Jerimaya 29:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Kidie enẹ Ọrovwohwo tare: Ọke rẹ ikpe ujorha gbẹ ihwe da gba vwẹ Babilọn nu, ki mi bru ovwan cha, ri ru ive me gba kẹ ovwan vwọ reyọ ovwan rhivwi rhe asan etinẹ na.

Jerimaya 29:10 Referans Kwoze

Zekaraya 7:5

Ta ke ihwo rẹ otọ na ejobi kugbe irherẹn na, Ọke re ovwan vwo chiri owẹnvwe ji muomahọ vwe emeranvwe riyori veẹ ọrighwrẹ, vwẹ ikpe ujorha gbe ihwe nana, mẹvwẹ ovwan chiro kẹ?

Daniẹl 9:2

Vwẹ ukpe rẹsosuọ rọ vwọ hẹ ovie, Mẹvwẹ, ri Daniẹl, da rhe mrẹ vughe vwẹ ẹbe na uchukpe, kerẹ ikpe ujorha gbẹ ihwe re wanvrẹn a ke mrẹ oba rẹ ẹguọghọ ri Jerusalẹm, kirobo rẹ ota rẹ Ọrovwohwo ro bru Jerimaya re ọmraro na rhe epha.

Jerimaya 27:22

A cha ghwa ayen kpo Babilọn re ayen da dia oboyi bẹsiẹye ro vwo te ẹdẹ me vwọ kerhọn rayen, eriyin Ọrovwohwo tare, kẹsiẹye me ke reyọ ayen rhe ri mi de phi ayen phihọ etinẹ na.

Jerimaya 25:12

Siẹ rẹ ikpe ujorha gbẹ ihwe na da gba nure, ki mi ru ovie ri Babilọn vẹ orere yena djadja, otọ rẹ ihwo ri Kaldia na, fiki rẹ orukuruku rayen, eriyin Ọrovwohwo tare, ki mi ru ayen ofefe bẹdẹ bẹdẹ.

Zẹfanaya 2:7

Obo erhuru na ko che hirhe phihọ ẹkẹn rẹ umuku rẹ ihwo ri chekọ vwẹ uwevwi ri Juda, kẹ etiyin ayen da cha ghẹrẹ ichuru, vwẹ uwevwi rẹ Ashkẹlọn kẹ etiyin ayen che shevwerhẹ vwẹ ovwọnvwọn. Kidie Ọrovwohwo Ọghẹnẹ rayen kọ davwerhọ rẹ ayen kọ vwẹ ughwẹ rayen rhivwi rhe ayen.

Jerimaya 27:7

Irere na ejobi cha ga vẹ ọmọshare rọye kugbe ovwrọmọ rọye, rhiri bẹsie rẹ ọke rẹ ọ rọye vwọ te; etiyin ẹgborho buebu vẹ ivie ride ki vwo ru ọviẹn.

2 Ikun rẹ Ivie 36:21

rere ota rẹ Ọrovwohwo wan unu ri Jẹrimaya ta vwọ sẹ, bẹsiẹ rẹ otọ na cha vwọ ghọghọ vwẹ edidjana rọye. Uche ẹdẹ ejobi ra kua no krite ọye ayen yọnrọn edidjana na te, bẹsiẹ rẹ ikpe ujorha gbẹ ihwe vwọ gba.

Rutu 1:6

Etiyin aye na vẹ eya rẹ emọ rọye na vrẹnri kẹ ayen rhivwi nẹ otọ ri Moab kpo, kidie o nyori vwẹ otọ ri Moab obo rẹ Ọrovwohwo ra mrẹ ihwo rọye ọ da vwẹ emuọre kẹ ayen. Etiyin o de vrẹn nẹ asan rọ hẹ epha jovwo.

2 Ikun rẹ Ivie 36:22

Asakiephana vwẹ ukpe rẹsosuo ri Sairọs ovie ri Pẹsha, ota rẹ Ọrovwohwo ro wan unu ri Jẹrimaya ta vwọ sẹ, Ọrovwohwo da kpare erhi ri Sairọs ovie ri Pẹsha vwo ghwoghwo aghwoghwo wan uvie rọye ejobi duvwu o de ji sio phihọ otọ;

Ezra 1:1

Vwẹ evun rẹ ukpe rẹ esosuọ ri Sairọs ovie ri Pẹsha, rere ota rẹ Ọrovwohwo wan unu ri Jerimaya ta vwọ mrẹ asan sẹ, Ọrovwohwo da kpare ẹnwẹ ri Sairọs ovie ri Pẹsha kpenu, ke etiyin O da nẹrhẹ nẹ oghwoghwo wan irere re yariẹ uvie rọye phihọ, O ji ghwe si ayen phihọ evun rẹ ọbe.

Jerimaya 25:11

Otọ nana soso na che hirhe phihọ umiovwo kọ dia ofefe, irere nana cha ga ovie ri Babilọn ikpe ujorha gbẹ ihwe.

Jerimaya 29:28

Kidie ọ vue ovuẹ rhe avwanre vwi Babilọn, ta nẹ, Ovwan ighuvwu na cha dia kre kri, bọn uwevwi re wa dia ayen, voro udju re wa re emamọ rayen.

Jerimaya 29:32

otiọye na enẹ Ọrovwohwo tare. Nighe, Mi che ru Shemaya ri Nehelam vẹ uvwiẹ rọye gangan, o gbi che vwo ohwo rọ dia uherevie rẹ ihwo nana rọ mrẹ emu esiri ri mi che ru kẹ ihwo mẹ na-a, eriyin Ọrovwohwo na tare, kidie ọ ta ota omiomiovwi kpahe Ọrovwohwo na.

Jerimaya 30:3

Kidie nighe, ẹdẹ cha, eriyin Ọrovwohwo tare, re me cha vwọ reyọ ughwẹ rẹ ihwo mẹ rhivwi rhe, Izrẹl vi Juda, eriyin Ọrovwohwo tare, ke me vwẹ ayen rhe otọ re me vwọ kẹ esẹ rayen, ayen ke reyọ.

Jerimaya 33:14

Nighe, ẹdẹ cha, eriyin Ọrovwohwo tare ri mi che vwo ru ive mẹ gba kẹ uwevwi rẹ Izrẹl vẹ uwevwi ri Juda.

Zekaraya 1:12

Ọye amakashe re Ọrovwohwo da ta, E Ọrovwohwo rẹ otuofovwi mavọ okrite wo ki ni arodọvwẹ ri Jerusalem vẹ irere ri Juda ri wo mu ophu kpahe ikpe ujorha gbe ihwe re na?

Ezra 1:2

Enẹ Sairọs ovie ri Pẹsha tare: Ọrovwohwo Ọghẹnẹ rẹ Odjuvwu na, reyọ uvie rẹ akpo na ejobi vwọ kẹ vwẹ, o de ji urhi kẹ vwẹ nẹ me ra bọn uwevwi kẹ ọye vwi Jerusalẹm ri Juda.

Une rẹ Ejiro 102:14

Kidie idibo wẹn yọnrọn eragha rọye ghaghare, ọ da re ehrore rẹ iwurhie rọye.

Izikiẹl 11:17

Fiki rẹ ọtiọye na gba ta kẹ ayen, Enẹ Ọrovwohwo tare: mi che si we koko nẹ oma rẹ ihwo na rhe, me me ghwẹ wẹ koko nẹ evun rẹ ẹkuotọ ra hra wẹ ra jovwo na, ke me vwẹ otọ rẹ Izrẹl na kẹ wẹ.