Jerimaya 29:21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²¹ Enẹ Ọrovwohwo rẹ otuofovwi, Ọghẹnẹ rẹ Izrẹl, tare, kpahe Ehab ọmo ri Kolaya vẹ Zedikaya ọmọ ri Masaya, rẹ mraro rẹ efian kẹ ovwan vwẹ odẹ mẹ nighe, me cha reyọ ayen vwọ kpo obọ ri Nebukadreza ovie ri Babilọn, ọ che hwe ayen ghwẹ vwẹ irharo wẹn.

Jerimaya 29:21 Referans Kwoze

Uvwerhe 2:14

Emraro wẹn mraro rẹ efian vẹ ọphiẹnvwẹ kẹ wẹ, ayen se tue orukuruku wẹn phia-a rọ vwẹ ughwe wẹn rhivwi rhe, ẹkẹvuọvo kẹ ayen bọ epha rẹ efian ro suẹn ohwo ghwrẹ.

2 Pita 2:1

Ẹkẹvuọvo emraro rẹ efian rhi mu vwẹ ohri rẹ ihwo na, kirobo rẹ iyono rẹ efian je hẹ ohri rẹ ovwan na, re bẹbẹ vwẹ uyono rẹ ohra cha, re tobọ siẹn Onini na ro dẹ ayen na, rọ nẹrhẹ ughwu rhe ghwọrọ ayen kpregede.

Jerimaya 20:4

Kidie enẹ Ọrovwohwo tare, Nighe, mi che ru we vwọ dia imuọshọ kẹ omobọ wẹn ji kugbe igbeyan wẹn ejobi. Ọlọkọ rẹ ivwighrẹ rayen che gere ayen she yi wo di ni ughe. Ki mi phi Juda ejobi phihọ obọ rẹ ọvie ri Babilọn, ọ cha ghwa ayen kpọ imu kpo Babilọn, ọ da vwe ọlọkọ hwe ayen.

Jerimaya 20:6

Wọwẹ, ri Pashọ, vẹ ihwo re dia uwevwi wẹn ejobi, che kpo imu, Babilọn wọ cha ra; oboyi wo de ghwu, oboyi e ji shi we phihọ, wẹ tẹ igbeyan wẹn ejobi, e re wọ mrarọ rẹ efian kẹ na.

Jerimaya 29:15

Fikiridie wa tare nẹ, Ọrovwohwo na vwẹ emraro kẹ avwanre vwi Babilọn–

Jerimaya 23:14

Ẹkẹvuọvo vwẹ emraro ri Jerusalẹm me mrẹ emuọvo ro muoshọ, ayen gbe igberadja ayen je yan vwẹ evun rẹ ofian, ayen ru obọ rẹ iruimwemwu gan, vwẹ eriyin ọ ro kurhẹriẹ nẹ umwemwu gbe herọ-ọ ayen ejobi da họhọ Sodọm kẹ vwẹ, ihwo re dia da họhọ Gomora.