Jerimaya 30:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Kidie me cha vwẹ omakpokpọ rhivwi rhe ovwan, mi ji sivwi era rẹ ovwan, eriyin Ọrovwohwo tare, fikiridie ayen se ovwan erasere, ọye Zayọn rẹ ohwo ọvuọvo vwẹ ẹro te-e!

Jerimaya 30:17 Referans Kwoze

Une rẹ Ejiro 107:20

o de ji ota rọye phia, o de sivwi ayen, o de sivwi ayen nẹ ẹghwọrọ.

Jerimaya 33:6

Nighe, me cha vwẹ omakpokpọ vẹ esivwo rhe ki mi sivwi ayen ke me vwẹ oyovwe buebu vẹ ofuvwegbe mẹ phia kẹ ayen.

1 Pita 2:24

Omaobọ rọye ọ vwọ ghwa oghwa rẹ imwemwu rẹ avwanre vwẹ enu rẹ agbagba, rere avwanre vwo ghwu kẹ umwemwu re a mrasan rhọ kẹ ọvwata. Oma ra wanrọ na ọye e vwo sivwi ovwan.

Une rẹ Ejiro 103:3

ọ rọ vwẹ orukuruku wẹn vwo ghovwo uwe, ọ ro sivwi ọga wẹn ejobi,

Ẹyano 15:26

tanẹ, Wọ da vwẹ oma kpotọ nyo ota rẹ Ọrovwohwo Ọghẹnẹ wẹn, wo de ru obo ri shephihọ vwẹ ẹro rọye, wọ da kerhọ rẹ iji rọye wọ da yọnrọn ayen, emiavwe ri mi vwo mu ihwo rẹ Ijipt na gbi che mu we-e, kidie Mẹvwẹ Ọrovwohwo, osivwi wẹn.

Une rẹ Ejiro 23:3

Ọ dẹ erhi mẹ hirhe. O sun vwe wan idjerhe rẹ ọvwata fiki rẹ odẹ rọye.

Hosia 6:1

Amọ, re rhivwi bru Ọrovwohwo kidie ọ bẹrẹ avwanre nure ko sivwi avwanre; O bru ora phihọ avwanre rere ọ rha gban.

Malakae 4:2

Ẹkẹvuọvo vwọ kẹ ovwan re djẹ oshọ mẹ na uvo rẹ ọvwata cha bẹrẹ mu ayen, ọ vẹ esivwo vwẹ ibekpe rọye. Ku we che pho kerẹ upene rẹ erhuẹn ro nẹ urhuẹn rọye cha.

Izikiẹl 34:16

Ke me guọnọ i ri ghwruru, i ri suosuo ghwru ke me vwẹ ayen rhivwi rhe, e rẹ awọ rayen vwirhiri ke me gba ayen, e rẹ oma rhọ ke me kẹ ayen ogangan, e re pha tubie tubie kugbe e re oma rayen ganre ke me rhẹrẹ ayen; ke me ghẹrẹ ayen vwẹ uyoyovwi.

Ẹvwọphia 22:2

wan uherevie rẹ urhuvwu rẹ orere na; vwẹ obọ nana vẹ obọ yena rẹ urhie na, urhe rẹ arhọ na da je djẹ vwọ ọ vẹ oka rẹ ibi ihwivẹ, rọ mọ emamọ rọye kemeranvwe kemeranvwe; ẹbe rẹ urhe na kọye e vwo sivwi ẹgborho na.

Aizaya 30:26

Ọ rọ ma rho urhukpẹ re emeranvwe kọ cha họhọ orẹmrẹ rẹ ọnre, ọremre re ọnre kọ rhọ asakueghwre kere orẹmrẹ rẹ edẹ ighwrẹ, vwẹ ẹdẹ rẹ Ọrovwohwo da cha gba ora rẹ ihwo rọye, ko sivwi ora rẹ ọye ọvo bruru.

Jerimaya 30:13

Ohwo ro kerhọn rẹ ovwan herọ-ọ, uhuvwu herọ kẹ ora rẹ ovwa-an; esivwo herọ kẹ ovwa-an.

Jerimaya 8:22

Ifuen gbe hẹ Giliad? Ọbo hẹ oboyi? Kidie rha suọ re gbi sivwi arhọ rẹ ọmọtẹ rẹ ihwo mẹ-ẹ? na-a?

Jerimaya 3:22

We rhivwi rhe emọ rẹ igberadja na, Mi sivwi ọfarhiẹ rẹ ovwan na. Nighe, avwanre bru we rhe; kidie wẹ Ọrovwohwo Ọghẹnẹ rẹ avwanre.

Une rẹ Ejiro 12:5

Fikiridie ivwiogbere na e miovwe ayen, ọ rẹ akpọ bẹnre de irhivwẹ, Mi vrẹn vwẹ Asakiephana, eriyin Ọrovwohwo tare; Mi phio phihọ evun re ufuoma rẹ urhuru rọye sio na.

