Jerimaya 25:25 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁵ Ivie ri Zimri ejobi, ivie rẹ Elam ejobi, kugbe ivie ri Midia ejobi.

Jerimaya 25:25 Referans Kwoze

Aizaya 11:11

Vwẹ edẹ yena Ọrovwohwo kọ cha riẹn obọ rọye vwẹ obọ rivẹ rhe vwọ ghwẹ umuku rẹ ihwo rọye ri chekọ, nẹ Asiria rhe, nẹ Ijipt, nẹ Patios, nẹ Itiopia, nẹ Elam, nẹ Shinar, nẹ Hamat, kugbe irere re hẹ obo oma rẹ urhie.

Jẹnẹsis 10:22

Emọ ri Shẹm: Elam, Asshur, Apak-shad, Lud, kugbe Aram.

Jerimaya 51:28

Rhuẹrẹ ẹgborho na kẹ ofovwi ra vwọ suọ, ivie ri Mid kugbe isun rayen vẹ ediachavwẹ rayen, vẹ otọ kotọ rẹ uvie rayen.

Jerimaya 51:11

Nọ edada na! Reyọ ekpọfia na! Ọrovwohwo kpare udu rẹ ivie rẹ Mid nure, fikiridie iroro rọye kpahe Babilọn iroro rẹ oghwọrọ, kidie ọye ihriẹriọ rẹ Ọrovwọhwo na, ihri fiki rẹ uwevwi rọye.

Aizaya 13:17

Nighere, me cha nẹrhẹ ihwo ri Mid vwọ so ayen, ihwo ri se idọnọ gbe emuọvo-o oma rẹ oro je vwerha aye-en.

Daniẹl 8:2

Me da mrẹ vwẹ evun rẹ emramrẹ na; mi vwo ni, kẹ otorho ri Susa mie pha, vwẹ ubrotọ rẹ Elam; me da mrẹ vwẹ evun rẹ emramrẹ na, nẹ oma rẹ urhie rẹ Ulai mie pha.

Daniẹl 5:28

PẸRẸS, A ghare uvie wẹn a da vwọ kẹ ihwo ri Mid vi Pẹsha.

Izikiẹl 32:24

Elam hẹ etiyin vẹ otu rọye ejobi re gba riariẹ ushi rọye; ayen re hweri, ra vwẹ ọlọkọ hwe, re vẹ upheruphe gbe kpo akpọ rẹ obotọ, re vwẹ uguegue muẹ ihwo vwẹ otọ rẹ ihwo ekpokpo, ke ayen ghwa oghwa rẹ omaẹvuọ rayen kugbe ayen ihwo ri kpo obo Ukpotọ

Aizaya 22:6

Elam ghwa ekpọ rẹ ibigẹn vẹ ekpẹrẹ kugbe ihwo re gua iyesi, Kir da guọnọ ekpọfia na phia.

Jẹnẹsis 25:2

O de vwiẹ Zimran, Jokshan, Medan, Midian, Ishbak, kugbe Shua.

Jẹnẹsis 14:1

Ọke rẹ Amrafel vwọ ovie ri Shinar, Ariọk ke ovie re Elasai, Chedor-laomer kẹ ovie rẹ Elam, Tidal kẹ ovie ri Goiim,

Iruo rẹ Iyinkọn na 2:9

Ihwo ri Patia kugbe Mid kugbe Elam kugbe ihwo re dia Mẹsopotemia, Judia kugbe Kapadosha, Pọntus kugbe Esha.

Aizaya 21:2

A da mrẹ emramre ọtuatua kẹ vwẹ, ogborhugborho re gborho, ọguọghọ ra ghwọrọ. Yanran, E Elam kpo imu, E Media; unuẹfion rọ fẹrẹ ejobi me vwẹ ayen te oba.