Jerimaya 23:34 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³⁴ Vwọ kẹ ọmraro na, orherẹn, eyẹ ọvo vwẹ ihwo na rọ tare nẹ, Oghwa rẹ Ọrovwohwo na, Mi ru ohwo yena vẹ uwevwi rọye emu ọgangan.

Jerimaya 23:34 Referans Kwoze

Zekaraya 13:3

Re ọ da dianẹ ohwo rhoma vwẹ oma ru ọmraro, ọsẹ vẹ oni rọye ri vwiẹrẹ me ta kẹ nẹ, Wọ cha rhọ-ọn, kidie wọ vwẹ odẹ rẹ Ọrovwohwo vwọrọn efian, ọsẹ vẹ oni rọye ri vwiẹrẹ na mi duvwo fi vwẹ ọke rọ da mraro na.

Uvwerhe 2:14

Emraro wẹn mraro rẹ efian vẹ ọphiẹnvwẹ kẹ wẹ, ayen se tue orukuruku wẹn phia-a rọ vwẹ ughwe wẹn rhivwi rhe, ẹkẹvuọvo kẹ ayen bọ epha rẹ efian ro suẹn ohwo ghwrẹ.

Jerimaya 36:31

Ki mi che gboja kẹ, vẹ emọ rọye kugbe idibo rọye gangan fiki rẹ orukuruku rayen, ke me cha ghwa emiovwo mi ghwoghwo kpahe ayen jovwo na phihọ enu rayen, vẹ ihwo re dia Jerusalẹm, te ihwo ri Juda, ẹkẹvuọvo ayen rhọvwe nyo-o.

Nahum 1:1

Epha ra bọ kpahe Ninivẹ. Ọbe rẹ emramrẹ ri Nahum ohwo rẹ Ẹlkosh.