Jerimaya 33:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Kidie enẹ Ọrovwohwo tare ohwo ro tidia ekete rẹ uwevwi rẹ Izrẹl gbe kare Devid bẹdẹ-ẹ.

Jerimaya 33:17 Referans Kwoze

1 Ivie 2:4

rere Ọrovwohwo vwo ru ota rọye rọ ta kpahe ovwẹ gba, tanẹ, emọ wẹn da jomaotọ vwẹ idjerhe rayen, re ayen da yan nene uvwe vwẹ uyota vwẹ udu rayen ejobi kugbe ẹwẹn rayen ejobi, ohwo gbe sa kanre owẹ-ẹ ro tidia vwẹ ekete rẹ Izrẹl.

Aizaya 9:7

Obuebu rẹ isuesun rọye vẹ ufuoma rọye se vwo oba-a vwe enu rẹ ekete ri Devid, kugbe enu rẹ uvie rọye, rọ tọn phihọ, rọ yọnrọn vwẹ ọsoso vẹ ọvwata ne ọke nana yanran rhiri bẹdẹ. Oruru rẹ Ọrovwohwo rẹ otuofovwi na yi ri ru ọna.

1 Ivie 8:25

Asakiephana, E Ọrovwohwo, Ọghẹnẹ rẹ Izrẹl, gba yọnrọn ive ru wo ve kẹ odibo wẹn Devid ọsẹ mẹ obo ru wo ve kẹ, tanẹ, nẹ ohwo cha kanre owẹ rọ tidia vwẹ enu rẹ ekete rẹ Izrẹl na-a, rọ da dianẹ emọ wẹn kẹnẹ oma kẹ idjerhe rayen, vwọ yan nene uvwe kirobo wọ yan nene uvwe na.

Jerimaya 35:19

ọtiọye na enẹ Ọrovwohwo rẹ otuofovwi, Ọghẹnẹ rẹ Izrẹl na tare: Ohwo ro mudia vwẹ obaro me gbe sa kare Jonadab rẹ ọmọ ri Rekah bẹdẹ-ẹ.

1 Ikun rẹ Ivie 17:27

Asakiephana gbe je o je we re wo bruphihọ kẹ uwevwi rẹ odibo wẹn, rere ọ dia obaro wẹn bẹdẹ; wẹ, E Ọrovwohwo, obo wo bruba kẹ ọye e bruphihọ kẹ bẹdẹ.

2 Samuẹl 3:29

Jọ dia uyovwi ri Joab vẹ evwruwevwi rẹ ọsẹ rọye, e jẹn ozighẹ karo uwevwi ri Joabu-u, eyẹ ọhonvwoti, ohwo rọ ghworo rọ vwẹ ọkpọ yan, yẹrẹ ohwo ra vwẹ ọlọkọ hwe, eyẹ ogbere kare uwevwi ri Joabu-u.

Jerimaya 17:25

Kẹsiẹye ivie ke sa wan anurhoro nana ro orere na, re tidia enu rẹ ekete ri Devid, re gua akpẹrẹ kugbe iyesi, ayen kugbe isun rayen, ihwo ri Juda kugbe ihwo re dia Jerusalẹm; kẹ ihwo dia orere nana bẹdẹ

2 Samuẹl 7:12

Ọke rẹ ẹdẹ wẹn da ghare, re de shi we kugbe esẹ wẹn ke Me kpare ọmọ wẹn ro nẹ orhẹn wẹn rhe kpenu, ke Me vwẹ uvie rọye vwo mu.

2 Samuẹl 7:13

Kọ bọn uwevwi phihọ vwẹ odẹ mẹ ke Me vwẹ uvie rọye muotọ bẹdẹ.

Ivie rẹ Ivẹ 11:2

Ẹkẹvuọvo Jehosheba, ọmọtẹ rẹ ovie Joram, oniọvo rẹ ọmọtẹ rẹ Ahazaya, da reyọ Joash ọmọ rẹ Ahazaya, o de cho nẹ ohri rẹ emọ rẹ ovie na re hwe na, o de sionu vẹ ohwo rọ vwẹ ẹro te vwẹ otọ rẹ ehwa vwẹ evu uvun. Eriyin na Atalaya gbi se hwe-e.

Une rẹ Ejiro 132:12

Ọ dianẹ emọ wẹn yọnrọn ọphọ mẹ kugbe iseri mẹ ri mi che yono ayen, emọ rayen ki tidia bẹdẹ vwẹ ekete wẹn.