Jerimaya 23:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Me cha vwẹ isuigegede re vwẹ ẹro te ayen mu kẹ ayen, oshọ rhe mu ayen ọfa-a, udu gbi bru aye-en, ọvuọvo gbi ghwru no-o, eriyin Ọrovwohwo tare.

Jerimaya 23:4 Referans Kwoze

1 Pita 1:5

Ihwo ra vwẹ ogangan rẹ Ọghẹnẹ rhẹrẹ fiki rẹ esegbuyota vwọ kẹ esivwo ra cha vwọ phia vwẹ ẹdẹ rẹ obo oba na.

Iyẹnrẹ Esiri ri Jọn 18:9

Ọnana ọ tare rere ota rọ tare na vwọ gba, Usun rẹ ihwo ru wọ vwọ kẹ vwẹ na ọvuọvo va vwẹ abọ ghwru-u.

Iyẹnrẹ Esiri ri Jọn 17:12

Ọke re me vẹ ayen vwọ hẹro na, me sẹro rẹ ayen vwẹ odẹ wẹn re wọ vwọ kẹ vwẹ na; me rhẹrẹ ayen, ọvuọvo rẹ ayen ghwruru-u ẹkẹvuọvo ọmọ rẹ ughwru na, rere ọbe ọfuanfon na vwọ gba.

Maika 5:2

Ẹkẹvuọvo wẹ, E Bẹtlẹhẹm Efrata, wẹ re ma hanvwe vwẹ usun rẹ uvwiẹ ri Juda, oma wẹ ọye ohwo ọvo che nurhe kẹ vwẹ rọ cha dia osun vwẹ Izrẹl, ohwo rọ herọ nẹ awanre rhe, nẹ ọke re rhabae rhe.

Jerimaya 33:26

kẹsiẹye me ke siẹn uvwie ri Jekọp vẹ Devid odibo mẹ mia rha sanọ ọvo vwẹ emọ rọye na nẹ ọ re uvie vwẹ enu rẹ uvwiẹ rẹ Ebraham, Aizik, vẹ Jekọp ofa-a. Kidie me cha vwẹ oyovwe rayen rhivwi rhe ki mi ji che ni arodọvwẹ rayen.

Jerimaya 31:10

Nyo ota rẹ Ọrovwohwo, E ẹgborho na, rere wo ghwoghwo vwẹ erhuru rẹ obo ogboko na, ta nẹ, Ọ rọ hra Izrẹl na ji che koko, ọ je cha sẹro rọye kirobo rẹ osuigegede sẹro rẹ igegede rọye.

Jerimaya 30:10

Wọ gbe djẹ oshọ-ọ, E Jekọp odibo mẹ, eriyin Ọrovwohwo tare, wo bru udu-u, E Izrẹl, kidie gbe no, mi che sivwi we nẹ ogboko rhe, emọ wẹn nẹ otọ rẹ ighuvwu rhe. Jekọp che rhivwi rhe o mi vwo ofuvwegbe, ohwo ro djẹ osho muo gbe dia-a.

Aizaya 11:11

Vwẹ edẹ yena Ọrovwohwo kọ cha riẹn obọ rọye vwẹ obọ rivẹ rhe vwọ ghwẹ umuku rẹ ihwo rọye ri chekọ, nẹ Asiria rhe, nẹ Ijipt, nẹ Patios, nẹ Itiopia, nẹ Elam, nẹ Shinar, nẹ Hamat, kugbe irere re hẹ obo oma rẹ urhie.

Ukeri 31:49

ayen da ta kẹ Mosis, Idibo wẹn kerẹ ihwo rẹ ofovwi na nure re hẹ otọ ri isuesun rẹ avwanre, yẹ ohwo ọvuọvo ghwru nẹ usun rẹ avwanre-e.

Maika 7:14

Vwẹ ọkpọ wẹn sun ihwo wẹn, igegede re wọ vwọ reuku, rẹ ayen ọvo dia evun rẹ egbo ọvo sogolo vwẹ ohri rẹ okogbe; jẹn ayen ghẹrẹ oma vwo Bashan vi Gilẹad kerẹ ọke rẹ awanre.

Livitikọs 26:9

Ki mi ni ovwan ẹro, ki mi ru ovwan bu ku we vwiẹ buebu, mi che ru ọphọ mẹ na gan vwọ kẹ ovwan.

Izikiẹl 36:11

Mi che ru ihwo te eranvwe wẹn bun phiyọ, we bu rere ayen bu phiyọ; kẹ ayen bun phiyọ je mọ emamọ; ki mi ru rere ihwo rhoma dia wẹ kerẹ ọke rẹ ẹsosuọ, ki mi ru we yovwi nọ obo ri jovwo. Ko wọ cha riẹn nẹ omẹvwẹ ọyen Ọrovwohwo na.

Maika 4:4

ẹkẹvuọvo dohwo dotọ ri vain kugbe fig rọye ki che tidia, ohwo ọvuọvo gbe djẹ oshọ mu aye-en, kidie unu rẹ Ọrovwohwo re otuofovwi na tarọ nure.

Zẹfanaya 3:13

Ayen otu ri chekọ vwẹ Izrẹl, gbi che ru oru chọ-ọ ayen gbe cha vwọrọ efia-an, eyẹ a gbe cha mrẹ ẹrẹnvwe rọ vwọrefia vwẹ unu raye-en. Kidie ayen che sun igegede rayen ayen ki shevwerhe te otọ, ohwo ọvuọvo gbe vwẹ oshọ mu aye-en.