Jerimaya 25:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Mi che ru otọ yana kiroho re me ta kpahọ na ejobi, emu kemu re siri vwẹ ọbe nana ọ ri Jerimaya mraro rọye kpahe irere na ejobi.

Jerimaya 25:13 Referans Kwoze

Jerimaya 1:10

Nighe, nonẹ na me vwẹ owẹ mu vwẹ enu rẹ ẹgborho kugbe enu rẹ ivie, wọ vwọ kọnre wọ je guọghọ te otọ, wọ vwọ ghwọrọ wo vwo phi kua, wọ vwọ bọn wọ je vwọ kọn.

Jerimaya 1:5

Tavwe me ke mama owẹ vwẹ obo evun, me riẹn wẹ, tavwe re ki vwiẹ wẹ yi mi ru we fon nure; me da vwo owẹ mu ọmraro kẹ irere na.

Ẹvwọphia 10:11

A da vuẹ vwẹ, Wọ cha rhoma mraro kpahe ihwo buebu kugbe ẹgborho kugbe ephẹrẹ kugbe ivie.

Daniẹl 5:31

Dariọs ohwo ri Mid da reyọ uvie na, ohwo rẹ oma rẹ ẹgbukpe ujorha gbe ivẹ.

Daniẹl 5:28

PẸRẸS, A ghare uvie wẹn a da vwọ kẹ ihwo ri Mid vi Pẹsha.

Jerimaya 30:2

Enẹ Ọrovwohwo, Ọghẹnẹ rẹ Izrẹl tare. Si eta me ta kẹ owẹ na ejobi phihọ ọbe

Jerimaya 36:2

Reyọ ekpirhi rẹ ọbe wo si eta re me ta kẹ wẹ kpahe Izrẹl vẹ Juda vẹ irere na ejobi phihọ, nẹ ẹdẹ re me vwọ ta ota kẹ we na, nẹ ẹdẹ ri Josaya rhi te ẹdẹ ri none na.

Jerimaya 36:4

Jerimaya ki se Barọk ọmọ ri Neraya, Barọk de si eta rẹ Ọrovwohwo rọ ta kẹ Jerimaya na ejobi phihọ ekpirhi rẹ ọbe na vwẹ ọke ri Jerimaya vwo se ayen kẹ.

Jerimaya 36:29

Ku wọ ta kpahe Jehoiakim ovie ri Juda, Enẹ Ọrovwohwo tare, Die nẹrhe wo si phihọ nẹ ovie ri Babilọn ghine cha rhe ọ me rhe ghwọrọ otọ nana, ro de si ohwo vẹ eranvwe no?

Aizaya 55:11

ọtiọye ota Mẹ ro ne unu Mẹ rhe; che se fiabọ-ọ, ẹkẹvuọvo o ru obo ri mi jiro gba, obo mi jiro no ru ko yovwi.