Jerimaya 23:29 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁹ Ọ dianẹ ota mẹ họhọ erhanre, eriyin Ọrovwohwo tare, ọ je họhọ ubrogba rọ guọghọ oragha ivwivwuvwu na?

Jerimaya 23:29 Referans Kwoze

Hibru 4:12

Kidie ota rẹ Ọghẹnẹ na ọkpokpọ gbrọgbrọ sasasa, dandan kerẹ ọlọkọ rẹ ako ivẹ, rọ nyavwe udu vẹ erhi rhie phihọ, rọ hẹriẹ ẹrho vẹ otu, o krẹ ro ki vughe iroro vẹ omeru rọ hẹ evun rẹ udu-u.

Jerimaya 5:14

Vwe ọtiọye na enẹ Ọrovwohwo na tare, Ọghẹnẹ rẹ otuofovwi na: Fikirobo rẹ ayen vwọ ta ota nana na, nighe, mi che ru ota mẹ rọ hẹ unu wẹn phihọ erhanre ihwo nana kẹ urhe, erhanre na kọ tọrhẹ ayen.

Iyẹnrẹ Esiri ri Luk 24:32

Ayen da ta kẹ ohwohwo, udu rhe kpokpo avwanre nanaye rọ vwọ ta ota kẹ avwanre vwẹ obo idjerhe-e, ro vwo rhie ẹbe efuanfon na kẹ avwanre?

Jerimaya 20:9

Me da tanẹ, Mi gbi che se odẹ rọye-e, eyẹ me gbe ta ota vwẹ odẹ rọye-e, yẹ ọ hẹ udu mẹ kerẹ erhanre rọ la re rhurhu phihọ evun rẹ ibeku mẹ, oma kọ rhọvwẹ vẹ eyọnrọn rọye, mi gbi se chiro-o.

Ẹvwọphia 11:5

Ọ da dianẹ ohwo guọnọ ayen woma, erhanre ko ghworo nẹ unu rayen rhe rhe torhẹ ivwighrẹ rayen; ohwo da wan ayen oma, ya vwẹ ayen ze kẹ ughwu, ki ghwu.

Iyẹnrẹ Esiri ri Jọn 6:63

Erhi na re kẹ arhọ, uvwo fi erere ọvuọvoo; eta na re me ta kẹ ovwan na eye hẹ erhi kugbe arhọ.

Iruo rẹ Iyinkọn na 2:3

Ọ da phia kẹ ayen kerẹsiẹ ra mrẹ imwerhanre sansan, o de she mu uyovwi rẹ ayen ọvuọvo.

Iruo rẹ Iyinkọn na 2:37

Ọke rẹ ayen vwo nyo onana udu de bru ayen, ayen da ta kẹ Pita vẹ iyinkọn ri chekọ na nẹ, Imoni, Kidie avwanre che ru?

2 Kọrẹnt 2:16

vwọ kẹ ọvo ọnrhe ororo nẹ ughwu kpo ughwu, vwọ kẹ efa ọnrhe ororo nẹ arhọ kpo arhọ. Kono ri teri ke imu nana?

Hosia 6:5

Fiki rẹ ọtiọye me vwọ vwẹ emraro na she ayen me da vwẹ eta rẹ unu mẹ hwe ayen, orhiẹbro mẹ da phia kerẹ uvo.