Jerimaya 26:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Kẹsiẹye irhẹrẹn na vẹ emraro na ke ta kẹ isun na vẹ ihwo na ejobi. Ọshare nana o fo abe rẹ ughwu, fikiridie ọ mraro kpahe orere nana, kirobo rẹ ovwan vwẹ erhọn rẹ ovwan nyo na.

Jerimaya 26:11 Referans Kwoze

Jerimaya 38:4

Ọye isun na da ta kẹ ovie na, je hwe ohwo nana, kidie o re ruẹ abọ rẹ isodje ri chekọ vwẹ orere na lọhọ, vẹ abọ rẹ ihwo na ejobi, rọ vwọ ta eta nana kẹ ayen na. Kidie ohwo nana guọnọ ufuoma rẹ ihwo na-a, ẹkẹvuọvo umiovwo rayen.

Matiu 26:66

Die ovwan rori vwo? Ayen da kpahe nẹ, o fo ughwu.

Urhi Rivẹ 18:20

Ẹkẹvuọvo ọmraro rọ de ta ota ọvo vwẹ odẹ mẹ ro dia ota ri mi jiro-o, eyẹ ohwo rọ vwẹ odẹ rẹ ẹdjọ ta ota, ọmraro yena ko ghwu.

Iruo rẹ Iyinkọn na 22:22

Kẹ etinẹ ayen kerhọn rọye ba; ayen da van ayen da ta, We si oka rẹ ohwo ọtiọnana nẹ akpọ na! Kidie o fo ohwo rọ rhọ-ọ.

Iyẹnrẹ Esiri ri Jọn 19:7

Ihwo ri Ju na da kpahe kẹ, Avwanre vwo urhi, fiki rẹ urhi yena o ghwu họ, fikiridie ọ vwẹ oma rọye ru Ọmọ rẹ Ọghẹnẹ.

Iyẹnrẹ Esiri ri Jọn 18:30

Ayen da kpahe kẹ, Ọ da dianẹ ohwo nana dia ohwoumwemwu-u, avwanre e muo rhe we-e.

Jerimaya 18:23

Ẹkẹvuọvo E Ọrovwohwo, wọwẹ re riẹn iroro rẹ ayen vwọ guọnọ ovwẹ hwe. Wọ vwẹ orukuruku rayen vwo ghovwo aye-en, wo ji phoro umwemwu rayen nẹ obaro wẹ-ẹ. Jẹn ayen she ghwiotọ vwẹ obaro wẹn, ru ayen gangan vwẹ ọke rẹ ophu wẹn na.

Jerimaya 26:16

Kẹsiẹye isun vẹ ihwo na ejobi ke ta kẹ irherẹn na vẹ emraro na nẹ, Ohwo nana fo abe rẹ ughwu-u, kidie ode rẹ Ọrovwohwo rẹ Ọghẹnẹ rẹ avwanre ọ vwọ ta ota kẹ avwanre na.

Iguẹdjọ 6:30

Etiyin eshare rẹ orho na da ta kẹ Joash nẹ, Reyọ ọmọ wẹn phihọ uphephẹ, rere o ghwu, kidie o gere agbada ri Baal she o de she Ashera rọ akakọ rọye teye otọ.