Jerimaya 33:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Vwẹ irere rẹ obenu rẹ ugbenu na, vwẹ irere ri Shefela na, vẹ evun rẹ irere ri Nẹgẹb na, vwẹ otọ ri Benjamin na, vwẹ asan rẹ yariẹ Jerusalẹm, kugbe evun rẹ irere ri Juda, igegede je cha rhoma yan nẹ obọ rẹ ohwo ro kere ayen, eriyin Ọrovwohwo tare.

Jerimaya 33:13 Referans Kwoze

Livitikọs 27:32

Arhọghọ rẹ eranvwe ke rha ọna, owene ọ dia erhuẹn eyẹ ẹvwe vẹ igodẹ, eranvwe ọvuọvo vwẹ usun rẹ eranvwe ihwe re osuigegede suẹn, kọ dia ọfuanfon kẹ Ọrovwohwo na.

Iyẹnrẹ Esiri ri Luk 15:4

Didi ohwo vwẹ usun rẹ ovwan, ro vwo igodẹ ujori, ọ da dianẹ ọvo vwẹ usun rẹ ayen ghwruru, ọ gbe yan jẹ ọvo nuro vwẹ ujori na vwo vwẹ evun rẹ aghwa, ra guọnọ ọvo ro ghwruru na, bẹsiẹ rọ vwọ mrẹ?

Jerimaya 17:26

Ihwo che nẹ irere ri Juda vẹ asan re yariẹ Jerusalẹm phihọ, nẹ otọ ri Bẹnjamin, nẹ Shefela, nẹ orere rẹ ugbenu, ji nẹ Nẹgẹb rhe, re ghwa izobo rẹ ẹtorhẹ kugbe izobo cha, izobo rẹ ọka kugbe adjija, ke vwẹ ẹkpẹvwẹ rhe uwevwi rẹ Ọrovwohwo na.

Jerimaya 31:12

Ayen cha rhe rhe so une gangan vwẹ ugbenu ri Zayọn, kẹ ayen ghọghọ vwẹ erhuvwu rẹ Ọrovwohwo; vwẹ enu rẹ eka, tẹ wain tẹ evwri, ji te enu rẹ emọ rẹ igegede vẹ uchuru, eyere rayen cha họhọ ogba re ku ame ku, oma gbe rhọ ayen ọfa-a.

Jerimaya 32:15

Kidie enẹ Ọrovwohwo rẹ otuofovwi, Ọghẹne rẹ Izrẹl tare Iwevwi vẹ idju kugbe ogba ri vain a je cha rhoma de ayen vwẹ otọ nana.

Jerimaya 32:44

A cha vwẹ igho de idju vwọ vwobọ ọbe rẹ eshashẹ ka ghwẹ obọ phihọ ji se oseri kpahọ vwẹ otọ ri Benjamin, vwẹ asan re yariẹ Jerusalẹm phihọ kugbe irere ri Juda, vwẹ irere rẹ obọ igbenu na, vwẹ irere re obi Shefela, kugbe evun rẹ irere rẹ obi Nẹgẹb na; kidie me cha vwẹ oyovwe rayen rhivwi rhe ayen, eriyin Ọrovwohwo tare.

Izikiẹl 20:37

Mi che ru ovwan vwọ wan obotọ rẹ ọkpọ na, uchunu rẹ ovwan ejobi ki fio wan.

Ọbe rẹ Ọmraro Ọbadaya Obadaya 1:20

Otu re mu kpo Halah re dia ihwo rẹ Izrẹl keye ri che vwo Fonisha rhiri re te Zerafat; ihwo ri Jerusalẹm re muru re obẹ Sefarad ki che vwo irere re obẹ Negẹb.