Jerimaya 33:26 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁶ kẹsiẹye me ke siẹn uvwie ri Jekọp vẹ Devid odibo mẹ mia rha sanọ ọvo vwẹ emọ rọye na nẹ ọ re uvie vwẹ enu rẹ uvwiẹ rẹ Ebraham, Aizik, vẹ Jekọp ofa-a. Kidie me cha vwẹ oyovwe rayen rhivwi rhe ki mi ji che ni arodọvwẹ rayen.

Jerimaya 33:26 Referans Kwoze

Jerimaya 31:37

Enẹ Ọrovwohwo na tare: A da sa vwanvwẹ idjuvwu rẹ enu na, ya je sa guọnọ uchivwo rẹ obotọ rẹ akpọ na phia, kẹsiẹye mi ki che ku uvwiẹ rẹ Izrẹl fia vwi fiki rẹ obo rẹ ayen ruru, eriyin Ọrovwohwo tare.

Aizaya 14:1

Ọrovwohwo ko ni ehrọre ri Jekọp kọ rhoma jẹn Izrẹl reyọ, kọ rhoma vwẹ ayen kpo otọ rẹ obọ rayen, erhorha ki kuomagbe ayen, kẹ ayen churu oma mu uwevwi ri Jekọp.

Hosia 2:23

ke me kọn phihọ otọ na kẹ oma mẹ ke me re ehrọre kẹ ro vwo ehrọre-e ke me ta kẹ ihwo re dia ihwo mẹ-ẹ, Ovwan ihwo mẹ, Kọ ta nẹ, Wẹ Ọghẹnẹ mẹ.

Hosia 1:7

Ẹkẹvuọvo me re ehrọre rẹ uwevwi ri Juda, ki mi sivwi ayen vwẹ oma rẹ Ọrovwohwọ rẹ Ọghẹnẹ rayen, Me vwẹ umurhabọ sivwi aye-en, eyẹrẹ ọlọkọ, eyẹrẹ ofovwi eyẹrẹ Iyesi, eyẹrẹ ihwo re gua iyesi.

Izikiẹl 39:25

Fiki rẹ ọtiọye na e nẹ Ọrovwohwo Ọghẹnẹ tarẹ: Asakiephana me cha rhoma reyọ ughwẹ ri Jekọp rhivwi rhe, re mi ni arodọvwẹ kẹ uwevwi rẹ Izrẹl ejobi, ke me rioma kpahọ fiki rẹ odẹ ọfuanfon mẹ.

Jerimaya 31:20

Ifrem ọmọ ọghaghare mẹ na? Ọmọ rọ je vwe o ruẹ? Kidie ọke kọke me da ta ota kpahọ ejobi ye me je karọ phihọ Eriyin na udu mẹ kọ viẹ kpahọ; omuẹro mi che ni aruẹdọ roye, eriyin Ọrovwohwo tare.

Aizaya 54:8

Vwẹ ophu mẹ rọ mwavwa hwẹ vwẹ ọmọke Mi de si opharo nu kẹ wẹ, ẹkẹvuọvo vwẹ ẹguọnọ ri bẹdẹ ke Me re ehrọre wẹ, eriyin Ọrovwohwo tare, Ọtan wẹn.

Ọbe ri Pọl si rhe Ihwo ri Rom 11:32

Kidie Ọghẹnẹ phoro ijẹọghọ evwo rẹ ovwan ejobi kufia, rere ọ vwọ mrasan reyọ ovwan ejobi.

Jẹnẹsis 49:10

Ọkpọ na rhe se ni Juda-a, eye ọkpọ rẹ osun na rhe se nẹ agada rọyee, bẹsiẹ ro che vwo te obọ rẹ ohwo ro viri, kọye ihwo na ejobi che mu ọghọ ke.

Zekaraya 10:6

Me cha kẹ uwevwi ri Juda ogangan, mi ji che sivwi uwevwi ri Josẹf. Me cha ghwẹ ayen hirhe rhe fikiridie mi ni aruẹdọn rayen, ayen ke cha dia kerẹsiẹ rẹ a mrẹ nẹ Me je sen ayen dẹvo-o; kidie mẹvwẹ hẹ Ọrovwohwo Ọghẹnẹ rayen mi che nyo kẹ ayen.

Ezra 2:70

Irherẹn na, ihwo ri Livae, kugbe evo vwẹ isun rẹ ihwo na da dia Jerusalẹm vẹ irere re riarie rẹ. Ibuine na, erhẹrẹchẹ na, idibo rẹ uwevwi rẹ ẹga na kugbe Izrẹl ejobi da ra dia irere rayen.

Ezra 2:1

Asakiephana enana keye ihwo rẹ ubrakpọ rẹ Juda ri nẹ ighuvwu rhe vwẹ usun rẹ ihwo re muru ri Nebukadneza ovie ri Babilọn mu kpo Babilọn, ayen da rhoma rhivwi kpo Jerusalẹm vi Juda, dohwo dorere rọye.

Jerimaya 3:12

Ra, re ghwoghwo eta nana vwẹ obọhwẹre rẹ ọnre, wọ tanẹ, Rhivwi Izrẹl rẹ igberadja na, eriyin Ọrovwohwo tare. Mi gbi vwẹ ophu ni we-e, kidie me vọnre vẹ aruẹdọ, eriyin Ọrovwohwo tare.

Jerimaya 33:24

Wọ nabo ni obo rẹ ihwo nana ta na mu, Ọrovwohwo siẹn erua ivẹ rọ sanọre na? Ọtiọna ayen jẹn ihwo mẹ fia rere ayen vwo jẹn ẹgborho ẹdia vwẹ obaro rayen ọfa.

Une rẹ Ejiro 126:1

Ọke rẹ Ọrovwohwo na vwọ rhan ughwẹ ri Zayọn rhivwi avwanre da họhọ otu re vwerhe evwerhẹ.

Jerimaya 31:35

Enẹ Ọrovwohwo na tare, ọ rọ ma ọnre ra vwọ mrorẹ vwẹ uvo, ọ da gbẹn idjerhe kẹ emeranvwe vẹ isiọ re dia urhukpẹ kẹ ason. Ọ rọ kpare ame rẹ urhie rọ da sẹghẹ; Ọrovwohwo rẹ otuofovwi ọye hẹ odẹ rọye.