Aizaya 11:12

Kọ kpare aphiana kpenu kẹ irere na, ko si ihwo rẹ Izrẹl ra djẹ kufia koko, ihwo ri Juda re hrare ko bi koko nẹ igogo ẹne rẹ akpọ na rhe.

Jerimaya 33:24

Wọ nabo ni obo rẹ ihwo nana ta na mu, Ọrovwohwo siẹn erua ivẹ rọ sanọre na? Ọtiọna ayen jẹn ihwo mẹ fia rere ayen vwo jẹn ẹgborho ẹdia vwẹ obaro rayen ọfa.

Izikiẹl 35:12

Ku wọ riẹn ne mẹvwẹ, Ọrovwohwo na, nyo eta ebrabra ru wo ta kpahe igbenu re Izrẹl na, tanẹ, A kua ayen fiotọ, a vwẹ ayen kẹ avwanre nẹ a ghwọrọ.

Izikiẹl 36:20

Ẹkẹvuọvo ọke re ayen rhi vwo te ẹgborho na, kasan kasan rẹ ayen teri, ayen de gbe odẹ ọfuanfon mẹ na ẹgua, kidie ihwo ta kpahe ayen nẹ, Enana ihwo rẹ Ọrovwohwo, yẹ ẹkẹvuọvo ayen je yan jẹ otọ rọye vwo.

Uvwerhe 2:15

Otu re wan idjẹrhe na vrẹn ejobi da fa abọ kẹ owẹ, ayen fiunu ji kpogho uyovwi kẹ ọmọte ri Jerusalẹm, “Ọ nana tobọ hẹ orere re se nẹ erhuvwu rọ ghare na aghọghọ rẹ akpọ na ejobi na?”

Une rẹ Ejiro 142:4

Mi ni obọrhe me da rhẹrẹ, ẹkẹvuọvo o vwo ohwo ọvuọvo ro ni vwe so-o; o gbi vwo asan odjahọ kẹ vwẹ-ẹ, ohwo gbe davwerhọ mẹ-ẹ

Aizaya 33:24

O gbi vwo ohwo re orere na ọvuọvo rọ sa tanẹ, Me mwọga-a, ihwo re dia Etiyin ka vwe orukuruku rayen ghovwo ayen

Aizaya 56:8

E nẹ Ọrovwohwo Ọghẹnẹ tare, ọ rọ ghwe emọ rẹ Izrel ra dje kufia koko, Me cha ghwe efa bro ra vwo kugbe e ra ghwẹ rhe jovwo na.

Aizaya 58:8

Ọke yena urhukpẹ wẹn kọ cha la phia kerẹ uvo, esivwo wẹn kọ cha va phia kpata kpata, ọvwata wẹn kọ cha ka obaro kẹ wẹ, urinrin rẹ Ọrovwohwo kọ ka ubuko kẹ wẹ.

Aizaya 60:15

Kirobo ra sen wẹ re tuoma wẹ jovwo na, re ohwo ọvuọvo wan wẹ vrẹn jovwo-o na, ki Mi ru we rhuarho bẹdẹ, aghọghọ nẹ oge re te oge.

Jerimaya 17:14

Sivwẹ uvwe, E Ọrovwohwo, ki mi vwo esivwo, sivwẹ uvwe rhọ, re me vwọ sa rhọ, kidie wẹ yẹn ejiro mẹ.

Hosia 11:3

Jẹ omẹvwẹ ri yono Ifrem obo ra yan, Mi de mu ayen phihọ abọ mẹ ẹkẹvuọvo ayen riẹnre nẹ mẹvwẹ ri sivwi aye-en.

ỌBE RẸ JOB 5:18

Kidie ọ woma, ẹkẹvuọvo ọye ọvo me rha gba; ọ ghwiẹ, ẹkẹvuọvo yẹ obọ rọye sivwẹ.

Aizaya 54:6

Kidie Ọrovwohwo se we nure kerẹ aye ra senre rẹ ivun miovwẹ vwẹ obo erhi, kerẹ aye rẹ ọke-emọ ra djẹ kufia, eriyin Ọghẹnẹ wẹn tare.

Aizaya 57:18

Me mrẹ idjerhe rọye, ẹkẹvuọvo Mi ji sivwo ghene, Mi suo Me Me ghare uchebro kẹ Me mia kẹ otu ri muomahọ emamọ re ẹbẹrunu.

Aizaya 57:19

Ufuoma, ufuoma, kẹ otu re kẹre kugbe otu ri sheri, eriyin Ọrovwohwo tare; ki Mi sivwo.

Jerimaya 10:20

Aghwọrọ utughẹ mẹ ifi mẹ ejobi sanvwere, emọ mẹ yan juvwe vwo ayen gbe herọ-ọ, ohwo ro si utughẹ mẹ phihọ rọ da vwẹ amwan tan gbe herọ-ọ.