Jerimaya 29:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Ko wa guọnọ ovwẹ ko wa mrẹ vwẹ vwẹ ọke re wa da vwẹ udu rẹ ovwan guọnọ ovwe.

Jerimaya 29:13 Referans Kwoze

Une rẹ Ejiro 119:2

Ebruphihọ kẹ ayen otu re yọnrọn iseri rọye, re vwẹ udu rayen ejobi guọnọ,

Matiu 7:7

Nọ, ka kẹ wẹ; guọnọ ke wọ mrẹ; hworo ẹchẹ kẹ rhie kẹ wẹ.

Une rẹ Ejiro 119:10

Udu mẹ ejobi me vwọ guọnọ owẹ; wo ju vwe suosuo nẹ irhi wẹ-ẹn!

Jerimaya 24:7

Me kẹ ayen udu rẹ ayen vwọ riẹn nẹ mẹvwẹ Ọrovwohwo na; ayen cha dia ihwo mẹ ke me dia Ọghẹnẹ rayen, kidie ayen cha vwẹ udu rayen ejobi rhivwi bru uvwe rhe.

Joẹl 2:12

Dede vwẹ Asakiephana, eriyin Ọrovwohwo tare, vwẹ udu wẹn ejobi rhivwi bru vwẹ rhe,. vẹ owẹvwe echiro, vẹ oviẹ, kugbe omaemuohọ,

Une rẹ Ejiro 91:15

Ọke ro de se vwe, ke me kpahe kẹ, Mi nene dia vwẹ ọke rẹ ukpokpogho, ki mi yoro no ri mi de mu ọghọ kẹ.

Une rẹ Ejiro 119:145

Udu mẹ ejobi me vwọ viẹ, nyo vwe, E Ọrovwohwo! ke me yọnrọn iji wẹn.

2 Ikun rẹ Ivie 31:21

Kugbe kiruo kiruo ro ruru vwẹ evun rẹ ẹga rẹ uwevwi rẹ Ọghẹnẹ kirobo rẹ urhi kugbe iji rọye wanre, ọ guọnọ Ọghẹnẹ rọye, ọ vwẹ udu rọye ejobi guọnọ, o de yovwi kẹ.

Une rẹ Ejiro 119:58

Me vwẹ udu mẹ ejobi yare aroesiri wẹn; re ehrọre mẹ kirobo rẹ ive wẹn epha.

2 Ikun rẹ Ivie 22:9

Ọ da guọnọ Ahazaya, o de re muo vwẹ asan ro de sioma nu vwi Sameria, e de muo vwo rhe Jehu a da teyọ hwe. Ayen de sho, kidie ayen tare, Ọye ovwrọmọ ri Jehoshafat, rọ vwẹ udu rọye ejobi guọnọ Ọrovwohwo. Uwevwi rẹ Ahazaya gbi vwọ ohwo ọvuọvo ro se sun uvie na-a.

Ivie rẹ Ivẹ 23:3

Ovie na de mudia kerẹ asan ẹshẹ na, ọ da re ọphọ vwẹ obaro rẹ Ọrovwohwo, nẹ ọye yan kpahe Ọrovwohwo ọye me je yọnrọn irhi rọye vẹ iji kugbe iseri rọye, vẹ iji rọye vwẹ udu rọye ejobi vẹ ẹnwẹ rọye ejobi, vwo ru eta rẹ ọphọ nana re si phihọ ọbe nana; ayen ihwo na ejobi de kuoma gbe re ọphọ na.

Hosia 5:15

Mi che rhivwi kpo ẹdia mẹ, bẹsiẹ rẹ ayen vwọ rhọvwe abe rayen ayen me rhe guọnọ opharo mẹ vwẹ evun rẹ ọdjorho rayen ke ayen cha guọnọ ovwẹ tane,

Une rẹ Ejiro 119:69

Ohwo ogbarogba da vwẹ efian ghworo uvwe, ẹkẹvuọvo me vwẹ udu mẹ ejobi yọnrọn iji wẹn,

Jerimaya 3:10

Yi Juda rẹ oniọvo rẹ ofian rọye na se rhivwi bru vwe rhe vẹ udu rọye ejobi-i, omeru ọ epha, eriyin Ọrovwohwo tare.

1 Ivie 2:4

rere Ọrovwohwo vwo ru ota rọye rọ ta kpahe ovwẹ gba, tanẹ, emọ wẹn da jomaotọ vwẹ idjerhe rayen, re ayen da yan nene uvwe vwẹ uyota vwẹ udu rayen ejobi kugbe ẹwẹn rayen ejobi, ohwo gbe sa kanre owẹ-ẹ ro tidia vwẹ ekete rẹ Izrẹl.

Une rẹ Ejiro 32:6

Fiki rẹ ọtiọye na kohwo kohwo esiri kọ nẹ ẹrhovwo kẹ wẹ, vwẹ ọke rẹ ukpokpogho, vwẹ ọke rẹ oghwe da mwavwa cha, ayen gbe se si kere owẹ-ẹ.

Iruo rẹ Iyinkọn na 8:36

Rẹ ayen vwo nene idjerhe yanran ayen de rhi te asan ame ọvo, ọghwara na da ta, Nighe, ame hẹ etinẹ! Kidie rha djẹ vwẹ ame ẹreyọ? [

1 Ikun rẹ Ivie 22:19

Asakiephana wa vwẹ iroro vẹ ẹnwẹ rẹ ovwan vwọ guọnọ Ọrovwohwo rẹ Ọghẹnẹ rẹ ovwan. We vrẹn ra bọn ẹshẹ kẹ Ọrovwohwo rẹ Ọghẹnẹ asan re mu ekpeti rẹ ọphọ rẹ Ọrovwohwo na vẹ ekuakua efuanfon rẹ Ọghẹnẹ na phihọ rọ dia uwevwi ra tọn phihọ kẹ odẹ rẹ Ọrovwohwo na.

1 Ikun rẹ Ivie 28:9

Wẹ, Solomọn rẹ ọmọ mẹ, riẹn Ọghẹnẹ rẹ esẹ wẹn, rere wọ ga vwẹ udu wẹn ejobi vẹ udu rẹ ẹguọnọ; kidie Ọrovwohwo re hiẹn ubiudu, ọ me rha riẹn iroro kiroro vẹ ona ejobi. Wọ da guọnọ, ku wọ mrẹ, ẹkẹvuọvo wọ da siọn, kọ djẹ wẹ kufia bẹdẹ.

Aizaya 45:19

Me ta ota vwẹ odjahọ-ọ, vwẹ otọ rẹ ebri; Me ta kẹ uvwiẹ ri Jekọp re, Guọnọ ovwẹ vwẹ ozighi. Mẹvwẹ rẹ Ọrovwohwo ta uyota, Me ta obo re gbare.

Une rẹ Ejiro 145:18

Ọrovwohwo si kẹre otu ri sere ejobi, ayen ejobi ri sere vwẹ uyota,

Aizaya 65:10

Sharọn kọ cha dia otọ re egbri keẹ uchuru Mẹ, iyara re Akọr kẹ asan rẹ ekru rẹ uchuru Mẹ che rhuẹ phihọ, vwọ kẹ ihwo Mẹ re guọnọ ovwẹ.

Jerimaya 50:4

Vwẹ ẹdẹ yena vẹ ọke yena eriyin Ọrovwohwo tare, ihwo rẹ Izrẹl vẹ ihwo ri Juda che kuoma gbe, ayen cha, jẹ ayen viẹ; ayen cha guọnọ Ọrovwohwo Ọghẹnẹ rayen na.