Jerimaya 28:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Oye Jerimaya rẹ ọmraro na da ta kẹ Hananaya rẹ ọmraro na, Kerhọn, Hananaya, Ọrovwohwo ji we-e, wo ru ihwo nana re vwẹ ẹro so ofian.

Jerimaya 28:15 Referans Kwoze

Jerimaya 27:15

Mi ji aye-en, eriyin Ọrovwohwo tare, ẹkẹvuọvo ayen vwẹ odẹ mẹ mraro re efian, oba rọye ke me cha djẹ ovwan kufia, re ovwan da ghwọrọ kufia, ovwan kugbe emraro re mraro kẹ ovwan na.

Jerimaya 23:21

Mi ji emraro na-a, yẹ ayen djẹ, Me ta kẹ aye-en yẹ ayen mraro.

Izikiẹl 22:28

Emraro rọye da vwẹ ophiẹvwe vwo ghwọrọ ayen, re mrẹ emramrẹ rẹ efian re bọ epha rẹ efian kẹ ayen, tanẹ, E nẹ Ọrovwohwo Ọghẹnẹ tare, jẹ Ọrovwohwo na tare-e.

Uvwerhe 2:14

Emraro wẹn mraro rẹ efian vẹ ọphiẹnvwẹ kẹ wẹ, ayen se tue orukuruku wẹn phia-a rọ vwẹ ughwe wẹn rhivwi rhe, ẹkẹvuọvo kẹ ayen bọ epha rẹ efian ro suẹn ohwo ghwrẹ.

Jerimaya 29:23

fikiridie ayen ru uruemu rẹ ẹkpa vwẹ Izrẹl ayen vẹ eya rẹ irivẹ rayen gbe ọfanrhiẹn, ayen da vwẹ odẹ mẹ ta eta rẹ efian re me vuẹ ayen nẹ ayen ta-a. Mẹvwẹ ohwo rọ riẹnre, mẹvwẹ je he oseri, eriyin Ọrovwohwo tare.

Izikiẹl 13:22

Fikiridie wọ nẹrhẹ udu bru evwata na ekueku, ye me vwẹ udu bro kẹ, wo de phi udu phihọ ohwo umwemwu awọ, rere o je rhivwi nẹ idjerhe umwemwu rọye ro sivwi arhọ rọye,

1 Ivie 22:23

Asakiephana gbe nighe, Ọrovwohwo phi erhi rẹ efian phihọ unu rẹ emraro wẹn nana; Ọrovwohwo ta ota omiomiovwi kpahe owẹ nure.

Jerimaya 20:6

Wọwẹ, ri Pashọ, vẹ ihwo re dia uwevwi wẹn ejobi, che kpo imu, Babilọn wọ cha ra; oboyi wo de ghwu, oboyi e ji shi we phihọ, wẹ tẹ igbeyan wẹn ejobi, e re wọ mrarọ rẹ efian kẹ na.

Zekaraya 13:3

Re ọ da dianẹ ohwo rhoma vwẹ oma ru ọmraro, ọsẹ vẹ oni rọye ri vwiẹrẹ me ta kẹ nẹ, Wọ cha rhọ-ọn, kidie wọ vwẹ odẹ rẹ Ọrovwohwo vwọrọn efian, ọsẹ vẹ oni rọye ri vwiẹrẹ na mi duvwo fi vwẹ ọke rọ da mraro na.

Jerimaya 28:11

Ọye Hananaya rẹ ọmraro na da ta vwẹ aro rẹ ihwo ejobi, nẹ, Enẹ Ọrovwohwo tare: Tobọ enẹ me cha guọghọ urhekpe ri Nebukadneza ovie ri Babilọn nẹ ohọre rẹ ẹgborho ejobi vwẹ emu rẹ ikpe ivẹ. Ẹkẹvuọvo Jerimaya ọmraro na de kpo obo rọ ra.

Jerimaya 7:8

Nighe, ovwan vwẹ ẹro so eta ifefe ri fi emuọvo-o.

Jerimaya 29:8

Kidie enẹ Ọrovwohwo rẹ otuofovwi, Ọghẹnẹ rẹ Izrẹl, tare. We jẹ emraro vẹ eboepha re hẹ uherevie rẹ ovwan na phiẹ ovwa-an, wa kerhọn rẹ evwerhẹ re ayen vwerhe na-a,

Izikiẹl 13:6

Ayen vwọrọ efian ayen bọn epha rẹ efian; ayen tare, Ọtiọye Ọrovwohwo tare, dede na yi mi ji aye-en ye ayen phiẹrohọ nẹ o ru ota ayen gba.

Izikiẹl 13:9

Obọ mẹ ko mukpahe emraro na re mrẹ emramrẹ rẹ ọphiẹvwe re bọ epha rẹ efian; ayen gbe cha dia ukoko rẹ ihwo mẹ-ẹ, eyẹ e gbi che si ayen phihọ ọbe rẹ uwevwi rẹ Izrẹl na-a, eyẹ ayen gbe vwẹriẹ otọ rẹ Izrẹl na-a. Kẹ ovwan cha riẹn nẹ mẹvwẹ ọyen Ọrovwohwo Ọghẹnẹ na.

Urhi Rivẹ 13:6

Ọ da dianẹ oniọvo wẹn, rọ dia ọmọ rẹ oni wẹn, eyẹ ọmọshare wẹn, eyẹ ọmọtẹ wẹn, eyẹ ayerhi wẹn, eyẹ ugbeyan wẹn, rọ kẹrẹ owẹ oma rọ da bẹbẹ riẹriẹ owẹ, tanẹ, Jẹn avwanre yanran ra ga ẹdjọ, e re wọ vẹ esẹ wẹn riẹnre-e na;

Urhi Rivẹ 18:20

Ẹkẹvuọvo ọmraro rọ de ta ota ọvo vwẹ odẹ mẹ ro dia ota ri mi jiro-o, eyẹ ohwo rọ vwẹ odẹ rẹ ẹdjọ ta ota, ọmraro yena ko ghwu.

Jerimaya 23:31

Nighe, mi mu kpahe emraro na, eriyin Ọrovwohwo tare, e re vwẹ ẹrẹnvwe rayen tanẹ, eriyin Ọrovwohwo tare.