Jerimaya 30:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Enẹ Ọrovwohwo tare: Avwanre nyo edo rẹ ogidi rode na, rẹ imuoshọ, ufuoma herọ-ọ.

Jerimaya 30:5 Referans Kwoze

Emọs 8:10

Ki mi che hirhe orẹ wẹn phihọ omaemuohọ, ine ẹsuọ wẹn ejobi phihọ omaevwerhe ke Me vwẹ emwa rẹ uvweri rhuo ayen ejobi, uyovwi rẹ ohwo kohwo ko gbe akpan; kọ họhọ ohwo ro muomaphihọ fiki ọmọ ọvuọvo ro vwiẹri oba rọye kẹ ẹdẹ rọ yara korokoro.

Aizaya 5:30

Ayen guan vwi fiki rọye vwẹ ẹdẹ yena, kerẹ urhie ro do. Ohwo da kparo ni otọ na, nighere, ebri kugbe ivuemiovwo, orẹmrẹ na ko che mu ebri vwi fiki rẹ ikoro na.

Jerimaya 46:5

Die jabọ me vwọ mrẹ? ofu dje ayen ayen de rhivwi kpuko. E hwe egbofovwi rayen totọ, ayen da djẹ okpokpakpa, ayen gbi ni uko-o. Oshọ vwẹ asan ejobi: eriyin Ọrovwohwo na tare.

Jerimaya 25:36

Kerhọn rẹ ekpere rẹ isuigegede na, vẹ oviẹ rẹ ilori rẹ igegede na! Kidie Ọrovwohwo che miovwẹ odi rẹ igegede na kufia,

Jerimaya 9:19

Kidie enyo edo rẹ oviẹ vwi Zayọn: Mavọ a ghwọrọ avwanre te! Oma vọ avwanre tototo, fikiridie ma yan je otọ na vwọ, kidie ayen guọghọ ẹdia rẹ avwanre te otọ.

Jerimaya 8:19

Kerhọn, rẹ ovie rẹ ọmọtẹ re ihwo mẹ nẹ ugrogro te ohẹhẹre rẹ otọ na, Ọrovwohwo hẹ zayọn vwẹ etiyin na? Ovie rọye tobọ herọ? Die ayen vwọ vwẹ ema rayen vwọ kparẹ ovwẹ ophu? kugbe edjọ erhorha rayen?

Aizaya 59:11

Avwanre di muẹ guan kere ikorhi, avwanre di brenu, brenu kerẹ inekuku, avwanre rhẹro rẹ ọsoso, ẹkẹvuọvo kaka a mrẹre-e, rẹ esivwo, ẹkẹvuọvo ọ vẹ avwanre pha shesheri.

Jerimaya 8:16

Ọ dia Dan e de nyo inwe ẹ fiọn rẹ iyesi rayen; kugbe ẹguangon rẹ azanọ rẹ rayen, otọ na soso de kpogho. Ayen rhere ayen da ghwọrọ otọ na kugbe obọ re vọnrọn, ọrere na ve ọtu re dia ejobi.

Jerimaya 12:12

Vwẹ enu rẹ igbenu phrephrephre na ejobi etiyin ọghwọrọ na nẹ cha; kidie ọlọkọ rẹ Ọrovwohwo guọghọ nẹ oba rẹ akpọ ọvo re te oba rivẹ, ohwo ọvuọvo ro vwo ufuoma hẹrọ-ọ.

Jerimaya 30:4

Ena eta rẹ Ọrovwohwo ta kpahe Izrẹl vi Juda:

Jerimaya 6:22

Enẹ Ọrovwohwo na tare: Nighe, ihwo evo nẹ obọhwẹre ọnre cha ẹgborho rode na ri tue nẹ ogboko, oba rẹ akpo na cha.

Jerimaya 6:26

Vwẹ esiso rhuo, E ọmọtẹ rẹ ihwo mẹ, wo gbule vwẹ iwurhie; muomahọ kerẹ ohwo ro vwerhe ọmọ ọvuọvo rọyen, omamọ rẹ oviẹ ro muenu korokoro kidie kpregede na ọye oghwọrọ na che vwo bru avwanre rhe.

Habakọk 1:6

Kidie nighere, me kpare ihwo ri Kaldia cha, ẹgborho gudugudu ro muenu, ri nẹ udje wan asan rẹ otọ na hẹri te ejobi, ri gborho ẹdia rẹ ihwo efa.

Habakọk 1:10

Ayen mienu phihọ ivie, ayen ke vwẹ otu rẹ isun na jehwẹ, ayen ke vwẹ ogba ogangan rẹ ayen gbare jehwẹ, kidie ayen mu ekpẹn nyẹ ayen da ruọ.