Jerimaya 3:20 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁰ Uyota, obo re aye ọfafarhiẹ yan jẹ ọshare rọye vwo ye, eriyin ovwan gbe ofarhiẹ rhurhu vwe, E uwevwi rẹ Izrẹl, eriyin Ọrovwohwo tare.

Jerimaya 3:20 Referans Kwoze

Aizaya 48:8

Wo ji nyo dẹvo-o wo je riẹn devo-o, ne awanre rhe erhọn wẹn ji rhie-e. Kidie Me riẹnre nẹ wo se ru emu ogbarogba, ne nẹ ọke evwiẹ we rhe we onogbozighi.

Jerimaya 5:11

Fikiridie uwevwi rẹ Izrẹl kugbe uwevwi ri Juda gbe ọfarhiẹ rhurhu vwe miomiovwi, eriyin Ọrovwohwo tare.

Malakae 2:11

Juda vwo esegbuyota-a, e gbe ẹgua rode na vwẹ Izrẹl vi Jerusalẹm, kidie Juda gbe ẹshẹ rẹ Ọrovwohwo na ẹgua, rọ guọnọre na, ọ da ra rọvwọ ọmọtẹ rẹ ọghẹnẹ ọfa.

Hosia 6:7

Ẹkẹvuọvo ayen de miovwi ophọ mẹ kerẹ Adam etiyin ayen de ru vwe chọ.

Hosia 5:7

Ayen phiẹn Ọrovwohwo; kidie ayen vwiẹ emọ rẹ erhorha. Asakiephana emeranvwe ọkpokpọ cha ghwọrọ ayen vẹ idju rayen ejobi.

Hosia 3:1

Ọrovwohwo da ta kẹ vwẹ, Rhoma yanran, ra guọnọ aye ra riẹriẹ nẹ obọ obọ wẹn, ọ ro gbe igbaradja na, kirobo rẹ Ọrovwohwo guọnọ ihwo rẹ Izrẹl, dede na yẹ ayen hirhe bru edjọ efa re guọnọ ikara re vuvwuru.

Aizaya 24:16

Me nyo une rẹ ejiro nẹ oba rẹ akpọ na rhe, rọ vwe urinrin kẹ Ọvwata na Ẹkẹvuọvo me da ta, Mi vwiorore, Mi vwioro kufia Ekan kẹ vwe! Kidie ohwo ogbarogba na ji ruẹ emu ogbarogba, ohwo ogbarogba na ji ruẹ emu ogbarogba gangan

Jerimaya 12:1

Wọwe ọvwata, E Ọrovwohwo, vwẹ ọke mi de guẹ kẹ wẹ; dede na mi ji gu ẹdjọ mẹ kẹ wẹ. Die sorọ o vwo yovwẹ kẹ oruimwemwu? Die nẹrhẹ ihwo ri gbẹ ozighi vwo yovwẹ?