Jerimaya 29:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Kidie me rien iroro ri mi vwo kẹ ovwan, eriyin Ọrovwohwo tare, iroro rẹ erhuvwu ọ dia ọ rẹ umiovwo me cha vwọ kẹ ovwan vwẹ ọke rọ cha vẹ iphiẹrohọ.

Jerimaya 29:11 Referans Kwoze

Une rẹ Ejiro 33:11

Umẹ rẹ Ọrovwohwo na mudia bẹdẹ, iroro re udu rọye herọ nẹ edje ra ro edje.

Maika 4:12

Ẹkẹvuọvo ayen rha riẹn iroro rẹ Ọrovwohwo-o, ayen je riẹn obo ro roro vwẹ evun rọye-e, ne ọ ghwẹ ayen koko kerẹ eka ra kọnre vwẹ utuwevwi re de wuye.

Une rẹ Ejiro 40:5

E Ọrovwohwo Ọghẹnẹ mẹ, wo rhoma rhi ru bu phihọ, iruo rẹ igbunu wẹn kugbe iroro wẹn ke avwanre; a sa mrẹ ohwo re vwo dje we-e. a da tanẹ e gbe ikun re ayen, i bunọ obo re se keri.

ỌBE RẸ JOB 23:13

Ẹkẹvuọvo ọ rhẹriẹ-ẹ ono ri se kuo rhẹriẹ? Obo ri jere ọye o ruẹ.

Uvwerhe 3:26

Oyoma rere ohwo hwe oma mu hẹrhẹ esivwo rẹ Ọrovwohwo na.

Hosia 3:5

Ukoko rọye emọ rẹ Izrẹl ki rhivwi rhe rhe guọnọ Ọrovwohwo rẹ Ọghẹnẹ rayen, kugbe Devid rẹ ovie rayen, ayen ki bru Ọrovwohwo rhe vẹ oshọ kugbe ughwẹ rẹ esiri rọye vwẹ ukoko rọye.

Zekaraya 1:6

Ẹkẹvuọvo eta mẹ vẹ iji Me, ri mi ji kẹ idibo mẹ emraro na, o rhe mu ese re ovwan? Eriyin ayen de kurhẹriẹ ta, kirobo rẹ Ọrovwohwo rẹ otuofovwi rori nẹ ọye ru avwanre fiki rẹ idjerhe vẹ uruemu rẹ avwanre na, ọtiọye o ghine ru avwanre.

Jerimaya 23:5

Nighe, ẹdẹ cha, Ọrovwohwo tare, me cha vwọ kpare oghọn rẹ ọvwata kẹ Devid, kọ re uvie kerẹ ovie ọghwanghwanre, ko brorhiẹ rẹ ọsoso vẹ ọvwata vwẹ otọ na.

Jerimaya 23:6

Juda kọ rhọ vwẹ ẹdẹ rọye na, Izrẹl kọ dia egbẹrhẹnẹdẹ. Ọnana ọye odẹ re vwo se Ọrovwohwo ọvwata rẹ avwanre.

Jerimaya 30:9

Ẹkẹvuọvo ayen ke ga Ọrovwohwo Ọghẹnẹ rayen vẹ Devid ovie rayen, ohwo re me cha kpare ke ayen.

Jerimaya 30:10

Wọ gbe djẹ oshọ-ọ, E Jekọp odibo mẹ, eriyin Ọrovwohwo tare, wo bru udu-u, E Izrẹl, kidie gbe no, mi che sivwi we nẹ ogboko rhe, emọ wẹn nẹ otọ rẹ ighuvwu rhe. Jekọp che rhivwi rhe o mi vwo ofuvwegbe, ohwo ro djẹ osho muo gbe dia-a.

Izikiẹl 11:16

Fiki rẹ ọtiọye na, Enẹ Ọrovwohwo Ọghẹnẹ tare. Dede nẹ mi mu ayen yanran shesheri phihọ ohri rẹ ẹgborho efa, dede nẹ me hra ayen vwẹ ohri rẹ ẹkuotọ efa, ye me je dia ẹshẹ kẹ ayen vwẹ ọmọke vwẹ ẹkuotọ rẹ ayen ra re na.

Zekaraya 13:9

Ki mi che phi ẹkẹn rerha nana phihọ erhanre, re ruo fon kirobo re ru idọnọ fuan ye, ka davwe ayen kirobo ra davwe oro na. Ayen se odẹ Mẹ, ki mi nyo ke ayen. Ke Me ta nẹ, Ayen ihwo mẹ, Kẹ ayen ta nẹ, Ọrovwohwo na Ọghẹnẹ Mẹ.

Une rẹ Ejiro 85:9

Uyota esivwo rọye ọkẹkẹre kẹ ihwo re djẹ oshọ rọye, rere urinrin vwọ dia otọ rẹ avwanre.

Aizaya 27:4

Mi vwo ophu-u Mane ki mi vwo irhe vẹ inwen vwo kpo ofovwi, Ke me a vwọ so ayen, Ke me a torhẹ ayen ejobi kugbe.

Jerimaya 24:5

Enẹ Ọrovwohwo Ọghẹnẹ rẹ Izrẹl tare, Kirobo rẹ omamọ ri fig nana epha na, ọtiọye mi ji ni otu re mu nẹ Juda kpo imu na nẹ iyovwiri, ihwo mi mu nẹ etinẹ na vwo kpo oto rẹ ihwo ri Kaldia.

Jerimaya 33:6

Nighe, me cha vwẹ omakpokpọ vẹ esivwo rhe ki mi sivwi ayen ke me vwẹ oyovwe buebu vẹ ofuvwegbe mẹ phia kẹ ayen.