Jerimaya 29:25 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁵ Enẹ Ọrovwohwo rẹ otuofovwi, Ọghẹnẹ rẹ Izrẹl tare; Wọ vwẹ odẹ wẹn si ọbe rhe ihwo ejobi re hẹ obo Jerusalẹm, ji vwo rhe Zefanaya ọmọ ri Masaya orherẹn na, kugbe irherẹn na ejobi, ta nẹ,

Jerimaya 29:25 Referans Kwoze

Jerimaya 52:24

Onotu rẹ ohẹrhẹ na da reyọ Seraya olori rẹ irherẹn na, vẹ Zefanaya orherẹn rivẹ na, kugbe erhẹrotọ erha rẹ anurhoro na;

Jerimaya 37:3

Ovie Zedikaya de ji Jehukal ọmọ ri Shelemaya, vẹ Zẹfanaya orherẹn na, ọmọ ri Maseya, bru Jerimaya re ọmraro na rhe nẹ, Re Ọrovwohwo Ọghẹnẹ rẹ avwanre na kẹ avwanre.

Jerimaya 29:29

Zefanaya rẹ orherẹn na de se ọbe nana kẹ Jerimaya rẹ ọmraro na nyo.

Iruo rẹ Iyinkọn na 9:2

ọ da nọ ekpẹn rẹ ogangan mie ro vwo kpo Sinegọg vwo obo Damaskọs sọ mrẹ ihwo ẹvo vwọ ri nene Idjerhe na, eshare eyẹ eya, rere o mu ayen gba rhe obo Jerusalẹm.

Nehemaya 6:19

Ayen gbẹ ikun esiri rọye vwẹ irharo me, ayen da je ghwẹ eta mẹ bro ra. Tobiah de si ọbe rhi vwo guegue uvwe.

Nehemaya 6:17

Ọrọmarho vwẹ ọke yena ehọnvwọre ri Juda de si ẹbe buebu rhe Tobiah, ẹbe ri Tobiah de rhe bru ayen ra.

Nehemaya 6:5

Je vwẹ obọ ọvuọvo na Saballat ji odibo rọye rhe vwẹ abọ riyori vẹ ọbe rọ vwọ kẹ vwo rhe vwe obọ rọye.

2 Ikun rẹ Ivie 32:17

O de si ẹbe ra vwọ vwẹ Ọrovwohwo na Ọghẹnẹ rẹ Izrẹl na jehwẹ ọ ke rha ta eta buebu kpahọ, tanẹ, Kerẹ obo rẹ ẹdjọ rẹ ẹgborho rẹ etọ efa na se sivwi ihwo rayen nẹ obọ mẹ-ẹ na, ọtiọye rhe Ọghẹnẹ ri Hẹzikaya che se sivwi ihwo rọye nẹ obọ mẹ-ẹ.

Ivie rẹ Ivẹ 19:14

Hẹzikaya da reyọ ọbe na mie ikọn na, o de se; Hẹzikaya da yan kpo uwevwi rẹ Ọrovwohwo na, o de rhie ọbe na phihọ obaro rẹ Ọrovwohwo na,

Ivie rẹ Ivẹ 19:9

Ọke rẹ ovie na vwo nyo kpahe Tarhakah ovie rẹ Etiopia, Nighe, o se ofovwi ra cha vwọ họnre owẹ, Ọ da rhọma ji ikọn bru Hẹzikaya ra nẹ,

Jerimaya 29:1

Enana eta rẹ ọbe ri Jẹrimaya rẹ ọmraro na si nẹ Jerusalẹm rhe ekpako rẹ ighuvwu na, ji rhe irherẹn na, te emraro na, vẹ ihwo na ejobi, ihwo ri Nebukadneza mu ighuvwu nẹ Jerusalẹm kpo Babilọn na.