Jerimaya 31:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Me je rhọma bọn wẹ, ka je bọn wẹ, E ọmọtobẹ Izrẹl! Wọ cha rhoma vwẹ eshẹghẹshẹghẹ rhuẹrẹ oma wẹn, wọ cha ro ehegbe rẹ otu re ghọghọ.

Jerimaya 31:4 Referans Kwoze

Jerimaya 33:7

Me cha vwẹ oyovwe ri Juda vẹ oyovwe rẹ Izrẹl rhivwi rhe ayen, ke me rhoma bọn ayen kirobo rẹ ayen epha vwẹ ẹsosuọ.

Jerimaya 31:13

Kẹsiẹye emete na ke cha ghọghọ vwẹ ehegbe, oma je cha vwerhe imighene re eshare vẹ ekpako na. Me rhẹriẹ uvweri rayen phihọ aghọghọ, me sasa ayen oma, ukpe rẹ uvweri ke me kẹ ayen omavwerhovwẹ.

Emọs 5:2

O sheri, o rhe vwo evrẹn ọfa-a, we ọmọtobẹ rẹ Izrẹl, a serọ vwẹ otọ obọ rọye, o gbi vwo ohwo rọ kparọ vrẹ-ẹn

Iruo rẹ Iyinkọn na 15:16

Ọnana da wan nu ki mi rhivwi rhe, rhe rhoma bọn ẹdia ri Devid, ro sheri; ke me rhoma bọn ẹdia ro sheri na

Une rẹ Ejiro 149:3

Jẹn ayen vwẹ eha jiri odẹ rọye, so ine vwevwerhe kẹ vẹ ukiri kugbe isorogun!

Iyẹnrẹ Esiri ri Luk 15:23

we mu upene rẹ erhuẹn na rhe re hwe, re jẹn avwanre ra ghọghọ;

Uvwerhe 2:13

Kidie me sa ta kẹ wẹ, eyẹ kidie mi vwo dje we, E ọmọtẹ ri Jerusalẹm? Didi emu mi vwo dje we rere mi se vwo bru uwe uche, E ọmọtobẹ ri Zayọn? kidie ẹghwọrọ wẹn hẹre kere abadi; kono se sivwi uwe?

Ivie rẹ Ivẹ 19:21

Ọnana ota rẹ Ọrovwohwo ta kpahọ. Ọ phọphọ owẹ, ọ vwẹ owẹ jehwẹ– ọmọtobẹ ri Zayọn, o kpogho uyovwi rọye vwẹ obuko wẹn ọmọtẹ ri Jerusalẹm.

Uvwerhe 1:15

Ọrovwohwo da phọphọ egba re hẹ uherevie mẹ. O de se otu vwọ so ovwẹ rọ guọghọ imighene mẹ; Ọrovwohwo chihi emetobẹ ri Juda kerẹsiẹ re de chihi vain.

Jerimaya 31:21

Ka eka phihọ idjerhe kẹ oma wẹn, ru obo ri sun we kẹ oma wẹn; nabọ roro idjerhe rode na, idjerhe wọ wan yaran na. Rhivwi, E ọmọtobẹ rẹ Izrẹl, rhivwi rhe irere wẹn nana.

Jerimaya 18:13

Vwẹ ọtiọye na enẹ Ọrovwohwo tare: Nọ vwẹ uherevie rẹ irere na, ono nyo oghẹre nana dẹvure? Ọmọtobẹ rẹ Izrẹl ru emu ọbrabra.

Jerimaya 1:10

Nighe, nonẹ na me vwẹ owẹ mu vwẹ enu rẹ ẹgborho kugbe enu rẹ ivie, wọ vwọ kọnre wọ je guọghọ te otọ, wọ vwọ ghwọrọ wo vwo phi kua, wọ vwọ bọn wọ je vwọ kọn.

Une rẹ Ejiro 69:35

Kidie Ọghẹnẹ se sivwi Zayọn ọ me rhoma bọn irere ri Juda; idibo rọye ke dia etiyin kẹ ayen vwo,

Une rẹ Ejiro 51:18

Ru uyoyovwi ki Zayọn vẹ omavwerhe, rhoma bọn igbẹhẹ ri Jerusalẹm.

Iguẹdjọ 11:34

Ọke ri Jẹfta vwo rhivwi rhe uwevwi rọye vwẹ obi Mizpa; nighe, ọmọtẹ rọye da rhe vwa vẹ eha vẹ ihwehworo; ọmọtẹ na ọvo ọye ọmọ ro vwiẹri; o vwo ọmọshare ọfa-a eyẹ ọmọtẹ ọfa-a

Emọs 9:11

Vwẹ ẹdẹ yena ke Me cha kpare utughẹ ri Devid ro sheri vrẹn ke fi iphrophro rọye di, ka rhuẹrẹ uwevwi ro sheri na bọn, ka rhoma bọn kerẹ ọke rẹ awanre;

Jerimaya 14:17

Ku wọ ta ota nana kẹ ayen, Jẹn ẹro mẹ djẹ ame ason vẹ uvo, wo jẹ ayen ka-a, kidie e bru ora rode na phihọ ọmọtobẹ rẹ ihwo mẹ, a teye rọ miomiovwi.

Aizaya 37:22

ọnana hẹ ota rẹ Ọrovwohwo ta kpahọ: Ọ jẹ wẹ fia, ọ vwẹ owẹ jehwẹ– ọmọtobẹ ri Zayọn, ọ ro kpogho uyovwi vwẹ obuko wẹ– ọmọtẹ ri Jerusalẹm.

Une rẹ Ejiro 30:11

We re rhẹriẹ omaemuohọ mẹ phihọ eha egbe, wo rhan amwa re uvweri mẹ nu wọ da vwe aghọghọ vwo rhuo vwe,

Aizaya 30:32

Kohọ kọhọ rẹ Ọrovwohwo da vwẹ ọkpọ rọye na ghwie ayen, kọ cha dia kere edo rẹ igogo kugbe isorogun, obọ rọye rọ nyavwaro kpenu kpene kọye o vwo nene ayen phi ofovwi

Jerimaya 24:6

Me vwẹ ẹro mẹ ni ayen fiki rẹ erhuvwu, me cha reyọ ayen rhe otọ nana, mi che mu ayen vi, me gbe ghwọrọ aye-en, me kọn ayen, mi gbi che ghwie aye-en.

Jerimaya 31:38

Nighe, ẹdẹ cha, eriyin Ọrovwohwo na tare, ra cha vwọ rhuẹrẹ orho na bọn kẹ Ọrovwohwo nẹ uwevwi rẹ ohẹrhẹ ri Hananẹl re te Unurhoro rẹ Akakọ na.

Jerimaya 46:11

Yanran kpo obi Giliad, wọ reyọ adjija, E ọmọtobẹ rẹ Ijipt na! Wọ reyọ ihuvwu ibuebu wẹn na kufia; esivwo herọ kẹ wẹ-ẹ.

Aizaya 14:1

Ọrovwohwo ko ni ehrọre ri Jekọp kọ rhoma jẹn Izrẹl reyọ, kọ rhoma vwẹ ayen kpo otọ rẹ obọ rayen, erhorha ki kuomagbe ayen, kẹ ayen churu oma mu uwevwi ri Jekọp.