẹ.

Jerimaya 34:14 Referans Kwoze

Urhi Rivẹ 15:12

Ọ da dianẹ a shẹ oniọvo rẹ ọshare eyẹ ọ rẹ aye ri Hibru kẹ wẹ, jọ ga wẹ ikpe esa, ẹgbukpe rẹ ighwrẹ re wo mi siobọ no kpo ọphẹ.

1 Ivie 9:22

Ẹkẹvuọvo Solomọn vwẹ ihwo rẹ Izrẹl ru eviẹ-ẹn; ayen keye otuofovwi, iruiruo rọye, isun rọye, inotu rọye, isun rẹ ekpẹrẹ rọye vẹ ihwo re gua iyesi rọye.

Ọbe ri Pọl si rhe Ihwo ri Rom 7:24

Orharhe rẹ ohwo re me epha! Kono che sivwi uvwe nẹ oma rẹ ughwu nana?

Emọs 8:6

rere ma vwẹ idọnọ efuanfon dẹ ivwiegbere na, rere a rha vwẹ isabato ivẹ dẹ ihwo rẹ akpọ bẹn, rere a rha shẹ ivwuvwu rẹ eka?

Emọs 2:6

E nẹ Ọrovwohwo na tare: Fiki rẹ ogbeku erha rẹ Izrẹl, ji kugbe ẹne, Me gbe san rhan unu rẹ ehwe na-a; fikiridie ayen shẹ evwata fiki rẹ idọnọ, ihwo rẹ akpọ bẹn fiki rẹ awọ re isabato ivẹ…

Izikiẹl 20:8

Ẹkẹvuọvo ayen de mu kpahe ovwẹ ayen gbe kerhọn mẹ-ẹ, ayen ohwo ọvuọvo gbe rhọvwe ku obo ri tuoma rẹ ẹro rayen mrẹ ghọghọ na kufia-a, eyẹ ayen ji siobọ nu ema re Ijipt na-a. Etiyin mi de roro nẹ mi ku ophu mẹ ku ayen rere mi hirhe ivuemiovwo mẹ ku ayen vwẹ uherevie rẹ otọ rẹ Ijipt na.

Izikiẹl 20:4

Wọ sa vwẹ ayen gu ẹdjọ, ọmọ rẹ ohwo, wọ sa vwẹ ayen gu ẹdjọ? Gbe jẹ ayen riẹn ẹgua rẹ esẹ ride rayen,

Jerimaya 32:30

Kidie emọ rẹ Izrẹl vẹ emọ ri Juda rhe ji ru emuọvo-o jokpa rẹ umiovwo ọvo vwẹ obaro mẹ nẹ ọke emọ rhe, rẹ Izrẹl ji ru emu ọvo-o jokpa rẹ ophu mẹ rẹ ayen kpare ọvo, eriyin Orovwohwo tare.

Aizaya 58:6

Ọ dia oghẹre rẹ ewẹvwe ọtiọna Me jẹreyọ ra vwọ rhan ifi rẹ umwemwu, re vwo vwrẹn ifi rẹ urhekpe, re siobọ nẹ ohwo re shenyẹ kpo ọphẹ, rere e vwirhi kurhekpe kurhekpe?

Aizaya 50:1

Enẹ Ọrovwohwo tare Tivọ ọbe rẹ obo esiono re oni wẹn epha, ri mi vwo siobọ no? Eyẹ ọriesa na rhọ ọ ra she ẹẹ ke na? Nighere, fiki rẹ orukuruku wẹn a vwọ shẹ wẹ, ji vwi fiki rẹ ogbeku na e vwo siobọ nẹ oni wẹn.

Nehemaya 9:30

Ikpe buebu wo chiri ako rẹ ayen, wọ da wan oma re emraro na vwe Erhi wẹn ta ota kẹ ayen; dede na ayen davwerhọ-ọn. Fiki rẹ ọtiọye na wo de phi ayen phihọ obọ re ihwo rẹ otọ na.

2 Ikun rẹ Ivie 36:16

ẹkẹvuọvo kẹ ayen vwẹ ikọn rẹ Ọghẹnẹ na vwo jehwẹ, ayen mi ni ota rọye saka, ayen mi mienu phihọ emmro rọye, bẹsiẹ rẹ ophu rẹ Ọrovwohwo rhe vwọ tua kpahe ihwo rọye, bẹsiẹ ra gbe mrẹ obo re sa hẹrhẹ ophu rọye-e.

2 Ikun rẹ Ivie 28:10

Asakiephana wa rha jẹ iroro ru wa cha vwọ vwẹ ihwo ri Juda vi Jerusalẹm vwo ru eviẹn, te eshare te eya. Ovwan rha je rhoma ru umwemwu kpahe Ọrovwohwo Ọghẹnẹ wẹn?

1 Ivie 21:25

O vwo ohwo ọvuọvo rọ shẹ oma rọye kẹ umiovwo vwẹ obaro rẹ Ọrovwohwo Ehabu-u, rẹ aye rọye Jezibẹl mu vwo ruo.

Jerimaya 35:15

Mi ji idibo mẹ rẹ emraro na ejobi bru ovwan rhe, mi ji ayen ejojo, nẹ, Dohwo didjerhe umwemwu rọye rhẹriẹ ru, wa rhuẹrẹ eyere rẹ ovwan, vwo je edjọ efa ẹyan nene re we jẹn ayen egọ, re wa sa dia evun rẹ otọ re me kẹ ovwan vẹ esẹ rẹ ovwan na. Ẹkẹvuọvo wa vwẹ erhọn kpọtọ-ọ wa je kerhọn mẹ-ẹ.

Livitikọs 25:10

Ikpe ujuvẹ gbẹ ihwe na de te re ovwan mi mu ọghọ kẹ, we mi ghwoghwo obọesiono vwọ kẹ ihwo rẹ ikpe ujuvẹ gbe ihwe kẹ ovwan ri kohwo kohwo ejobi vwo rhivwi kpo ughwẹ rọye, ri kohwo kohwo ejobi de rhivwi kpo orua rọye.

Urhi Rivẹ 15:1

Vwẹ oba rẹ ẹgbukpe kẹgbukpe ighwrẹ ejobi we mi siobọ nẹ emu.

Urhi Rivẹ 15:9

We ni oma te rere we vwo jẹ iroro ofefe evwo vwẹ udu, vwọ ta nẹ, Ẹgbukpe rẹ ighwrẹ na si kẹre rẹ, ukpe rẹ vwo siobọnẹ na, wọ da rha vwẹ ẹro ọbrabra kpahe oniọvo wẹn rẹ ogbere na, ru we de jẹ kẹ ro de rhi kperi kẹ Ọrovwohwo kpahe owẹ, ọ Me rhe dia umwemwu kẹ wẹ.

Jerimaya 11:7

Kidie me da nabọ kpokpa kẹ esẹ rẹ ovwan re me vwọ reyọ ayen nẹ otọ rẹ Ijipt cha, kọke kọke rhi te nonẹ na, tanẹ, Nyo urhuru mẹ.