Jerimaya 26:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Wa nabọ riẹn gbagba nẹ we de hwe vwe, yẹ ovwan che sun ọbara rẹ ọvwata te otọ kpahe oma rẹ ovwan vẹ enu rẹ orere nana kugbe ihwo re dia ejobi, kidie ghine uyota Ọrovwohwo ri ji vwe bru ovwan rhe nẹ me ta eta nana ejobi phihọ erhọn rẹ ovwan.

Jerimaya 26:15 Referans Kwoze

Isẹ 6:17

ero rọ jẹfia, ẹrẹnvwe rọ vwọrọn efian, vẹ abọ ri sun ọbara ekueku.

Ukeri 35:33

Wọ vwẹ ọtiọna gbe otọ ru wọ dia na ẹgua-a; kidie ọbara e vwo gbe otọ na ẹgua, o vwo emu ọvuọvo re vwo phorho otọ na-a, fiki rẹ ọbara re sun te na, jokpa nẹ ọbara rẹ ohwo na rẹ obọ chọre na.

Ẹvwọphia 16:6

Kidie ihwo sun ọbara rẹ ihwo efuanfon kugbe emraro na te otọ, wọ da vwẹ ọbara kẹ ayen da. Ọye hẹ ute rayen!

Iruo rẹ Iyinkọn na 7:60

Ọ de diguẹ ọ da van kperi nẹ Ọrovwohwo, wo kere umwemwu nana ba kẹ aye-en. Ọke rọ vwọ ta ọnana nu, ọ da vwerhẹ.

Matiu 26:25

Judas rọ shẹrẹ na da kpahe ta nẹ, Mẹvwẹ vwọ, Onini? Ọ da kpahe kẹ nẹ, We re tare.

Jerimaya 22:3

Enẹ Ọrovwohwo tare: Ru obo ri shehọ vẹ ọsoso, sivwi ohwo re shenyẹ nẹ abọ rẹ ohwo ro shenyẹ na. Wo rue oruchọ eyẹ wọ ji gbe ozighi kẹ ọrhorha-a, ọmọphrori-i vwi-i, kugbe ayeuku-u, wo ji sun ọbara rẹ ọvwata vwẹ etinẹ na-a.

Jerimaya 7:6

rẹ ovwan gbi shenyẹ ọrhorha-a, rẹ ovwan gbi shenyẹ ọmọphrorivwi-i, kugbe ayeuku-u, eyẹ ovwan gbi sun ọbara ekueku te otọ vwẹ etinẹ na-a, rẹ ovwan gbi nenesi rẹ eghẹnẹ efa-a kẹ emiovwo rẹ ovwa-an,

Matiu 26:4

Aye da jẹ iroro kugbe obo rẹ ayen sa vwẹ aghwanre mu Jesu rere ayen hwe.

Jerimaya 22:17

Ẹkẹvuọvo wọ vwẹ ibiẹro vẹ udu vwọ kẹ erere ọchọchọ ọvo, vwo sun ọbara rẹ evwata te otọ, ji vwo ru oshenyẹ vẹ ozighi.

Jerimaya 2:34

A mrẹ ọbara rẹ ivwiogbere re hweri ekueku vwẹ ejọjọ rẹ ewun wẹn, ru wọ ru imu nana ejobi na yẹ ayen tọn uwevwi wẹn fi-i.

Jerimaya 2:30

Mi hwe emọ rẹ ovwan dede na, yẹn ayen vwiro ku obọ rhẹriẹ-ẹ, Ọlọkọ rẹ obọ wẹn hwe emraro wẹn kerẹ okpohrokpo rọ chẹghẹ emu.

Ivie rẹ Ivẹ 24:4

Kugbe ọbara rẹ eku ro sun te otọ, kidie ọ vwẹ ọbara rẹ eku vọn Jerusalẹm, yẹ Ọrovwohwo se vwo ghovwo-o.

Urhi Rivẹ 19:10

ọ rha dia eriyi-in e de rhi sun ọbara rẹ ihwo te otọ ekueku vwẹ evun rẹ otọ rẹ Ọrovwohwo rẹ Ọghẹnẹ wẹn kẹ wẹ nẹ wọ vwọ riuku na, abe rẹ ọbara rẹ eku da rhe dia uyovwi wẹn.

Jẹnẹsis 42:22

Rubẹn da kpahe kẹ ayen, Me ta kẹ ovwan dẹrhẹye nu we ruẹ umwemwu kpahe ọmọ na-a? Ẹkẹvuọvo wa davwerhọ-ọ. Etinẹ na ihri rẹ ọbara rọye kọye a ria mie avwanre na.

Jẹnẹsis 4:10

Ọrovwohwo da ta, Die kọye wo ruru na? Urhuru rẹ ọbara rẹ oniọvo wẹn kperi nẹ otọ bru vwe rhe.

Isẹ 6:16

Emu esan herọ ri tuẹ Ọrovwọhwo na oma, ighwrẹ re dia ẹgua vwọ kẹ:

Jerimaya 26:12

Kọye Jerimaya da ta kẹ isun vẹ ihwo na ejobi, nẹ, Ọrovwohwo ghine ju vwe rhe rhe ta eta ejobi re we nyori na kpahe uwevwi nana kugbe orere na.

2 Ikun rẹ Ivie 24:22

Kẹnẹ Joash gbe Karophihọ arodọvwẹ ri Jehoiada, ọsẹ ri Zekaraya, vwọ kẹ-ẹ, ẹkẹvuọvo o de hwe ọmọ rọye. Ọke ro vwo ghwẹ, ọ da ta, Gbe jẹn Ọrovwohwo mrẹ re ọ reihri.

Jerimaya 30:1

Ota ro nẹ obọ rẹ Ọrovwohwo bru Jerimaya rhe.