Jerimaya 3:23 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²³ Uyota igbenu na ghine ọphiẹvwẹ, Ukoko rẹ ozighi vwẹ enu rẹ igbenu ride na. Uyota vwẹ evun rẹ Ọrovwohwo Ọghẹnẹ rẹ avwanre ọye esivwo rẹ Izrẹl epha.

Jerimaya 3:23 Referans Kwoze

Une rẹ Ejiro 3:8

Esivwo ọ rẹ Ọrovwohwo; ebruba wẹn dia enu rẹ ihwo wẹn!

Aizaya 12:2

Nighere, Ọghẹnẹ esivwo mẹ; ọye me vwẹ ẹro so, oshọ gbi mu vwe-e; kidie Ọrovwohwo Ọghẹnẹ ọye ogangan mẹ kugbe une mẹ, ọ rha rhoma hirhe esivwo mẹ re.

Iyẹnrẹ Esiri ri Jọn 4:22

Wọ ga obo wo jẹ riẹn, avwanre ga obo rẹ avwanre riẹnre, kidie esivwo vwenẹ obọ ri Ju o nurhe.

Hosia 1:7

Ẹkẹvuọvo me re ehrọre rẹ uwevwi ri Juda, ki mi sivwi ayen vwẹ oma rẹ Ọrovwohwọ rẹ Ọghẹnẹ rayen, Me vwẹ umurhabọ sivwi aye-en, eyẹrẹ ọlọkọ, eyẹrẹ ofovwi eyẹrẹ Iyesi, eyẹrẹ ihwo re gua iyesi.

Izikiẹl 20:28

Kidie ọke re me vwọ reyọ ayen rhe otọ ri mi ve kẹ ayen nẹ me vwọ kẹ ayen nu, etiyin kasan kasan rẹ ayen da mrẹ ugbenu ro kpenu eyẹ urhe rọ vẹ ẹbe gbidi, etiyin kọye ayen de ze izobo rayen, ayen me vwẹ izobo rọ kpare ophu mẹ vwọ rhe, etiyin ọnrhẹ ororo rayen mi bru kpenu, ke etiyin ayen da jẹ udi kuotọ.

Jerimaya 17:14

Sivwẹ uvwe, E Ọrovwohwo, ki mi vwo esivwo, sivwẹ uvwe rhọ, re me vwọ sa rhọ, kidie wẹ yẹn ejiro mẹ.

Jerimaya 14:8

E wẹ iphiẹrohọ rẹ Izrẹl, wẹ osivwi rọye vwẹ ọke rẹ ukpokpogho, die nẹrhẹ wọ họhọ ọrhorha vwẹ otọ na, vwọ họhọ ọyoyan rọ vwẹriẹre nẹ ọye vwerhẹ asọn ọvo?

Jerimaya 3:6

Ọrovwohwo da ta kẹ vwẹ vwẹ ọke rẹ Ovie Josaya: Wọ mrẹ obo rẹ Izrẹl ruru, ohwo ọfafarhiẹ na, ọbo rọ yan kpenu rẹ ugbenu kugbenu kugbe otọ rẹ urhe kurhe ọkpokpọ; de gbe ọfarhiẹ?

Aizaya 63:16

Kidie we he Ọsẹ rẹ avwanre, dede na nẹ Ebraham riẹn avwanre-e , Izrẹl je mrẹ avwanre vughe-e, we, E Ọrovwohwo, ọye Ọsẹ rẹ avwanre, Ọtan rẹ avwanre nẹ ọke rẹ awanre rhe ọye odẹ wẹn.

Aizaya 63:1

Ona ono ro ne Idọm cha na, rọ vẹ iwun rẹ ododo gbe nẹ Bozrah cha, ro muẹ urinrin vwe evun rẹ irhuo rọye, ro chiyẹ cha vwe evun rẹ ogangan rọye rode? Mẹvwẹ, ri ghwoghwo ase ẹriọ, kugbe ẹgba rẹ esivwo.

Aizaya 45:20

Ghwẹ oma wẹn koko re wọ rhe, we siọma koko, ovwan ihwo ri ghwu chekọ vwẹ ẹgborho na, Ayen vwo erianriẹ-ẹn ri mu ẹdjọ re ibrirhe ghoro na, re ra nẹ ẹrhovwo kẹ edjọ ro se sivwẹ-ẹ.

Aizaya 45:17

Ẹkẹvuọvo Izrẹl Ọrovwohwo ri sivwiro vẹ esivwo ri bẹdẹ, wọ cha mrẹ omaẹvuọ-ọ eyẹ ozighi-i rhiri bẹdẹ.

Aizaya 45:15

Uyota, wẹ Ọghẹnẹ ro siẹ oma wẹn nẹ; E Ọghẹnẹ rẹ Izrẹl, Osivwi na.

Aizaya 44:9

Ihwo re kare oma ejobi emu diodi, kugbe obo ri je ayen ejobi na fi erere ọvuọvo-o; iseri rayen mrorẹ-ẹ eye e je riẹ-ẹn, Me cha vwe omaẹvuọ kẹ ayen.

Aizaya 43:11

Mẹvwẹ, Mẹvwẹ Ọrovwohwo na, Osivwi ọfa gbe herọ nọ vwẹ-ẹ.

Une rẹ Ejiro 62:7

Obo rẹ Ọghẹnẹ ọye esivwo mẹ epha kugbe ọghọ mẹ; oragha rẹ egba mẹ, odjahọ mẹ ọye Ọghẹnẹ.

Isẹ 21:31

A rhuẹrẹ iyesi kpahe hẹrhẹ ẹdẹ rẹ ofovwi, ẹkẹvuọvo obọẹkparo kẹ ọ rẹ Ọrovwohwo na.

Jerimaya 17:2

Jẹ emọ rayen karohọ ẹshẹ rayen vẹ ighriki rayen, rẹ ayen ru phihọ orhoma rẹ urhe djidjidji ejobi, kugbe igbenu ri kpenu ejobi.

Jerimaya 31:7

Kidie enẹ Ọrovwohwo tare: vwẹ ọmavwerhovwẹ so une gangan fiki ri Jekọp, je kpare edo do fiki rẹ olori rẹ irere na; ghwoghwo jiro wọ tanẹ, Ọrovwohwo sivwi ihwo rọye nure, iri ghwu chekọ vwẹ Izrẹl.

Aizaya 10:20

Vwẹ ẹdẹ yena umuku ri chekọ vwẹ Izrẹl kugbe iri ghwu chekọ vwẹ uwevwi ri Jekọp gbe cha vwẹ oma rere ohwo rọ ghwiẹ ayen na-a, ẹkẹvuọvo kẹ ayen vwẹ oma rẹrẹ Ọrovwohwo, Ọfuanfon Ọvuọvo re Izrẹl na, vwẹ ọ re uyota.