Jerimaya 29:22 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²² Fikiridie ayen ighuvwu re muru nẹ Juda kpo Babilọn na a cha vwẹ ekan nana harhe ayen, Ọrovwohwo ru ovwan kerẹ Zedikaya vẹ Ehab, e rẹ ovie ri Babilọn torhẹre vwẹ erhanre na,

Jerimaya 29:22 Referans Kwoze

Daniẹl 3:6

Kohwo kohwo ro rhe she diguẹ ga vwẹ ugege yena-a ka kparo phihọ ogidi erhanre.

Aizaya 65:15

Wọ cha yan jẹ odẹ wẹn vwo kẹ ọ re Me jẹreyọ na vwọ harhe ekan, Ọrovwohwo rẹ Ọghẹnẹ ko ghwie we hwe, ẹkẹvuọvo idibo rọye ko mu odẹ ọfa kẹ ayen.

Daniẹl 3:21

Etiyin eshare nana da vwẹ emwa rayen vẹ iwun rayen vwọ gba ayen kugbe erhu rayen a da kpare ayen phihọ ogidi erhanre na.

1 Kọrẹnt 16:22

Ọ da dianẹ ohwo ọvuọvo rhe vwo ẹguọnọ kẹ Ọrovwohwo-o, yẹ a harherọ ekan. Ọrovwavwanre, cha!

Rutu 4:11

Etiyin ihwo ejobi re hẹ anurhoro na, vẹ ekpako na, da ta, Avwanre iseri. Jẹn Ọrovwohwo ru aye na, rọ cha uwevwi wẹn na, kẹrẹ Rachẹl vi Leah, aye ivẹ na re tọn uwevwi rẹ Izrẹl phihọ. Jẹn oyovwi kẹ wẹ vwẹ Efrata, rere wo titi vwi Bẹtlẹhẹm,

Jẹnẹsis 48:20

Ọtiọye kọye ọ nẹ ẹrhovwo kẹ ayen vwẹ ẹdẹ yena tanẹ, Oma wẹ yẹ Izrẹl wan nẹ ẹrhovwo tanẹ, Ọghẹnẹ ru we kiri Ifrem vi Manasse; kẹ etiọye ọ vwẹ Ifrem ka obaro ki Manasse.

Une rẹ Ejiro 102:8

Vwẹ edẹ na ejobi ivwighrẹ mẹ ra bọphiẹ ovwẹ, otu ri brẹ ohare kẹ vwẹ ra vwẹ odẹ mẹ duvwu iyori.