Jerimaya 27:22 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²² A cha ghwa ayen kpo Babilọn re ayen da dia oboyi bẹsiẹye ro vwo te ẹdẹ me vwọ kerhọn rayen, eriyin Ọrovwohwo tare, kẹsiẹye me ke reyọ ayen rhe ri mi de phi ayen phihọ etinẹ na.

Jerimaya 27:22 Referans Kwoze

Jerimaya 29:10

Kidie enẹ Ọrovwohwo tare: Ọke rẹ ikpe ujorha gbẹ ihwe da gba vwẹ Babilọn nu, ki mi bru ovwan cha, ri ru ive me gba kẹ ovwan vwọ reyọ ovwan rhivwi rhe asan etinẹ na.

Jerimaya 32:5

Ke ghini mu Zedikaya kpo Babilọn, oboyi kọye ọ dia bẹsiẹye me rhe vwọ mrẹ, eriyin Ọrovwohwo tare; wo de nene ihwo ri Kaldia họnre dede, wọ sa kparobọ-ọ.

Ezra 7:19

Ekuakua na ra vwọ kẹ wẹ fiki rẹ iruo rẹ uwevwi rẹ Ọghẹnẹ wẹn na, ku wọ ghwẹ ayen phihọ obaro rẹ Ọghẹnẹ ri Jerusalẹm.

Ezra 1:11

ekuakua rẹ oro ejobi kugbe e rẹ idọnọ ejobi da dia uriori iyori ujori ẹne kugbe ujorha gbẹ irhiri. Enana ejobi eye Sheshbaza reyọ rhe, vwẹ ọke ra vwọ reyọ ighuvwu na nẹ Babilọn kpo Jerusalẹm.

Isẹ 21:30

O vwo aghwanre-e, o vwo ẹruọ-ọ, o vwo iroro-o o se ru emuọvo kpahe Ọrovwohwo-o.

Daniẹl 9:2

Vwẹ ukpe rẹsosuọ rọ vwọ hẹ ovie, Mẹvwẹ, ri Daniẹl, da rhe mrẹ vughe vwẹ ẹbe na uchukpe, kerẹ ikpe ujorha gbẹ ihwe re wanvrẹn a ke mrẹ oba rẹ ẹguọghọ ri Jerusalẹm, kirobo rẹ ota rẹ Ọrovwohwo ro bru Jerimaya re ọmraro na rhe epha.

Daniẹl 5:23

ẹkẹvuọvo wo de mu oma kpenu Ọrovwohwo ro vwo odjuvwu na; ekuakua rẹ uwevwi rọye a ghwa ayen rhe obaro wẹn, te owẹ, te ehọnvwọre wẹn, eya vẹ ense wẹn da vwẹ ayen da udi; wo de ji jiri eghẹnẹ rẹ idọnọ efuanfon vẹ oro, ẹrovwo, utehru, urhe vẹ oragha rẹ mrorẹ-ẹ, i ji nyo ẹme-e e ji vwo eriariẹ-ẹn, ẹkẹvuọvo Ọghẹnẹ rẹ arhọ wẹn hẹ obọ rọye; rẹ idjerhe wẹn ejobi rheri, wọ je vwẹ ọghọ kẹ-ẹ.

Jerimaya 34:5

Wo che ghwu vwẹ ufuoma. Kirobo ra torhẹ adjija kẹ esẹ wẹn ye, eriyin ihwo je cha torhẹ adjija kẹ wẹ ra da je viẹ kẹ wẹ, ta nẹ, Eghwo, orovwori! Kidie me ta ota na nure, eriyin Ọrovwohwo tare.

Ezra 7:9

kidie vwẹ ẹdẹ rẹ ẹsosuọ rẹ emeranvwe rẹ ẹsosuọ ọye o vwo mu oyan nẹ Babilọn rhe, vwẹ ẹdẹ rẹ ẹsosuọ vwẹ emeranvwe riyori o de rhi te Jerusalẹm, kidie obo esiri rẹ Ọghẹnẹ vọye herọ.

2 Ikun rẹ Ivie 36:21

rere ota rẹ Ọrovwohwo wan unu ri Jẹrimaya ta vwọ sẹ, bẹsiẹ rẹ otọ na cha vwọ ghọghọ vwẹ edidjana rọye. Uche ẹdẹ ejobi ra kua no krite ọye ayen yọnrọn edidjana na te, bẹsiẹ rẹ ikpe ujorha gbẹ ihwe vwọ gba.

Ivie rẹ Ivẹ 25:13

Osusun rẹ ẹrovwo rẹ uwevwi rẹ Ọrovwohwo na, kugbe igburhukpẹ vẹ abadi rẹ ẹrovwo re hẹ evun rẹ uwevwi rẹ Ọrovwohwo na, ihwo ri Kaldia na hwe ayen kẹnẹ kẹnẹ ayen da ghwa ayen kpo Babilọn.

Jerimaya 20:5

O rọ ma rhọ, me cha reyọ oyovwe rẹ orere rọye ejobi, efe rọye ejobi, kugbe ughwẹ rẹ ivie ri Juda ejobi phihọ obọ rẹ ivwighrẹ rayen, iri che cho ayen, re ghwẹ ayen reyọ, a me ghwa ayen kpo Babilọn,

Jerimaya 27:7

Irere na ejobi cha ga vẹ ọmọshare rọye kugbe ovwrọmọ rọye, rhiri bẹsie rẹ ọke rẹ ọ rọye vwọ te; etiyin ẹgborho buebu vẹ ivie ride ki vwo ru ọviẹn.

Jerimaya 27:21

Enẹ Ọrovwohwo rẹ otuofovwi Ọghẹnẹ rẹ Izrẹl na tare kpahe ekuakua ri chekọ vwẹ uwevwi rẹ Ọrovwohwo na, vẹ uwevwi rẹ ovie ri Juda, vẹ Jerusalẹm:

Jerimaya 34:2

Enẹ Ọrovwohwo Ọghẹnẹ rẹ Izrẹl, tare: Yanra wọ ra ta kẹ Zẹdikaya ovie ri Juda re wọ vuẹ nẹ, Enẹ Ọrovwọhwo tare: Nighe, mi che phi orere nana phihọ obọ rẹ ovie ri Babilọn, kọ vwẹ erhanre torhe.

Jerimaya 34:3

Wọ sa djẹ nẹ obọ rọye-e, ẹkẹvuọvo vwẹ ọruyota e che mu we re de phi we phihọ obọ rọye; ku wọ vẹ ovie ri Babilọn cha vwẹ ẹro mrẹ ohwohwo ji hirhe aro ku ohwohwo ta ota, ku wo kpo Babilọn.