Jerimaya 31:21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²¹ Ka eka phihọ idjerhe kẹ oma wẹn, ru obo ri sun we kẹ oma wẹn; nabọ roro idjerhe rode na, idjerhe wọ wan yaran na. Rhivwi, E ọmọtobẹ rẹ Izrẹl, rhivwi rhe irere wẹn nana.

Jerimaya 31:21 Referans Kwoze

Jerimaya 50:5

Ayen cha nọ ekpẹn rẹ idjerhe ra wan kpo Zayọn, vẹ opharo re hirhe kuo tanẹ, Wa mọ re kuoma gbe Ọrovwohwo vwẹ ọphọ ẹriọ ri bẹdẹ ro je ẹro ẹchọrọ bẹdẹ.

Aizaya 62:10

Wan anurhoro na, wan inurhoro na, rhuẹrẹ idjerhe na phihọ kẹ ihwo na; gbẹn gbẹn idjerhe rode na phihọ, tọrọ ibieragha nọ, kpare oka ke ihwo na mrẹ.

Aizaya 48:20

Yanran nẹ Babilọn, dje nẹ Kaldia, dje ọna phia vẹ aghọghọ, ghwoghwo, jọ yanran kpo oba re akpọ na; tanẹ, Ọrovwohwo na tan odibo rọye Jekọp nure!

Hegae 1:5

Asakiephana kenẹ Ọrovwohwo rẹ otuofovwi na tare: Gbe roro obo ri wo yeri te.

Izikiẹl 40:4

Ohwo na da ta kẹ vwẹ, Ọmọ rẹ ohwo, vwẹ ẹro wẹn ni, ru wọ vwẹ erhọn wẹn nyo, ru wọ vwẹ iroro kpahe obo ri mi che dje kẹ wẹ na, kidie a reyọ owẹ rhe etinẹ rere mi vwo dje kẹ wẹ, ghwoghwo obo re wọ mrẹre ejobi kẹ uwevwi rẹ Izrẹl.

Jerimaya 51:50

Wẹ rọ djẹ vabo rẹ ọlọkọ na, yanran wo muẹdia fọ-ọ Karohọ Ọrovwohwo vwẹ ogboko, jẹn iroro ri Jerusalẹm ro wẹ evun.

Jerimaya 31:4

Me je rhọma bọn wẹ, ka je bọn wẹ, E ọmọtobẹ Izrẹl! Wọ cha rhoma vwẹ eshẹghẹshẹghẹ rhuẹrẹ oma wẹn, wọ cha ro ehegbe rẹ otu re ghọghọ.

Jerimaya 3:14

Kurhẹriẹ ovwan emọ rẹ igberadja na, eriyin Ọrovwohwo tare, kidie mẹvwẹ onini wẹn, me cha reyọ ovwan ọvuọvo nẹ orere, kugbe ivivẹ nẹ orua, ke me reyọ ovwan rhe Zayọn.

Aizaya 57:14

Ka cha ta vwọ kpahọ nẹ, Bọn phihọ, bọn phihọ, rhuẹrẹ idjerhe na, si uchukurhe umwemwu rẹ idjerhe rẹ ihwo Mẹ no

Une rẹ Ejiro 84:5

Ebruphihọ kẹ ihwo rẹ ogangan rẹ ayen he evun wẹn, rẹ idjerhe rode he evun rayen kpo Zayọn.

Zekaraya 10:9

Owenẹ Me hra ayen phihọ ohri rẹ ẹgborho na, yẹn ayen cha karohọ ovwẹ vwẹ orho shesheri na, ayen vẹ emọ gba dia ji rhivwi rhe.

Jerimaya 51:6

Djẹ nẹ uherevie ri Babilọn, jẹn dohwo darhọ rọye sivwi! Wo je bru uwe kufia vwẹ ehwe rọye na-a, kidie ọnana ọke rẹ ihriẹriọ rẹ Ọrovwohwo, osa rọ hwa kẹ.

Isẹ 24:32

Me vwọ mrẹ ona re mi de roro, mi vwo no me da mrẹ uyono reyọ.

Une rẹ Ejiro 62:10

Wọ vwẹ ẹro so ọghwanre-e, wo phiẹrohọ uji echo-o; efe de buẹ, wọ vwẹ udu wẹn kpahe aye-en.

2 Ikun rẹ Ivie 20:3

Etiyin oshọ de mu Jehoshafat, ọ da ghwa fọkotọ rẹ duotọ rọye vwẹ obọ rẹ Ọrovwohwo, ọ de ghwoghwo nẹ Juda ejobi chiri owẹvwe.

2 Ikun rẹ Ivie 11:16

Ihwo re vwẹ udu rayen kpahọ re guọnọ Ọrovwohwo Ọghẹnẹ rẹ Izrẹl de nene ayen nẹ orua rẹ Izrẹl ejobi rhe Jerusalẹm rhe ze izobo kẹ Ọrovwohwo, Ọghẹnẹ rẹ esẹ rayen.

1 Ikun rẹ Ivie 29:3

Enana ejobi re me rhuẹrẹ phihọ otọ vwọ kẹ uwevwi ọfuanfon na, mi ji vwo efe rẹ obọ mẹ rẹ oro vẹ idọnọ re me ghwẹ koko fiki rẹ iroro ri mi vwo kẹ Ọghẹnẹ mẹ, me je vwẹ ayen vwọ kẹ uwevwi rẹ Ọghẹnẹ mẹ na.

Urhi Rivẹ 32:46

ọ da ta kẹ ayen nẹ, Ovwan Me karohọ eta ejobi ri mi ji urhi kẹ ovwan nonẹ na, rere we ji ayen kẹ emọ rẹ ovwan, rere ayen vwo ru dẹndẹn vwọ yọnrọn eta rẹ urhi nana.

Jerimaya 6:16

Enẹ Ọrovwohwo na tare, Mudia vwẹ oma rẹ idjerhe, wo ni, wọ nọ ekpen re idjerhe rẹ awanre na asan rẹ omamọ rẹ idjerhe epha, ru wa yan phihọ, re wọ mrẹ urovwoma vwọ kẹ ẹnwẹn rẹ ovwan Ẹkevuọvo ayen da ta nẹ, Avwanre cha yan phihọ-ọ.

Jerimaya 46:11

Yanran kpo obi Giliad, wọ reyọ adjija, E ọmọtobẹ rẹ Ijipt na! Wọ reyọ ihuvwu ibuebu wẹn na kufia; esivwo herọ kẹ wẹ-ẹ.

Jerimaya 3:12

Ra, re ghwoghwo eta nana vwẹ obọhwẹre rẹ ọnre, wọ tanẹ, Rhivwi Izrẹl rẹ igberadja na, eriyin Ọrovwohwo tare. Mi gbi vwẹ ophu ni we-e, kidie me vọnre vẹ aruẹdọ, eriyin Ọrovwohwo tare.