Jerimaya 29:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Ẹkẹvuọvo wa guọnọ erhuvwu rẹ orere ri mi ji ovwan de kpo ighuvwu na, ovwan mia rẹ Ọrovwohwo kẹ, kidie erhuvwu rọye ovwan de vwo erhuvwu.

Jerimaya 29:7 Referans Kwoze

Ezra 6:10

Rere ayen vwo ze izobo ro yovwiri kẹ Ọghẹnẹ rẹ odjuvwu, rere ayen nẹ ẹrhovwo vwọ kẹ ovie vẹ emọ rọye.

Daniẹl 4:27

Fiki rẹ ọtiọye, E Ovie, gbe nyo uchehro mẹ, siobọ nẹ umwemwu rere wo ru emu esiri, vẹ orukuruku wẹn, re wo ni arodọvwẹ kẹ ihwo rẹ eshenyẹ, siẹvo ufuoma wẹn ke ruo gro phihọ.

Ezra 7:23

Kemu kemu ejobi rẹ Ọghẹnẹ rẹ Odjuvwu tare nẹ e ru, e je ruo gbagba rere ophu vwo je muo vwọ kpahe uwevwi rẹ ovie vẹ emọ rọye.

Ọbe ri Pọl si rhe Ihwo ri Rom 13:1

E jẹn kohwo kohwo vwẹ oma kpotọ kẹ otu ra vwẹ ogangan rẹ isuesun kẹ. Kidie ogangan ọfa herọ-ọ jokpa rẹ ọ ro nẹ obo rẹ Ọghẹnẹ rhe, ayen otu ri suẹn na Ọghẹnẹ re vwẹ ayen mu.

Daniẹl 4:19

Etiyin Daniẹl, re se odẹ rọye Bẹlteshaza ofu de rhi dje krekri, iroro rọye da djẹ oshọ muo. Ovie na da ta, Belteshaza wo jẹ evwerhẹ na yẹrẹ otọ rọye e fan, mu we oshọ-ọ. Bẹlteshaza da kpahe kẹ, Ọrovwovwe, e jẹn evwerhẹ na dia vwọ kẹ ihwo rẹ ivun wẹ miovwẹ re otọ rọye rha dia kẹ ivwighrẹ wẹn.

Ọbe ri Pọl si rhe Ihwo ri Rom 13:5

Fiki rẹ ọtiọye na wa vwẹ oma kpotọ kẹ ayen, ọ dianẹ fiki rẹ oshọ rẹ unuakpọ-ọ ẹkẹvuọvo ọghọ oma guọnọre.

Une rẹ Ejiro 122:6

Nẹ ẹrhovwo kẹ ufuoma ri Jerusalẹm! Jẹn ihwo re guọnọ owẹ mrẹ erhuvwu!

Jerimaya 38:4

Ọye isun na da ta kẹ ovie na, je hwe ohwo nana, kidie o re ruẹ abọ rẹ isodje ri chekọ vwẹ orere na lọhọ, vẹ abọ rẹ ihwo na ejobi, rọ vwọ ta eta nana kẹ ayen na. Kidie ohwo nana guọnọ ufuoma rẹ ihwo na-a, ẹkẹvuọvo umiovwo rayen.

Izikiẹl 11:16

Fiki rẹ ọtiọye na, Enẹ Ọrovwohwo Ọghẹnẹ tare. Dede nẹ mi mu ayen yanran shesheri phihọ ohri rẹ ẹgborho efa, dede nẹ me hra ayen vwẹ ohri rẹ ẹkuotọ efa, ye me je dia ẹshẹ kẹ ayen vwẹ ọmọke vwẹ ẹkuotọ rẹ ayen ra re na.