Jerimaya 33:22 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²² Kirobo re se keri otuofovwi rẹ obo odjuvwu na-a ra je sa vwavwẹ ubu rẹ abadi na-a na, ọtiọye mi che ru uvwiẹ ri Devid odibo mẹ buẹ phihọ, kugbe irherẹn ri Livae ri gbe odibo kẹ vwẹ na.

Jerimaya 33:22 Referans Kwoze

Jẹnẹsis 22:17

Ki mi bruphihọ kẹ wẹ, ki mi ru uvwiẹ wẹn buphihọ kiri isio rẹ obo odjuvwu kiri ibiekpẹn re orhoma rẹ urhie. Uvwiẹ wẹn ke cha vwẹ anurhoro rẹ ivwighrẹ rayen riuku,

Hibru 11:12

Vwẹ oma rẹ ohwo ọvo na, ro ji ghwẹ na, kọye a wan vwiẹ uvwiẹ ro buru kerẹ isio rẹ obenu na, kerẹ ehavwo rẹ oma rẹ abadi re je se kere.

Jẹnẹsis 15:5

Ọ da reyọ rhe otafe ọ da ta, Gbe ni enu na, ru wo keri isio na, su wo se kere ayen. Etiyin ọ da ta kẹ, Ọtiọye uvwiẹ wẹn cha dia.

Jerimaya 31:37

Enẹ Ọrovwohwo na tare: A da sa vwanvwẹ idjuvwu rẹ enu na, ya je sa guọnọ uchivwo rẹ obotọ rẹ akpọ na phia, kẹsiẹye mi ki che ku uvwiẹ rẹ Izrẹl fia vwi fiki rẹ obo rẹ ayen ruru, eriyin Ọrovwohwo tare.

Aizaya 66:21

Evo vwẹ ayen Me reyọ vwo ru irherẹn kugbe Livae, eriyin Ọrovwohwo tare.

Zekaraya 12:8

Vwẹ ẹdẹ yena Ọrovwohwo kọ cha vwẹ ekpọfia kẹ ihwo ri Jerusalẹm rere ihwo re ma vwiẹrẹ vwẹ ohri rayen vwọ họhọ Devid, re uwevwi ri Devid vwọ họhọ Ọghẹnẹ, kere amakashe rẹ Ọrovwohwo vwẹ uyovwi rayen.

Hosia 1:10

Ihwo rẹ Izrẹl cha dia kerẹ ehavwo rẹ urhie ra sa vwavwe-e eyẹ e se keri-i, vwẹ asan rẹ a da ta kẹ ayen nẹ, Ovwan dia ihwo mẹ-ẹ, ka je ta kẹ ayen nẹ, Ovwan emọ rẹ Ọghẹnẹ ri bẹdẹ na.

Izikiẹl 44:15

Ẹkẹvuọvo irherẹn rẹ ihwo ri Livae na, emọ ri Zadọk, re sẹro rẹ ẹshẹ mẹ na vwẹ ọke rẹ emọ rẹ Izrẹl vwo suosuo nẹ uvwe oma, ki che si kẹrẹ ovwẹ ri gbe odibo kẹ vwẹ, kẹ ayen che si kẹrẹ ovwẹ ri ze izobo rẹ ivwri kugbe ọbara kẹ vwẹ, eriyin Ọrovwohwo Ọghẹnẹ tare.

Une rẹ Ejiro 89:29

Me vwẹ uvwiẹ rọye muotọ bẹdẹ ekete rọye kerẹ ẹdẹ rẹ obo odjuvwu na.

Une rẹ Ejiro 22:30

Uvwiẹ rọ cha vwẹ obuko cha ga; ihwo ki che gbe ikun rẹ Ọrovwohwo kẹ uvwiẹ rọ cha na,

Jẹnẹsis 28:14

uvwiẹ wẹn ko che bu kiri ibiekpẹn rẹ otọ na, ku wọ hrabọ kpo obọrhe vẹ obọhwẹre kpo obaro vẹ obuko; oma wẹn vẹ oma rẹ uvwiẹ wẹn ọye uvwiẹ rẹ akpọ na ejobi de vwo ebruphihọ kẹ oma rayen.

Jẹnẹsis 13:16

Mi ru uvwiẹ wẹn bu kiri ibiekpẹn rẹ otọ na, kọye ohwo de se kere ibiekpẹn rẹ otọ na, ko ji se kere uvwiẹ wẹn.

Aizaya 48:19

uvwiẹ wẹn ka dia kerẹ ibiekpẹn rẹ otọ orua wẹn kọ họhọ ibieka rọye, a gbe sa nyavwe odẹ rayen kufia-a eyẹ vwọ ghwọrọ ayen nẹ obaro mẹ-ẹ.

Jerimaya 30:19

Evun rayen ine rẹ ẹkpẹvwẹ nurhe, vẹ urhuru rẹ otu re ghọghọ. Mi che ru ayen buẹ phihọ, ayen gbe cha havwe-e, ki mi ru ayen vwo ọghọ, ayen cha dia ihwo itete-e.

Jerimaya 33:18

Irherẹn ri Livae re torhẹ izobo rẹ ẹtorhẹ, re torhẹ izobo rẹ oka, kugbe i ri ze izobo, gbe sa kare vwẹ obaro mẹ bẹdẹ-ẹ.

Jerimaya 33:23

Ota rẹ Ọrovwohwo de bru Jerimaya rhe.

Izikiẹl 37:10

Ọtiọye me da mraro kirobo re ji vwe na, ẹnwẹn da ro ayen oma, ayen da rhọ, ayen de vrẹn mudia, urogho rode gangan.

Zekaraya 2:4

ọ da ta kẹ, Djẹ, ra vuẹ emeghene yena, A cha dia Jerusalẹm kerẹ ẹko ri jẹ igbẹhẹ evwo, fiki rẹ otu rẹ ihwo vẹ uchuru re herọ.

Zekaraya 10:8

Me riẹn obọ kẹ ayen mi de koko ayen hẹ uwevwi, kidie Me tan ayen hirhe nure, ayen ki bu kirobo rẹ ayen buru jovwo.