Jerimaya 23:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Enẹ Ọrovwohwo rẹ otuofovwi na tare, Wọ kerhọn rẹ eta rẹ emraro re mraro kẹ wẹ na-a, re ghwẹ iphiẹrohọ ifefe vọn wẹ oma na, emramrẹ re iroro rayen ayen ta na, ọ dia ọ ro nẹ unu rẹ Ọrovwohwo na rhe-e.

Jerimaya 23:16 Referans Kwoze

Jerimaya 14:14

Ọrovwohwo da ta kẹ vwẹ, Emraro na vwẹ odẹ me mraro rẹ ofian, mi ji ayẹ-ẹn mi ji iji kẹ aye-en eyẹ ta kẹ aye-en, aroẹmrẹ rẹ ofian ayen mrẹ kẹ ovwan na, epha ri fiemu-u, vẹ ọphiọvwẹ rọ hẹ udu rayen.

Izikiẹl 13:6

Ayen vwọrọ efian ayen bọn epha rẹ efian; ayen tare, Ọtiọye Ọrovwohwo tare, dede na yi mi ji aye-en ye ayen phiẹrohọ nẹ o ru ota ayen gba.

Matiu 7:15

Kenoma kẹ emraro rẹ efian ri ku ewun rẹ ogegede phihọ, yẹ obo evun rayen pha brabra gbegbo kerẹ okpohrokpo.

Izikiẹl 13:3

Enẹ Ọrovwohwo Ọghẹnẹ tare, Ekan kẹ emraro rẹ ẹkpa ri nene erhi rẹ obọ rayen, yẹ ayen mrẹ emuọvo-o!

1 Jọn 4:1

Imoni re ghare, ovwan se erhi kerhi gbuyota-a, ẹkẹvuọvo wa davwe ayen ni tavwe sẹ ghine erhi rẹ Ọghẹnẹ ayen ruẹ; kidie emraro rẹ ofian buebu ro evun rẹ akpọ na re.

Jerimaya 23:21

Mi ji emraro na-a, yẹ ayen djẹ, Me ta kẹ aye-en yẹ ayen mraro.

Ivie rẹ Ivẹ 17:15

Ayen da jẹ irhi rọye fia, kugbe ọphọ rọ vẹ esẹ rayen rere, kugbe okpa rọ kpa kẹ ayen. Ayen da yan nene ema rẹ efian, ayen de nene ẹgborho re yariẹ ayen phihọ, rẹ Ọrovwohwo kpa ọkpa kẹ ayen nẹ ayen nene-e na.

Maika 2:11

Ohwo de vrẹn kpo otafe ra ta eta ifefe vẹ efian, tanẹ, me ta ota rẹ udi vẹ udi ọgangan kẹ ovwan, kọye re cha ta ota kẹ ihwo nana.

Jerimaya 23:26

Mavo efian dia krite vwo vwẹ evun rẹ emraro re vwọrọn efian na, re mraro rẹ ophiẹvwe rẹ udu rẹ obọ rayen na,

Izikiẹl 22:28

Emraro rọye da vwẹ ophiẹvwe vwo ghwọrọ ayen, re mrẹ emramrẹ rẹ efian re bọ epha rẹ efian kẹ ayen, tanẹ, E nẹ Ọrovwohwo Ọghẹnẹ tare, jẹ Ọrovwohwo na tare-e.

Izikiẹl 13:23

fiki rẹ ọtiọye na wọ gbe cha mrẹ emramrẹ rẹ ophiẹvwe ọfa-a eyẹ uruemu rẹ epha ẹbọ-ọ, mi che sivwi ihwo mẹ nẹ obọ wẹn, ku wọ riẹn nẹ mẹvwẹ hẹ Ọrovwohwo na.

Izikiẹl 13:16

Enana emraro rẹ Izrẹl re mraro kpahe Jerusalẹm re mrẹ emramrẹ rẹ ufuoma kpahọ, yẹ ufuoma herọ-ọ, ọtiọye Ọrovwohwo Ọghẹnẹ tare.

Jerimaya 29:8

Kidie enẹ Ọrovwohwo rẹ otuofovwi, Ọghẹnẹ rẹ Izrẹl, tare. We jẹ emraro vẹ eboepha re hẹ uherevie rẹ ovwan na phiẹ ovwa-an, wa kerhọn rẹ evwerhẹ re ayen vwerhe na-a,

Jerimaya 9:20

Ovwan gbe nyo, E eya, ota rẹ Ọrovwohwo na, re we jẹ erhọn rẹ ovwan reyọ ota rẹ ugbunu rọye, yono emetẹ wẹn obo ra viẹ dohwo dọrivẹ rọye so ine rẹ uvweri kẹ.

Jerimaya 2:5

Eriyin Ọrovwohwo tare, Didi oruchọ esẹ wẹn mrẹ vwẹ oma mẹ rẹ ayen vwọ yan jẹ uvwe vwo shesheri re nene imu fefe, rẹ ayen vwo hirhe oma phihọ ofefe?

Isẹ 19:27

Ọmọ mẹ, gbobọnyẹ uyono, ku wo che ghwrẹ nẹ eta rẹ erianriẹn.

Ọbe ri Pọl si rhe Ihwo ri Rom 1:21

dede nẹ ayen riẹn nẹ Ọghẹnẹ o ruẹ yẹ ayen rhe mu ọghọ kẹ kerẹ Ọghẹnẹ-ẹ eyẹ vwọ vwẹ ẹkpẹvwẹ kẹ-ẹ, ẹkẹvuọvo ayen da rhe dia ihwo aphro ghevweghe vwẹ iroro rayen, udu rẹ ẹkpa rayen na de rhi mu ebri.

Jerimaya 9:12

Ono ohwo rọ ghwanre rọ sa riẹn otọ rẹ ọnana? Ono unu rẹ Ọrovwohwo tarọ kẹ, ro ghwoghwo phia? Die jabọ rẹ otọ na vwo miovwi, vwọ dia ofefe kerẹ aghwa rẹ ohwo ọvuọvo gbe wan vrẹ-ẹn?

Uvwerhe 2:9

Inurhoro rọye kporo ro otọ; Ọ ghwọre o vwirhi egba rọye ovie vẹ isun rọye hẹ ohri rẹ ẹgborho na, urhi gbe herọ-ọ. Emraro rọye gbe mrẹ emramrẹ nẹ obọ rẹ Ọrovwohwo cha-a.

1 Ivie 22:11

Zẹdikaya ọmọ ri Chenaanah de duvwu lghoro rẹ utehru kẹ oma rọye, ọ da ta, E nẹ Ọrovwohwo tare, Ighoro nana we che vwo dje ihwo ri Siria bẹsiẹ rẹ ayen vwọ ghwọrọ.

2 Ikun rẹ Ivie 18:5

Etiyin ovie rẹ Izrẹl de se emraro na koko, ihwo ujori ẹne, ọ da ta kẹ ayen, Avwanre rẹ phi Ramot-gilead, eyẹ e jovwo? Ayen da ta, Wa yanran; kidie Ọghẹnẹ che phio phihọ obọ rẹ ovie na.

Jerimaya 29:23

fikiridie ayen ru uruemu rẹ ẹkpa vwẹ Izrẹl ayen vẹ eya rẹ irivẹ rayen gbe ọfanrhiẹn, ayen da vwẹ odẹ mẹ ta eta rẹ efian re me vuẹ ayen nẹ ayen ta-a. Mẹvwẹ ohwo rọ riẹnre, mẹvwẹ je he oseri, eriyin Ọrovwohwo tare.